Yoxuwa 10:10 - Xitsonga (Bibele)

¹⁰ Kutani Yehovha a va hangalasa emahlweni ka Israele kutani Israele a lwa na vona, a va hlula swinene ekusuhi na Gibiyoni; kutani Israele a va hlongorisa endleleni leyi khandziyaka ya Bet-Horoni, a lwa na vona ku fika eAzeka na Makeda.

BIBELE Mahungu Lamanene

¹⁰ Kutani HOSI Xikwembu xi hlanganisa Vaamori tinhloko loko va vona Vaisraele. Hiloko Vaisraele va dlayetela Vaamori lavo tala eGibiyoni va va hlongorisa hi ndlela leyi taka hi le xiphandzeni xa Beta-Horoni, va va hlasela ku ya fika le Azeka ni le Makeda.

Yoxuwa 10:10 Referans Kwoze

Pisalema 18:14

A copa miseve ya yena, a hangalasa valala va mina, A vangamisa tihati leti nga hlayiwiki, a va hambanyisa.

Yoxuwa 16:5

Hi wona ndzilakana wa vana va Efrayimi, hi tindlu ta vona: Ndzilakana wa ndzhaka ya vona wu le vuxeni ka Ataroti-Adara ku fika eBet-Horoni wa le henhla,

Yoxuwa 16:3

kutani wu rhelela evupeladyambu ekusuhi ni ndzilakana wa Vayafeleti, wu fika endzilakaneni wa Bet-Horoni wa le hansi, ni ku fika eGezere, kutani wu ya huma elwandle.

Esaya 28:21

Hikuva Yehovha u ta yima tanihi leswi a nga endla entshaveni ya Perasimi; u ta kariha tanihi leswi a swi endleke enkoveni wa Gibiyoni leswaku a tirha ntirho wa yena — ntirho lowu hlamarisaka — ni ku tirha swa yena swa mahlori.

Vaavanyisi 4:15

Kutani Yehovha a hangalasa Sisera ni tigolonyi ta yena hinkwato, ni mavandla ya yena hinkwawo hi ku kariha ka fumu, emahlweni ka Baraka; Sisera a xika egolonyini ya yena, a baleka hi milenge.

Yoxuwa 15:35

Yaramutu, Adulama, Soko, Azeka;

Yoxuwa 10:11

Kutani, kuteloko va ha balekele Israele eku rheleleni ka Bet-Horoni, Yehovha a va nisela hi le tilweni maribye lamakulu ku fika eAzeka, kutani va fa, lava dlayiweke hi maribye lawa ya xihangu a va tlula lava vana va Israele va va dlayeke hi tlhari.

Yeremiya 34:7

Hi loko mavandla ya hosi ya Babilona ma ri karhi ma lwa na Yerusalema, ni miti hinkwayo ya Yuda leyi seleke: A lwa na Lakixi, na Azeka, hikuva a yi ri miti ya makhokholo leyi nga sala exikarhi ka miti ya Yuda.

Pisalema 78:55

Xi hlongorisa matiko emahlweni ka vona, Xi va avanyisela ku averiwa ka ndzhaka ya vona hi pindza, Kutani xi akisa tinxaka ta Israele emitsongeni ya vona.

Pisalema 44:3

Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

2 TIKRONIKA 14:12

Kutani Yehovha a hlula Vakuxi emahlweni ka Asa ni le mahlweni ka va Yuda; kutani Vakuxi va tsutsuma.

1 SAMIELE 13:18

yin'wana yi famba endleleni ya Bet-Horoni; ya vunharhu yi famba hi ndlela ya ndzilakana leyi nga ehenhla ka nkova wa Seboyimi, hitlhelo ra mananga.

Yoxuwa 21:22

na Kibisayimi ni tikwanyana ra wona, na Bet-Horoni ni tikwanyana ra wona: miti ya mune;

Yoxuwa 15:41

Gederoti, Beta-Dagoni, Naama, Makeda: miti ya 16 ni swimitana swa yona.

Yoxuwa 12:16

hosi ya Makeda, yin'we; hosi ya Betele, yin'we;

Yoxuwa 11:8

Yehovha a va nyiketa emavokweni ya Vaisraele, kutani va va tlhava va va hlongorisa ku ya fika eSidoni lowukulu ni Misrefoto-Mayimi, ni ku fika enkoveni wa Mispa, evuxeni; va lwa na vona, va nga siyi mubaleki ni un'we.

Yoxuwa 10:28

Hi siku leri, Yoxuwa a teka Makeda, a wu heta hi matlhari, kutani a yirisa hosi ya wona, ni hinkwavo lava hanyaka lava ngi va ri eka wona; a nga tshikanga mubaleki, kambe a endlela hosi ya Makeda kukotisa leswi a endleleke hosi ya Yeriko.

Duteronoma 7:23

Yehovha, Xikwembu xa wena, u ta va nyiketa emavokweni ya wena, u va pfilunganyisa, va ko va herisiwa;

Yoxuwa 10:9

Kavaloko Yoxuwa a fika kan'we eka vona; a fambile vusiku hinkwabyo loko a suka eGiligala.

1 SAMIELE 17:1

Kutani Vafilista va hlengeleta tinyimpi ta vona ku ya eku lweni. Va hlengeletana eSoko, lowu nga wa Yuda; va gova exikarhi ka Soko na Azeka, ku nga eEfese-Damimi.

2 SAMIELE 22:15

A copa miseve ya yena, a hangalasa valala va mina hi yona, A vangamisa rihati, kutani a va hambanyisa.

1 TIHOSI 9:17

Solomoni a aka Gezere na Bet-Horoni wa le hansi,

Pisalema 68:14

Siku La nga ni matimba hinkwawo a hangalaseke tihosi etikweni, Misava yi basa [hi marhambu] kukotisa gamboko ehenhla ka Salimoni.

Vaavanyisi 4:16

Kutani Baraka a hlongorisa tigolonyi ni mavandla ku ya fika eHaroxete-Goyimi, mavandla hinkwawo ya Sisera ma dlawa hi ku kariha ka fumu, ku nga poni munhu.

Vaavanyisi 5:20

Tinyeleti ta le matilweni ti lwa, Ti lwa na Sisera loko ti hundza hi tindlela ta tona.

2 TIKRONIKA 25:13

Kambe vanhu va vandla leri Amasiya a ri tlheriseke leswaku va nga humi nyimpi na yena, va ya hlasela miti ya Yuda, ku suka eSamariya ku fika eBet-Horoni, va dlaya vanhu va 3 000, va phanga ni xuma lexikulu.

Esaya 30:30

Kutani Yehovha u ta twakarisa rito ra yena lerikulu, a komba ku xungeta ka voko ra yena lero leva ni ku kariha ni ndzilo wa langavi leri hisaka, ni xidzedze, ni mpfula leyikulu, ni maribye ya xihangu.

Zakariya 14:3

Yehovha u ta humelela, a lwa ni matiko wolawo, kukota siku a lwaka esikwini ra ku dlaya.