Yoxuwa 1:6 - Xitsonga (Bibele)

⁶ Tiya mbilu, u tiya hikuva hi wena la nga ta fumisa tiko leri misava leyi ndzi hlambanyeleke vatata wa vona ku va nyika yona.

BIBELE Mahungu Lamanene

⁶ U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Yoxuwa 1:6 Referans Kwoze

Daniele 10:19

a ku: “U nga chavi, wanuna la rhandziwaka, ku rhula a ku ve na wena, tiya mbilu, kunene tiya mbilu!” A ko a ha vulavula na mina, ndzo twa leswaku ndzi nyikiwe matimba, kutani ndzi ku: “Hosi yanga a yi vulavule, hikuva u ndzi hile matimba.”

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Yoxuwa 1:7

Tiya mbilu, u tiya swinene, u hiseka ku endla hi nawu hinkwawo lowu Muxe, nandza wa mina a ku leriseke wona; u nga tshuki u hambuka eka wona exineneni, hambi ku ri eximatsini, leswaku u ta kateka eswilweni hinkwaswo leswi u nga ta swi sungula.

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

1 Vakorinto 16:13

Hitekani, mi tiya eku pfumeleni, mi endlisa hi vununa, mi tinyika matimba;

2 Timotiya 2:1

Loko u ri wena, n'wananga, tiya matimba etintswalweni leti nga eka Yesu Kriste.

1 TIKRONIKA 28:10

Vona sweswi leswaku Yehovha u ku hlawurile ku aka yindlu ya vukwetsimelo Tiya mbilu, u tirha!’ ”

1 TIKRONIKA 22:13

Hi kona u nga ta kateka loko u chivirika ku hlayisa milawu ni ku lerisa loku Yehovha a ku leriseleke Israele ha Muxe. Tiyisa mbilu u tiya! U nga chavi, u nga heli mbilu!

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

Zakariya 8:9

Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

1 TIHOSI 2:2

“Ndza famba hi ndlela ya misava hinkwayo: Tiyisa mbilu, u va wanuna.

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

1 SAMIELE 4:9

Tiyani, Vafilista, mi va vavanuna, leswaku mi nga tshuki mi fumiwa hi Vaheveru, kukotisa leswi va fumiwaka hi n'wina. Lwanani hi vunhenha!”

Duteronoma 31:23

Yehovha a lerisa Yoxuwa, n'wana Nuni, a ku eka yena: “Tiyisa mbilu, u tiya, hikuva hi wena la nga ta nghenisa vana va Israele etikweni leri ndzi va hlambanyeleke rona; kambe mina, ndzi ta va na wena.”

Duteronoma 1:21

Languta, Yehovha, Xikwembu xa wena, xi ku nyikile tiko: khandziya, u ya ri teka, hilaha Yehovha a ku byeleke hakona, xi ri Xikwembu xa vatata wa wena; u nga chavi, u nga rhurhumeli.’

Duteronoma 11:8

“Mi ta hlayisa milawu hinkwayo leyi ndzi mi lerisaka namuntlha, mi ta va ni matimba, kutani mi ta nghena, mi teka tiko leri mi nga ta pelela eka rona ku ri fuma,

2 SAMIELE 10:12

U va ni matimba, kambe a hi tiyeleni eka tiko ra hina ni le ka miti ya Xikwembu xa hina; kambe Yehovha a a endle leswi lulameke emahlweni ka yena!”

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Tinhlayo 26:53

“Tiko ri ta avanyiseriwa vona lava; yi va ndzhaka ya vona hi ntsengo wa mavito.

Tinhlayo 33:53

Mi ta teka tiko, mi aka kona, hikuva ndzi mi nyikile tiko ku ri fuma.

Duteronoma 1:8

Vonani, ndzi mi nyikile tiko; fambani, mi ya teka tiko leri Yehovha a hlambanyeleke vatata wa n'wina Abrahama, na Isaka, na Yakobo, ku va nyika rona, ni vatukulu va vona endzhaku ka vona.’

Yoxuwa 1:18

Un'wana ni un'wana la nga ta ala ku endla hi ku lerisa ka wena, loko a nga yingisi marito ya wena eswilweni hinkwaswo leswi u nga ta n'wi lerisa swona, u ta dlawa; ntsena, tiya mbilu, u tiya.”

Yoxuwa 5:6

Hikuva hi malembe ya 40, vana va Israele a va famba emananga, tiko hinkwaro ri ko ri herisiwa, va ri vavanuna lava hlomaka, lava humeke eEgipta, lava nga yingisangiki rito ra Yehovha; hikwalaho, Yehovha u va hlambanyele leswaku va nga ka va nga voni tiko leri Yehovha a hlambanyeleke vatata wa vona ku hi nyika rona, ri nga tiko leri khulukelaka hi ntswamba ni vulombe.

Yoxuwa 10:25

Kutani Yoxuwa a ku eka vona: “Mi nga chavi, mi nga tsemeki nhlana, tiyani, mi va ni mbilu, hikuva Yehovha u ta endlela valala va n'wina hinkwavo lava mi lwaka na vona hi sweswo.”

Yoxuwa 13:6

ni vaaki hinkwavo va ntshava ku suka eLebanoni, ku fika eMisrefoto-Mayimi; Vasidoni hinkwavo, Ndzi ta va hlongola emahlweni ka vana Vaisraele. Avanyisa ntsena matiko lawa hi vuhlolotwana, yi ta va ndzhaka ya Israele hilaha ndzi ku leriseke hakona.

Yoxuwa 18:3

Kavaloko Yoxuwa a ku eka vana va Israele: “Mi ta hlwela ku yisa kwihi ku ya teka tiko leri Yehovha, Xikwembu xa vatata wa n'wina, a mi nyikeke rona xana?

Yoxuwa 21:43

Yehovha a nyika Israele tiko hinkwaro leri a hlambanyeleke vatata wa vona ku va nyika rona, kutani va ri fuma, va aka eka rona.

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

2 TIKRONIKA 15:7

Loko mi ri n'wina, tiyani timbilu; mavoko ya n'wina ma nga tshuki ma tsana, hikuva ntirho wa n'wina wu ta va ni hakelo.”

2 TIKRONIKA 20:7

Oho! Xikwembu xa hina, a hi wena la hlongoleke vaaki va tiko leri emahlweni ka tiko ra wena ra Israele, ku ri nyika hilaha ku nga heriki eka rixaka ra Abrahama, loyi a ku rhandzeke xana?

2 TIKRONIKA 20:11

hi vona lava taka ku khensa hi ku hi hlongola endzhakeni leyi u hi ngheniseke eka yona!