Yoxuwa 10:27 - Xitsonga (Bibele)

²⁷ Kakuloko dyambu ri ya eku peleni, Yoxuwa a lerisa leswaku ti hawuriwa emirhini, ti cukumetiwa ebakweni, laha ti tumbeleke kona; kutani va veka enyangweni ya bako maribye lamakulu, lama nga kona ni namuntlha.

BIBELE Mahungu Lamanene

²⁷ Kutani nimadyambu Yoxuwa a lerisa vanhu leswaku va ya hawula mintsumbu ya tona, va ya yi hoxa ebakweni leri a ti tumberile eka rona, kutani va veka maribye lamakulu enyangweni ya bako. Maribye lawa, ma ha ri kona ni namuntlha.

Yoxuwa 10:27 Referans Kwoze

Yoxuwa 8:29

Loko yi ri hosi ya Ayi, va n'wi hayeka emurhini ku fika nimadyambu, kutani kakuloko dyambu ri pela, Yoxuwa a va lerisa ku hawula ntsumbu wa yena emurhini, kutani va n'wi cukumeta enyangweni ya muti, va aka ehenhla ka yena nhulu leyikulu ya maribye leyi nga kona ni namuntlha.

2 SAMIELE 18:17

Kutani va teka Abixalomu va n'wi cukumeta exihlahleni, ekheleni lerikulu, va hlengeleta ehenhla ka yena nhulu leyikulu ngopfu ya maribye; kutani Vaisraele va tsutsuma, un'wana ni un'wana entsongeni wa yena.

Yoxuwa 7:26

Kambe va aka ehenhla ka yena nhulu leyikulu leyi nga kona ni namuntlha. Kutani Yehovha a tlhela evukarini lebyikulu bya yena; hikwalaho va thya, ni namuntlha, ndhawu leyi, nkova wa Akora (ku pfilunganya).

Yoxuwa 4:9

Yoxuwa a yimisa ni maribye ya 12 exikarhi ka Yordani, laha ku nga yima mikondzo ya vaprista lava rhwalaka areka ya ntwanano, kutani ma yimile kona ku fika namuntlha.