Yoxuwa 1:4 - Xitsonga (Bibele)

⁴ ku sukela emananga na Lebanoni loyi, ku fika enambyeni lowukulu, enambyeni wa Yufrata, ri nga tiko hinkwaro ra Vahiti, ni ku fika eLwandle Lerikulu evupeladyambu, ri ta va tiko ra n'wina.

BIBELE Mahungu Lamanene

⁴ Tiko ra n'wina ri ta sukela emananga ri ya ta hi le ntshaveni ya Lebanoni ri ya fika ni le nambyeni lowukulu wa Yufrata, ri katsa ni tiko ra Vahiti hinkwaro ku ya fika eLwandle ra Mediteraniya evupeladyambu.

Yoxuwa 1:4 Referans Kwoze

Eksoda 23:31

Ndzi ta veka mindzilekana ya wena ku suka eLwandle-ro-Tshwuka, ku fika elwandle ra Vafilista, ni ku suka emananga ku fika enambyeni hikuva ndzi ta mi hlulela vaaki va tiko leri, mi ta va hlongorisa emahlweni ka n'wina.

Duteronoma 11:24

Xivandla hinkwaxo lexi nkondzo wa n'wina wu nga ta xi kandziya, xi ta va xa n'wina; ndzilakana wa n'wina wu ta suka emananga ku ya fika eLebanoni, ni ku suka enambyeni, enambyeni wa Yufrata, ku ya fika eLwandle ra Vupeladyambu.

Duteronoma 3:25

Wa nga ndzi pfumelela ku hundza ndzi ta vona tiko lerinene leri nga emahlweni ka Yordani, ni ntshava leyinene ya Lebanoni.’

Duteronoma 1:7

Hundzukani, mi suka, mi ya nghena entshaveni ya Vaamori ni ka hinkwavo lava akeke kona, mi ya enkoveni, ni le ntshaveni, ni le rivaleni, leri nga ehansi, ni le dzongeni, ni le ribuwini ra lwandle, etikweni ra Vakanana, na Lebanoni, ku ya fika enambyeni lowukulu, enambyeni wa Yufrata.

1 TIKRONIKA 18:3

Davhida a hlula Hadadi-Esere hosi ya Soba, ekusuhi na Hamata, loko a ha yile ku tiyisa ku fuma ka yena enambyeni wa Yufrata.

1 TIKRONIKA 5:9

Evuxeni a a akile ku fika emananga la fikaka enambyeni wa Yufrata, hikuva mitlhambi ya vona a yi ri leyikulu etikweni ra Giliyadi.

Nhlavutelo 9:14

ri ku eka ntsumi ya ntlhanu na yin'we leyi ngi yi ri ni nanga: “Ntshunxa tintsumi ta mune leti kulekiweke enambyeni lowukulu wa Yufrata.”

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

Ezra 4:20

Kambe Yerusalema, i muti lowu tshamaka wu fumiwa hi tihosi ta matimba leti nga fuma matiko hinkwawo ehase ka nambu, leti muthelo, ni ndzuvo, ni nhlengo swi nga humeseriwa tona.

1 TIHOSI 10:29

va humesa kalichi eEgipta hi tixikele ta 600, ni hanci hi tixikele ta 150; va swi tisela ni tihosi hinkwato ta Vahiti, ni tihosi ta Siriya.