Yoxuwa 10:1 - Xitsonga (Bibele)

¹ Adoni-Sedeke, hosi ya Yerusalema, kuteloko a twile leswaku Yoxuwa a tekile Ayi, a va a wu yirisa, ni leswaku a endlele Ayi ni hosi ya kona kukotisa leswi a endleke Yeriko ni hosi ya kona, ni leswaku vaaki va Gibiyoni a va kumile ku rhula ni Vaisraele, ni leswaku a va ri exikarhi ka vona,

BIBELE Mahungu Lamanene

¹ Timhaka ta ku tekiwa ka muti wa Ayi hi Yoxuwa, a wu herisela makumu, ti fikile etindleveni ta Adoni-Sedeke hosi ya Yerusalema. Ú twile ni leswi Yoxuwa a swi endleke muti wa Ayi ni hosi ya wona, ku fana ni leswi a swi endleke muti wa Yeriko ni hosi ya wona. Ú tlherile a twa ni hilaha vaaki va le Gibiyoni va endleke xinakulobye ni Vaisraele hakona, ni leswaku va le xikarhi ka vona.

Yoxuwa 10:1 Referans Kwoze

Vaheveru 7:1

Hikuva Melkisedeke yeloyi, hosi ya Salema, muprista wa Xikwembu lexi nge henhlahenhla, yeloyi a nga ya hlangana na Abrahama siku a vuyaka eku hluleni ka tihosi, a va a n'wi katekisa,

Yoxuwa 8:2

U ta endlela Ayi ni hosi ya yena kukota leswi u swi endleleke Yeriko ni hosi ya yena ntsena mi ta titekela vukosi bya yena ni swifuwo swa yena. Veka vanhu endzhaku ka muti, va wu tumbelela.”

Yoxuwa 6:21

Va yirisa hinkwaswo leswi nga emutini, vavanuna ni vavasati ni lavantshwa, ni va khale, ni tihomu, ni tinyimpfu ni timbhongolo, va swi dlaya hi matlhari.

Genesa 14:18

Kutani Melkisedeke, hosi ya Salema, a ta ni vuswa ni vhinyo; a a ri muprista wa Xikwembu xa le henhlahenhla.

Yoxuwa 8:21

Yoxuwa ni Vaisraele hinkwavo, kuteloko va vonile leswaku vatumberi va nghenile emutini ni leswaku musi wa muti a wu mbuluka, va hundzuka, kutani va lwa ni vanhu va Ayi.

Yoxuwa 10:3

Kutani Adoni-Sedeke, hosi ya Yerusalema, a rhuma eka Hohamu, hosi ya Hebroni, ni le ka Piramu, hosi ya Yaramutu, ni le ka Yafiya, hosi ya Lakixi, ni ka Debiri, hosi ya Egiloni, a ku eka vona:

Yoxuwa 9:3

Kambe vaaki va Gibiyoni, kuteloko va twile hilaha Yoxuwa a tirheke hakona na Yeriko na Ayi,