Yoxuwa 10:37 - Xitsonga (Bibele)

³⁷ va wu teka, kutani va wu heta hi tlhari, ni hosi ya wona, ni miti hinkwayo ya wona, ni leswi hanyaka hinkwaswo leswi ngi swi ri eka wona, a nga tshikangi munhu a baleka, kambe a wu yirisa kukotisa leswi a swi endleleke Egiloni, ni hinkwaswo leswi hanyaka leswi ngi swi ri eka wona.

BIBELE Mahungu Lamanene

³⁷ va wu teka; va dlayetela vaaki va wona hi fumu, va dlaya ni hosi ya wona, va herisa ni swimitana swa wona va nga siyi munhu eka swona, ku fana ni leswi muti wa Egiloni va wu endleke swona; va herisa vaaki va wona ku nga sali na un'we wa mhamba.

Yoxuwa 10:37 Referans Kwoze

Yoxuwa 10:36

Kutani Yoxuwa ni Vaisraele hinkwavo va suka eEgiloni, va ya eHebroni, va lwa na wona,

Yoxuwa 10:38

Kutani Yoxuwa ni Vaisraele hinkwavo va kongoma eDebiri, va lwa na wona.

Eksoda 17:13

Kavaloko Yoxuwa a hlula Amaleke ni tiko ra yena hi matlhari.

Yoxuwa 10:28

Hi siku leri, Yoxuwa a teka Makeda, a wu heta hi matlhari, kutani a yirisa hosi ya wona, ni hinkwavo lava hanyaka lava ngi va ri eka wona; a nga tshikanga mubaleki, kambe a endlela hosi ya Makeda kukotisa leswi a endleleke hosi ya Yeriko.

Yoxuwa 10:35

Va wu teka hi siku rolero va wu herisa hi tlhari: hi siku leri, va yirisa hinkwaswo leswi hanyaka leswi ngi swi ri eka wona kukotisa leswi va swi endleleke Lakixi.

Yoxuwa 10:39

Kutani va wu teka, ni hosi ya kona, ni miti hinkwayo ya wona, va wu heta hi tlhari, kutani va yirisa leswi hanyaka hinkwaswo leswi ngi swi ri ka wona, a nga tshikanga mubaleki hilaha a endleleke Hebroni hakona, kambe a endlela Debiri ni hosi ya kona kukotisa leswi a swi endleleke Libina ni hosi ya kona.

Yoxuwa 10:40

Yoxuwa a hlasela tiko leri hinkwaro etintshaveni ni le dzongeni, ni le tikweni leri nga ehansi, ni le eku rheleleni ka tintshava, ni tihosi hinkwato ta kona, a nga tshikanga mubaleki, kambe a yirisa hinkwaswo leswi hefemulaka, hilaha Yehovha, Xikwembu xa Israele a leriseke hakona.

Yoxuwa 11:12

Yoxuwa a teka miti hinkwayo ya tihosi leti, ni tihosi hinkwato ta kona a ti yirisa, a ti dlaya hi tlhari, hilaha Muxe, nandza wa Yehovha, a leriseke hakona.