Yonasi 2:6 - Xitsonga (Bibele)

⁶ Mati ma ndzi rhendzele, ma fika ni le moyeni wa mina; a ndzi tsondzeriwa hi xidziva; mabyanyi ya lwandle ma damarele nhloko ya mina.

BIBELE Mahungu Lamanene

⁶ Ndzi mbombomerile emasungulweni ya tintshava, etikweni ra le hansi leri tinyangwa ta rona a ti lava ku ndzi pfalela hilaha ku nga heriki. Kambe wena HOSI Xikwembu xanga, u tsavurile vutomi bya mina ekheleni ra vafi.

Yonasi 2:6 Referans Kwoze

Pisalema 30:3

Yehovha, u humesile moya wa mina exivandleni xa vafi, U ndzi hanyisile exikarhi ka lava xikelaka esirheni.

Pisalema 16:10

Hikuva u nga ka u nga tshiki moya wanga exivandleni xa vafi; U nga ka u nga pfumeri leswaku muhlawuriwa wa wena a vona ku bola.

Esaya 38:17

Waswivo, mahlomulo yanga ma tirhile ku hlayiseka ka mina; hi rirhandzu ra wena u humesile moya wa mina esirheni ra swahava; hikuva u cukumetile swidyoho swa mina hinkwaswo endzhaku ka wena.

Habakuku 3:10

U handzula misava ku yi hundzula milambu. Tintshava ta ku vona, kutani ta tsekatseka; ku hundza ndhambi ya mati swidziva swi tlakusa rito ra swona, swi yimisela mavoko ya swona ehenhla.

Habakuku 3:6

A yima, kutani a pima misava; a languta, kutani a rhurhumerisa matiko; tintshava ta khale ti mbundzuka, switsunga swa khale swi byatsama. Tindlela ta yena i ta khalekhale.

Esaya 40:12

I mani la pimeke lwandle hi xandla xa yena, la pimeke matilo hi mpimo xana? I mani la pimeke hi xirhundzu ntshuri hinkwawo wa misava, la pimeke tintshava, ni switsunga exikalweni?

Pisalema 143:7

Yehovha, hatlisa u ndzi hlamula! Moya wa mina wa titivala. U nga tshuki u ndzi fihlela mombo wa wena, Leswaku ndzi nga fani ni vanhu lava xikelaka esirheni.

Pisalema 104:8

Tintshava ti tlakuka, mikova yi vumbeka Endhawini leyi u yi lunghiseleke kona.

Pisalema 104:6

U yi funengetile hi mafuku kukotisa nkumba; Mati a ma yimile etintshaveni.

Pisalema 65:6

U tiyisa tintshava hi matimba ya wena, Wena la ambaleke matimba;

Pisalema 55:23

Wena Xikwembu u ta va xikisa ekheleni ra ku lova; Vanhu lava va nga va ngati ni va ku xisa, Va nga ka va nga fiki exikarhi ka masiku ya vona; Kambe mina ndzi tshembile wena.

Pisalema 30:9

“Xana u nga fuwa yini hi ngati ya mina, Loko ndzi xikela esirheni? Xana ntshuri wu nga ku dzunisa? Xana wu nga vula ku tshembeka ka wena xana?

Ntirho 33:28

Xikwembu xi kutsurile moya wa mina leswaku ndzi nga xikeli esirheni, Kutani vutomi bya mina byi tsakela ku vonakala.’

Ntirho 33:24

Xikwembu xi n'wi tsetselela, xi ku eka yona: ‘N'wi lamulele, a nga ti tshuka a xikela esirheni; Ndzi kumile lexi nga n'wi kutsulaka.

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Pisalema 18:5

Tinsinga ta sirha a ti ndzi rhendzele; A ndzi khomiwile emarindzini ya rifu.

Pisalema 116:3

Mapindza ya rifu a ma ndzi tsondzerile, Maxangu ya sirha a ma ndzi khomile, A ndzi kumile ni gome ni ku vaviseka,

Esaya 38:10

A ndzi ku: “Loko ndza ha kumile ku wisa ndzi ta xikela etinyangweni ta sirha. Ndzi tsoniwe malembe ya mina lama seleke.”

Ezekiele 26:20

ndzi ta ku cukumeta kun'we ni lava nghenaka enceleni, eka vanhu va khale, ndzi ku akisa emisaveni ya le hansi, emarumbini ya khale, kun'we ni lava ngheneke enceleni, leswaku a ku nga ha akiwi; ndzi ta veka ku kwetsima etikweni ra lava hanyaka.

Ezekiele 31:14

swi ri leswaku mirhi hinkwayo leyi nga ekusuhi ni mati yi nga tshuki yi tikukumuxa hi ku leha ka yona, yi nga tshuki yi vonakarisa swicapila swa yona exikarhi ka swihlahla leswo tlhuma, kutani mirhi hinkwayo leyi nwaka mati yi nga tshuki yi tiyisela eku tikukumuxeni ka yona; hikuva hinkwayo yi nyiketiwe eku feni, ehansi ka misava, exikarhi ka vana va vanhu, kun'we ni lava nghenaka ekheleni.

Pisalema 69:2

Ndzi nyupele endzhopeni laha ndzi hlulekaka ku yima; Ndzi nghene ematini ya ku enta, ma ndzi funengetile,