Yonasi 3:9 - Xitsonga (Bibele)

⁹ Ku tiva mani? Kumbe Xikwembu xi ta hundzuka, xi tlhela evukarini bya ku hlundzuka ka xona, hi nga ti lova.”

BIBELE Mahungu Lamanene

⁹ A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”

Yonasi 3:9 Referans Kwoze

2 SAMIELE 12:22

Kutani a ku: “Loko n'wana a ha hanya, a ndzi titsona swakudya, ndzi rila, hikuva a ndzi ku: ‘Ku tiva mani xana? Kumbe Yehovha u ta ndzi tsetselela, kutani n'wana u ta hanya.’

Yonasi 1:6

Kutani n'wini wa byatso a n'wi tshinelela, a ku eka yena: “U etlelela yini? Pfuka u khongela Xikwembu xa wena; kumbexana xi ta hi anakanya, hi nga ti lova.”

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Pisalema 85:3

U miyetile vukari hinkwabyo bya wena, U timile ndzilo wa mahlundzu ya wena.

Pisalema 90:13

Vuya, Yehovha! U ta hlwela ku yisa kwihi? U va u tsetselela malandza ya wena!

Yeremiya 26:13

Sweswi, hundzukani emikhuveni ya n'wina ni le ku endleni ka n'wina, mi yingisela rito ra Yehovha Xikwembu xa n'wina, kutani na yena Yehovha a ta hundzuka eku biheni loku a ku vuleke ehenhla ka n'wina.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

1 SAMIELE 6:5

Mi ta endla swifaniso swa matshumba ya n'wina, ni swifaniso swa timbeva leti onhaka tiko ra n'wina, kutani mi ta dzunisa Xikwembu xa Israele: kumbe xana xi ta vevukisa voko ra xona ehenhla ka n'wina, ni le henhla ka swikwembu swa n'wina, ni le henhla ka tiko ra n'wina.

Yonasi 1:15

Kutani va teka Yonasi, va n'wi hoxa elwandle kutani lwandle ri tshika ku kariha.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Sofoniya 2:3

Lavani Yehovha, n'wina, vatitsongahati hinkwavo va tiko, lava endlaka hi ku lerisa ka yena, lavani ku lulama, mi lava ku titsongahata; kumbe mi ta tifihla esikwini ra vukari bya Yehovha.