Yoxuwa 1:14 - Xitsonga (Bibele)

¹⁴ vasati va n'wina, ni swihlangi swa n'wina, ni swifuwo swa n'wina swi ta sala etikweni leri Muxe a mi nyikeke rona ehase ka Yordani; kambe n'wina mi ta famba mi hlomile emahlweni ka vamakwenu, mi ri hinkwenu vavanuna va matimba, ni tinhenha, mi ta va pfuna,

BIBELE Mahungu Lamanene

¹⁴ Vasati va n'wina, ni swihlangi swa n'wina, ni swifuwo swa n'wina swi ta sala haleno ntsungeni wa Yordani, etikweni leri Muxe a mi nyikeke rona; kambe masocha ya n'wina hinkwawo ma fanele ku hloma matlhari, ma famba ni vamakwavo ma ya va pfuna

Yoxuwa 1:14 Referans Kwoze

Nhlavutelo 17:4

Wansati a a ambele xivunguvungu ni leswo tshwuka; a bombile hi nsuku, ni maribye ya nxavo wa nkoka ni tiperela; a tamele evokweni ra yena xinwelo xa nsuku lexi teleke manyala, ni thyaka ra vuoswi bya misava.

Duteronoma 20:8

Tindhuna ti ta engeta ti vulavula ni tiko, ti ku: ‘I mani la chavaka la pfumalaka mbilu xana? A a fambe, a timukela eka rikwavo, leswaku timbilu ta vamakwavo ti nga tshuki ti nyuka kukotisa ya yena.’

Eksoda 13:18

Kambe Xikwembu xi hambukise tiko hi ndlela ya mananga ya Lwandle ro Tshwuka. Vana va Israele va hume etikweni ra Egipta va hlomile.

Tinhlayo 32:26

Vana va hina ni vasati va hina, ni mitlhambi ya hina, ni swifuwo swa hina hinkwaswo swi ta tshama emitini ya Giliyadi,

Duteronoma 3:19

Vasati va n'wina ntsena ni vananyana va n'wina, ni swifuwo swa n'wina — (ndza swi tiva leswaku mi ni mitlhambi leyo tala) — swi ta sala emitini leyi ndzi mi nyikeke yona,

Yoxuwa 1:13

“Tsundzukani leswi Muxe, nandza wa Yehovha, a mi leriseke swona, loko a te: ‘Yehovha, Xikwembu xa n'wina, u mi nyikile ku wisa, u mi nyikile tiko leri,’

Yoxuwa 1:15

Yehovha a kondza a nyika vamakwenu ku wisa kukotisa n'wina; kutani na vona va ta nghena etikweni leri Yehovha, Xikwembu xa n'wina, a va nyikaka rona ku ri fuma; hi kona mi nga ta tlhelela etikweni leri nga ra n'wina, kutani mi ta ri fuma, ri ri tiko leri Muxe, nandza wa Yehovha, a mi nyikeke rona ehase ka Yordani, evuxeni.”

Duteronoma 33:21

U hlawurile swirhangana swa tiko, Hikuva ku averiwa ka hosi ku vekeriwe yena kona, A famba ni tihosi ta tiko, A endla leswo lulama emahlweni ka Yehovha, Ni ku lerisa ka yena eka Israele.”

Yoxuwa 4:12

Vana va Rhuveni, ni vana va Gadi, ni hafu ya nyimba ya Manase, va famba va hlomile emahlweni ka vana va Israele, hilaha Muxe a va byeleke hakona.