Yoxuwa 10:33 - Xitsonga (Bibele)

³³ Kavaloko Horamu, hosi ya Gezere, a ya pfuna Lakixi; kambe Yoxuwa a lwa na yena ni tiko ra yena, a va dlaya, ku nga balekanga munhu.

BIBELE Mahungu Lamanene

³³ Kutani hosi ya muti wa Gezere yi tlhandluka yi ya pfuna vaaki va muti wa Lakixi, kambe Yoxuwa a yi dlaya ni vanhu va yona hinkwavo, ku nga sali na un'we wa mhamba.

Yoxuwa 10:33 Referans Kwoze

Vaavanyisi 1:29

Loko a ri Efrayimi, a nga hlongolanga Vakanana lava akeke eGezere kutani Vakanana va aka na vona eGezere.

Yoxuwa 16:10

Kambe a va hlongolanga Vakanana lava akeke eGezere; sweswo Vakanana va akile exikarhi ka va Efrayimi ku fika ni namuntlha; ntsena va tirhisiwa mitirho.

Yoxuwa 16:3

kutani wu rhelela evupeladyambu ekusuhi ni ndzilakana wa Vayafeleti, wu fika endzilakaneni wa Bet-Horoni wa le hansi, ni ku fika eGezere, kutani wu ya huma elwandle.

1 TIKRONIKA 20:4

Endzhaku ka sweswo a ku ri ni ku lwa ni Vafilista eGezere. Sibekayi, wa Huxa, a dlaya Sipayi, un'wana wa vana va Rafa. Kutani Vafilista va tsongahatiwa.

1 TIKRONIKA 6:67

va nyikiwa miti ya vuchavelo entshaveni ya Efrayimi, wu ri Xikeme ni tikwana ra wona, na Gezere ni tikwana ra wona,

Yoxuwa 21:21

Va va nyika Xikeme, muti wa xichavelo xa mudlayi ni tikwanyana ra wona, entshaveni ya Efrayimi, na Gezere ni tikwanyana ra wona,

Yoxuwa 12:12

hosi ya Egiloni, yin'we; hosi ya Gezere, yin'we,

Yoxuwa 10:32

Kutani Yehovha a nyiketa Lakixi emavokweni ya Vaisraele kutani hi siku ra vumbirhi a wu teka a dlaya hi tlhari hinkwaswo leswi hanyaka, leswi ngi swi ri eka wona, kukotisa leswi a endleleke Libina.

Yoxuwa 10:34

Yoxuwa ni Vaisraele hinkwavo, va suka eLakixi, va ya eEgiloni, kutani va gova emahlweni ka wona, va lwa na wona.

2 SAMIELE 5:25

Davhida a endlisa sweswo, hilaha Yehovha a n'wi leriseke hakona, kutani a hlula Vafilista ku suka eGeba ku lava ku fika eGezere.