Yoxuwa 1:15 - Xitsonga (Bibele)

¹⁵ Yehovha a kondza a nyika vamakwenu ku wisa kukotisa n'wina; kutani na vona va ta nghena etikweni leri Yehovha, Xikwembu xa n'wina, a va nyikaka rona ku ri fuma; hi kona mi nga ta tlhelela etikweni leri nga ra n'wina, kutani mi ta ri fuma, ri ri tiko leri Muxe, nandza wa Yehovha, a mi nyikeke rona ehase ka Yordani, evuxeni.”

BIBELE Mahungu Lamanene

¹⁵ ku kondza HOSI Xikwembu xi wisisa vamakwenu ku fana na n'wina; kutani na vona va ta teka tiko leri HOSI Xikwembu xa n'wina xi va nyikaka rona; hi kona n'wina mi nga ta tlhelela etikweni leri mi nyikiweke rona, kutani tiko leri Muxe nandza wa HOSI Xikwembu a mi nyikeke rona hi tlhelo ra le vuxeni bya nambu wa Yordani ri ta va ndzhaka ya n'wina.”

Yoxuwa 1:15 Referans Kwoze

Vafilipiya 2:4

Un'wana ni un'wana a nga tshuki a hlayisa leswi nga swa yena ntsena, kambe a a hlayise ni swa van'wana.

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

1 Vakorinto 13:5

a ri khomisi tingana; a ri tilaveleri swa rona ntsena; a ri karihi; a ri ehleketi swo biha;

1 Vakorinto 12:26

Kutani xirho xin'wana, loko xi twa ku vava, swirho hinkwaswo swi twa ku vava na swona; ni loko xirho xin'wana xi dzunisiwa, swirho hinkwaswo swa tsaka na swona.

Vagalatiya 6:2

Rhwalelanani mirhwalo, mi ta hetisa sweswo nawu wa Kriste.

Duteronoma 3:20

Yehovha a ko a wisisa vamakwenu kukotisa n'wina, kutani na vona va ta fuma tiko leri Yehovha a va nyikeke rona ehase ka Yordani; kutani un'wana ni un'wana u ta tlhelela erifuweni ra yena leri ndzi mi nyikeke rona.’

Yoxuwa 1:1

Kuteloko Muxe, nandza wa Yehovha, a file, Yehovha a byela Yoxuwa, n'wana Nuni, nandza wa Muxe, a ku:

Yoxuwa 1:14

vasati va n'wina, ni swihlangi swa n'wina, ni swifuwo swa n'wina swi ta sala etikweni leri Muxe a mi nyikeke rona ehase ka Yordani; kambe n'wina mi ta famba mi hlomile emahlweni ka vamakwenu, mi ri hinkwenu vavanuna va matimba, ni tinhenha, mi ta va pfuna,

Yoxuwa 1:16

Va hlamula, va ku eka Yoxuwa: “Hi ta endla hinkwaswo leswi u hi leriseke swona, hi ta ya hinkwako laha u nga ta hi rhumela kona.

Duteronoma 3:18

“Enkarhini wolowo ndzi mi lerisile ndzi te: ‘Yehovha, Xikwembu xa n'wina xi mi nyikile tiko leri leswaku ri va ra n'wina. N'wina hinkwenu vavanuna va matimba, mi ta famba mi hlomile emahlweni ka vamakwenu, vana va Israele.

Duteronoma 9:1

“Yingisa Israele! Namuntlha u ya pela Yordani, u ta nghena ku ya hlula matiko lama ku tlulaka hi vukulu, ni matimba, ni miti leyikulu leyi biyiweke ku fika etilweni,

Yoxuwa 22:1

Kavaloko Yoxuwa a vitana va Rhuveni, ni va Gadi, ni va hafu ya nyimba ya Manase, a ku eka vona: