Yonasi 1:4 - Xitsonga (Bibele)

⁴ Kambe Yehovha a pfuxa mheho leyikulu elwandle, kutani ku pfuka xihuhuri lexikulu elwandle, byatso byi ko byi lava ku handzuka.

BIBELE Mahungu Lamanene

⁴ Kambe HOSI Xikwembu xi hungisa mheho leyikulu elwandle, ku pfuka xidzedze lexikulu, ngalava yi kondza yi lava ku tshoveka.

Yonasi 1:4 Referans Kwoze

Amosi 4:13

Hikuva vona, la tumbuluxeke tintshava, la endleke moya, la tivisaka munhu leswi anakanyiweke hi yena, la hundzulaka nhlekanhi munyama, la fambaka eswivandleni leswi tlakukeke swa misava, vito ra yena i Yehovha, Xikwembu xa mavandla.

Pisalema 135:7

Hi yena la tlakusaka mapapa emakumu ka misava, La hatimisaka tilo, a nisaka mpfula, A humesaka mimoya evuhlayiselweni byakwe.

Eksoda 10:19

kutani Yehovha a hungisa emheho leyikulu ya vupeladyambu, yi susa tinjiya, yi ti hoxa eLwandle-ro-Tshwuka. A ku salanga na njiya na yin'we etikweni hinkwaro ra Egipta.

Tinhlayo 11:31

Kutani Yehovha a hungisa mheho, yi byisa switsatsatsa leswi humaka etlhelo ra lwandle, yi swi wisa emixaxeni ni matlhelo hinkwawo ya mixaxa, ku ringanisa mpfhuka wa siku rin'we, swi rhendzela mixaxa; swi lava ku ringanisa swisungunhu swimbirhi emisaveni.

Eksoda 15:10

U huhutile hi ku hefemula ka wena: Elwandle ri va funengeta; Va mbombomela kukotisa ntsopfu, Exidziveni xa ku enta xa mati.

Eksoda 14:21

Kutani Muxe a tlakusa voko ra yena ehenhla ka lwandle, kutani Yehovha a fambisa lwandle hi vusiku hinkwabyo hi mheho ya matimba ya vuxa; a phyisa lwandle, mati ma avana hi le xikarhi.

Eksoda 10:13

Muxe a yimisa nhonga ya yena ehenhla ka tiko ra Egipta, kutani Yehovha a hungisa mheho ya vuxa etikweni siku rero hinkwaro, ni vusiku hinkwabyo. Kuteloko byi xile, emheho ya vuxa a yi fikisile tinjiya.

Pisalema 135:6

Hinkwaswo leswi Yehovha a swi rhandzaka, u swi endla Ematilweni ni le misaveni, Emalwandle ni le swidziveni hinkwaswo.

Yeremiya 51:16

Hi mpfumawulo wa rito ra yena, mati ma hlengeletana ematilweni; wa humesa mapapa emakun'wini ya misava; hi tindlati u nisa mpfula, kutani u humesa moya evuhlayiselweni bya yena.

Pisalema 148:8

Ndzilo ni xihangu; gamboko ni tihunguva, Mimoya ya xidzedze leyi hetisaka ku lerisa ka yena.