Yoxuwa 10:41 - Xitsonga (Bibele)

⁴¹ Yoxuwa a hlasela ku suka eKadexe-Bariniya ku ya fika eGaza, ni tiko hinkwaro ra Goxeni ku ya fika eGibiyoni.

BIBELE Mahungu Lamanene

⁴¹ Kutani Yoxuwa a hlasela ku sukela eKadexe-Bariniya ku ya fika eGaza, a hlasela ni tiko hinkwaro ra Goxeni ku ya fika eGibiyoni.

Yoxuwa 10:41 Referans Kwoze

Yoxuwa 11:16

Yoxuwa a teka tiko leri hinkwaro, yi ri ntshava, ni tlhelo ra dzonga hinkwaro, ni misava ya Goxeni, ni tiko leri nga ehansi, ni rivala, ni ntshava ya Israele, ni tiko leri nga ehansi ka yona,

Yoxuwa 15:51

Goxeni, Holoni, Gilo: miti ya 11 ni swimitana swa yona.

Duteronoma 9:23

Ni loko Yehovha a mi rhumile, mi ri eKadexe-Bariniya, a ku: ‘Tlhandlukani, mi ya teka tiko leri ndzi mi nyikeke rona,’ mi landzurile ku lerisa ka Yehovha, Xikwembu xa n'wina; a mi pfumelangi eka yena, a mi yingisanga rito ra yena.

Genesa 10:19

Kutani maavana ya Vakanana ma suka eSidoni ku ya fika eGerara na Gaza, ni hitlhelo ra Sodoma na Gomora, na Adama na Seboyimi, ku fika eLaxa.

Timhaka 8:26

Kutani ntsumi ya Hosi yi byela Filipi, yi ku: “Suka, u ya tlhelo ra dzonga endleleni leyi xikaka hi le Yerusalema, yi rhelela eGaza,” laha ku nga mananga;

Zakariya 9:5

Axikeloni u ta swi vona a tshuka; na Gaza, a rhurhumela ngopfu, na yena Ekroni, hikuva u ta va ni tingana hikwalaho ka ku langutela ka yena. Gaza u ta lahlekelwa hi hosi ya yena, na Axikeloni a a nga ha akiwi.

1 TIHOSI 3:5

Yehovha a humelela eka Solomoni eGibiyoni, eku lorheni nivusiku; kutani Xikwembu xi ku eka yena: “Kombela lexi u rhandzaka ku nyikiwa xona.”

1 SAMIELE 6:17

Hi wona matshumba ya nsuku lama humeseriweke Yehovha hi Vafilista wu va nhlengo wa nandzu: tshumba rin'we ra Axidodo, rin'we ra Gaza, rin'we ra Axikeloni, rin'we ra Gati, rin'we ra Ekroni.

Vaavanyisi 16:21

Vafilista va n'wi khoma, va n'wi xokola mahlo, va n'wi ngirimerisa eGaza, va n'wi boha kona hi timpecana timbirhi ta koporo, a sila a ri ekhotsweni.

Vaavanyisi 16:1

Kutani Samsoni a ya eGaza, a vona kona nsati wa mbiri, a ya eka yena.

Yoxuwa 10:12

Kavaloko Yoxuwa a vulavula na Yehovha siku Yehovha a nyiketeke Vaamori eka vana va Israele, a ku: “Dyambu, yima ehenhla ka Gibiyoni, na wena n'weti enkoveni wa Ayaloni.”

Yoxuwa 10:2

a chava ngopfungopfu, hikuva Gibiyoni a wu ri muti lowukulu, kukotisa muti wa tihosi, wu tlula Ayi, kambe vavanuna va wona a ti ri tinhenha.

Tinhlayo 34:4

ndzilakana wu ta rhendzeleka edzongeni hi ndlela leyi tlhandlukaka ya Akrabimi, kutani wu ta hundzela Sini, wu ya fika edzongeni, eKadexe-Bariniya; kutani wu ta kongoma eHasari-Adara, wu tsemakanya Asimoni.

Tinhlayo 32:8

Vatata wa n'wina va endlile sweswo loko ndzi va rhumile va ri eKadexe-Bariniya ku ya vona tiko.

Tinhlayo 13:26

Kutani va famba va ya fika eka Muxe na Aroni, ni nhlengeletano hinkwayo ya vana va Israele, emananga ya Parani, ekusuhi ni Kadexe. Kutani va va ambela timhaka ni ka nhlengeletano hinkwayo, va va kombisa mihandzu ya tiko.

Duteronoma 1:19

“Kuteloko hi sukile eHorebe, hi tsemakanyile mananga lawa hinkwawo lamakulu, lama chavisaka, lawa mi ma voneke; hi fambile hi ndlela ya ntshava ya Vaamori, hilaha Yehovha a hi leriseke hakona, hi ko hi ya fika eKadexe-Bariniya.

Duteronoma 2:23

Na vona Vaavhimi, lava akeke eswimitaneni ku ya fika eGaza, va herisiwile hi Vakafitoro lava humeke eKafitoro, kutani va aka ematshan'weni ya vona.)

Yoxuwa 11:22

A ku salanga Vaanaka etikweni ra vana va Israele va sala ntsena eGaza, na Gati na Axidodo.