Yonasi 1:5 - Xitsonga (Bibele)

⁵ Vatluti va chava, kutani un'wana ni un'wana a huwelela eka xikwembu xa yena, va ko va cukumeta elwandle xuma lexi ngi xi ri ebyatsweni ku hunguta ku tika ka byona. Kambe Yonasi a a rhelele exikarhi ka rona, a seketele ehansi, a etlele vurhongo.

BIBELE Mahungu Lamanene

⁵ Vatluti va chava ngopfu. Un'wana ni un'wana wa vona a huwelela eka xikwembu xa yena. Kutani va hunguta ku tika ka ngalava hi ku hoxela mindzhwalo ya vona elwandle. Loko a ri Yonasi, a a khomiwe hi vurhongo lebyikulu endzeni ka ngalava, lomu a a rhelerile ku ya etlela kona.

Yonasi 1:5 Referans Kwoze

1 TIHOSI 18:26

Kutani va teka nkunzi leyi va yi nyikiweke va yi lunghisa; kutani va khongela Baali ku suka nimixo ku yisa nhlekanhi, va ku: “O Baali, hi hlamule!” Kambe va nga twi rito ra ku hlamula. Kutani va cina hi matimba, va rhendzela alitari leyi va yi endleke.

Yeremiya 2:28

Swi kwihi swikwembu swa wena leswi u tiendleleke swona? A swi yime swi ku pfuna hi siku ra khombo; hikuva wena Yuda, nhlayo ya swikwembu swa wena yi fana ni ya miti ya wena!

Esaya 45:20

Hlengeletanani, tanani, tshinelani swin'we, n'wina lava seleke exikarhi ka vamatiko! Va pfumala ku twisisa lava rhwalaka xifaniso xa vona xa ntsandze, lava khongelaka xikwembu lexi nga kotiki ku ponisa.

1 SAMIELE 24:3

Kavaloko Sawulo a teka vanhu va 3 000 lava hlawuriweke eIsraeleni hinkwawo, kutani a ya lava Davhida ni vanhu va yena emaribyeni ya tintshembe.

Vaavanyisi 16:19

Kuteloko Delila a n'wi etlerisile ematsolweni ya yena, a vitana munhu ku ta n'wi tsemela miluku ya ntlhanu na mimbirhi na misisi ya nhloko ya yena, a sungula ku n'wi tsanisa; matimba ya yena ma n'wi sukela.

Timhaka 27:38

Kuteloko va xurhile swakudya, va hunguta ngalava hi ku cukumeta mavele elwandle.

Matewu 26:45

Kutani a tlhela a ya eka vadyondzisiwa va yena, a ku eka vona: “Etlelani sweswi, mi wisa! Vonani, nkarhi wu fikile, N'wana wa Munhu u ta nyiketiwa emavokweni ya vadyohi.

Matewu 26:43

Kuteloko a tlhelele eka vona, a va kuma va etlele kambe, hikuva mahlo ya vona a ma tika.

Matewu 25:5

Kutani, hi leswi muteki a hlwelaka, va khudzehela hinkwavo, va etlela.

Yonasi 1:16

Kutani vavanuna volavo va khomiwa hi ku chava lokukulu ka Yehovha, va humesela Yehovha magandzelo, va tiboha eka yena hi ku hlambanya.

Yonasi 1:14

Kavaloko va huwelela eka Yehovha, va ku: “Oho Yehovha! U nga hi lovisi hikwalaho ka vutomi bya wanuna loyi, kambe u nga hi rhwarisi ngati leyi nga riki na nandzu, hikuva wena, Yehovha, u endla hilaha u tirhandzelaka hakona.”

Yonasi 1:6

Kutani n'wini wa byatso a n'wi tshinelela, a ku eka yena: “U etlelela yini? Pfuka u khongela Xikwembu xa wena; kumbexana xi ta hi anakanya, hi nga ti lova.”

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Ntirho 2:4

Satana a hlamula a ku eka Yehovha: “Dzovo ri ringana ni dzovo! Hinkwaswo leswi munhu a nga na swona, a nga swi humesela vutomi bya yena.

Pisalema 107:25

Wa vula, kutani a pfuxa moya wa xidzedze Lexi tlakusaka magandlati ya lwandle.

Pisalema 148:8

Ndzilo ni xihangu; gamboko ni tihunguva, Mimoya ya xidzedze leyi hetisaka ku lerisa ka yena.

Eklesiasta 3:6

Nkarhi wu kona wa ku lava, wu kona nkarhi wa ku lahlekeriwa;