Yonasi 1:16 - Xitsonga (Bibele)

¹⁶ Kutani vavanuna volavo va khomiwa hi ku chava lokukulu ka Yehovha, va humesela Yehovha magandzelo, va tiboha eka yena hi ku hlambanya.

BIBELE Mahungu Lamanene

¹⁶ Vavanuna lava va sungula ku chava ngopfu HOSI Xikwembu, va xi humesela magandzelo, naswona va hlambanya leswaku va ta xi tirhela.

Yonasi 1:16 Referans Kwoze

Pisalema 107:22

A swi humese magandzelo yo khensa, A swi twarise mitirho ya yena hi ku huwelela ka ku tsaka!

Pisalema 50:14

Humesela Xikwembu ku vonga ri nga gandzelo ra wena, U va u riha ku hlambanya ka wena eka La nge henhlahenhla.

Genesa 8:20

Kutani Nowa a akela Yehovha alitari, kutani a pambula exikarhi ka swifuwo hinkwaswo leswi tengeke, ni le xikarhi ka tinyanyana hinkwato leti tengeke, a humesa holokosta ealitarini.

Timhaka 5:11

Kutani ku chava lokukulu ku va kona ekerekeni hinkwayo, ni vanhwini hinkwavo lava tweke timhaka leti.

Marka 4:31

Ku fana ni nhlampfu ya sinapi; kakuloko yi byariwile emisaveni, yi nga yona leyitsongo eka timbewu hinkwato ta misava;

Yonasi 1:10

Kavaloko vavanuna volavo va khomiwa hi ku chava lokukulu, kutani va ku eka yena: “U endlele yini sweswo?” Kasi vavanuna volavo a va tiva leswaku a a balekile emahlweni ka Yehovha, hikuva a a va byerile.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Esaya 26:9

Moya wa mina wu ku naverile nivusiku, ni mbilu ya mina ya ku lava exikarhi ka mina, hikuva loko u ba misava hi ku yi avanyisa, vanhu va misava va dyondza ku lulama.

Eklesiasta 5:4

Loko u tibohile eka Xikwembu hi ku hlambanya u nga hlweri ku hetisa, hikuva a xi tsakisiwi hi swihunguki. Hetisa ku hlambanya loku u ku hlambanyeke.

Pisalema 116:14

Ndzi ta tirha ku hlambanya ka mina, eka Yehovha, Emahlweni ka tiko ra yena hinkwaro.

2 TIHOSI 5:17

Naamani a ku: “Leswi u alaka, wanga va pfumelela ku nyika nandza wa wena misava leyi ringanaka mirhwalo ya timula timbirhi, hikuva nandza wa wena a nga ka a nga gandzeli swikwembu swin'wana hi tiholokosta; ni magandzelo, u ta swi humesela Yehovha ntsena.

Vaavanyisi 13:16

Ntsumi ya Yehovha yi ku eka Manowaka: “Hambi u nga ndzi sivela, ndzi nga ka ndzi nga dyi swakudya swa wena; kambe loko u endla magandzelo lama hisiwaka, u ta ma humesela Yehovha.” Hikuva Manowaka a a nga swi tivi leswaku i ntsumi ya Yehovha.

Genesa 28:20

Yakobo a hlambanya, a ku: “Kungakuloko Xikwembu xi va na mina, xi ndzi hlayisa endleleni leyi ndzi yi khomeke, xi ndzi nyika vuswa ndzi dya, ni tinguvu ndzi funengela,

Yonasi 1:14

Kavaloko va huwelela eka Yehovha, va ku: “Oho Yehovha! U nga hi lovisi hikwalaho ka vutomi bya wanuna loyi, kambe u nga hi rhwarisi ngati leyi nga riki na nandzu, hikuva wena, Yehovha, u endla hilaha u tirhandzelaka hakona.”

Ntirho 37:24

Hikwalaho, vanhu va fanele ku chava Xikwembu; A xi languti la tshembaka vutlhari bya yena.”

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.