Yoxuwa 1:9 - Xitsonga (Bibele)

⁹ Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

BIBELE Mahungu Lamanene

⁹ Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yoxuwa 1:9 Referans Kwoze

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Duteronoma 20:1

“Kutakuloko u huma nyimpi ku ya lwa ni valala va wena, ni loko u vona tihanci ni tigolonyi, ni nyimpi leyi ku tlulaka hi ku tala, u nga tshuki u va chava, hikuva Yehovha, Xikwembu xa wena, u na wena, yena la ku humeseke etikweni ra Egipta.

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Esaya 43:5

U nga chavi hikuva ndzi na wena, ndzi ta vuyisa rixaka ra wena ri huma evuxeni, ndzi ri hlengeleta ri huma evupeladyambu.

Vaavanyisi 6:14

Kutani Yehovha a rhendzelekela eka yena, a ku: “Yana hi matimba lawa u nga na wona, u ta lamulela Vaisraele emavokweni ya Vamidiyani. Xana a ndzi ku rhumanga xana?”

2 SAMIELE 13:28

Abixalomu a lerisa malandza ya yena, a ku: “Xiyani swinene, kutakuloko mbilu ya Aminoni yi tsakisiwa hi vhinyo, ni loko ndzi ku eka n'wina: ‘Dlayani Aminoni!’ Mi ta n'wi dlaya, mi nga chavi, a ndzi mi lerisanga sweswo xana? Tiyani timbilu, mi va tinhenha!”

Timhaka 4:19

Kambe Petro na Yohane va va hlamula, va ku: “A ku avanyise n'wina: xana swi lulamile emahlweni ka Xikwembu ku yingisa n'wina ku tlula Xikwembu xana?

Duteronoma 31:28

Hlengeletani ka mina vakulukumba hinkwavo va tinyimba ta n'wina, ni tindhuna ta n'wina; ndzi ta va byela marito lawa etindleveni ta vona, ndzi ta teka matilo ni misava, ti va timbhoni ta mina emahlweni ka vona.

Duteronoma 1:21

Languta, Yehovha, Xikwembu xa wena, xi ku nyikile tiko: khandziya, u ya ri teka, hilaha Yehovha a ku byeleke hakona, xi ri Xikwembu xa vatata wa wena; u nga chavi, u nga rhurhumeli.’

Yoxuwa 1:10

Kutani Yoxuwa a lerisa tindhuna ta tiko, a ku:

Yoxuwa 1:17

Kukotisa leswi hi yingiseke Muxe etimhakeni hinkwato, hi ta ku yingisa. Ntsena Yehovha, Xikwembu xa wena, a a ve na wena kukotisa leswi ingi a a ri na Muxe.

Yoxuwa 8:1

Yehovha a ku eka Yoxuwa: “U nga chavi, u nga heli mbilu! Famba ni hinkwavo lava hlomaka, u ya lwa na Ayi. Vona, ndzi nyiketile emavokweni ya wena hosi ya Ayi, ni vanhu va yona, ni muti wa yona, ni tiko ra yona.

Yoxuwa 10:8

Kutani Yehovha a ku eka Yoxuwa: “U nga va chavi hikuva ndzi va nyiketile emavokweni ya wena, ku nga ka ku nga tiyi ni un'we emahlweni ka wena.”

2 TIKRONIKA 15:7

Loko mi ri n'wina, tiyani timbilu; mavoko ya n'wina ma nga tshuki ma tsana, hikuva ntirho wa n'wina wu ta va ni hakelo.”

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Genesa 39:2

Kutani Yehovha a va na Yosefa; a a ri munhu wa nkateko; a tshama endlwini ya n'wini wa yena.

Genesa 39:3

Kutani n'wini wa yena a vona leswaku Yehovha a a ri na yena, ni leswaku hinkwaswo leswi a swi endlaka, Yehovha a a n'wi katekisela swona evokweni ra yena.

Duteronoma 31:23

Yehovha a lerisa Yoxuwa, n'wana Nuni, a ku eka yena: “Tiyisa mbilu, u tiya, hikuva hi wena la nga ta nghenisa vana va Israele etikweni leri ndzi va hlambanyeleke rona; kambe mina, ndzi ta va na wena.”

Yoxuwa 1:18

Un'wana ni un'wana la nga ta ala ku endla hi ku lerisa ka wena, loko a nga yingisi marito ya wena eswilweni hinkwaswo leswi u nga ta n'wi lerisa swona, u ta dlawa; ntsena, tiya mbilu, u tiya.”

Yoxuwa 3:7

Yehovha a ku eka Yoxuwa: “Namuntlha ndzi ta sungula ku ku kurisa emahlweni ka Vaisraele hinkwavo, va ta tiva leswaku ndzi ta va na wena kukotisa leswi ingi ndzi ri na Muxe.

Yoxuwa 6:27

Yehovha a a ri na Yoxuwa, kutani ku twala ka yena a ku hangalaka etikweni hinkwaro.

Yoxuwa 10:25

Kutani Yoxuwa a ku eka vona: “Mi nga chavi, mi nga tsemeki nhlana, tiyani, mi va ni mbilu, hikuva Yehovha u ta endlela valala va n'wina hinkwavo lava mi lwaka na vona hi sweswo.”

1 SAMIELE 10:7

Kutakuloko swikombiso leswi swi ku humelela, u ta endla leswi nga ta va emahlweni ka wena, hikuva Xikwembu xi na wena.

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

Esaya 8:12

“Mi nga vuleni leswaku i ku hlambanyelana hinkwaswo leswi tiko leri ri vulaka ku hlambanyelana; mi nga tshuki mi tshuka hi lexi xi ri tshukisaka, mi nga chaveni.

Daniele 10:19

a ku: “U nga chavi, wanuna la rhandziwaka, ku rhula a ku ve na wena, tiya mbilu, kunene tiya mbilu!” A ko a ha vulavula na mina, ndzo twa leswaku ndzi nyikiwe matimba, kutani ndzi ku: “Hosi yanga a yi vulavule, hikuva u ndzi hile matimba.”

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Hagayi 2:5

rito ra ntwanano lowu ndzi nga endla na n'wina, siku mi humaka eEgipta, ni moya wa mina wu tshame exikarhi ka n'wina. Mi nga chavi!