Yohane 9:31 - Xitsonga (Bibele)

³¹ Ha swi tiva leswaku Xikwembu a xi yingisi vadyohi; kambe kungakuloko munhu a chava Xikwembu, a endla hi ku rhandza ka xona, xa n'wi yingisa.

BIBELE Mahungu Lamanene

³¹ Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Testamente Leyimpsha Xichangana

³¹ Hasvitiva lesvaku Xikwembu axiyingisi vajohi; kambe loko munhu achava Xikwembu, ayendla kurhandza ka xona, Xikwembu xa muyingisa.

Yohane 9:31 Referans Kwoze

Swivuriso 15:29

Yehovha u tshama ekule ni lavo biha, Kambe u yingisa mikhongelo ya lavo lulama.

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Swivuriso 28:9

La pfalaka tindleve leswaku a nga twi milawu, Xikhongelo xa yena i manyala.

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Pisalema 145:19

U nyika lava n'wi chavaka leswi va swi rhandzaka, U yingisa swirilo swa vona, kutani wa va kutsula.

Zakariya 7:13

“Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

Swivuriso 21:13

La tisivaka tindleve leswaku a nga twi mikosi ya swisiwana, U ta rila na yena, kambe a nga ka a nga tsundzukiwi hi munhu.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Pisalema 18:41

Va huwelela, kambe va pfumala mulweri; Va huwelele eka Yehovha, kambe a nga va hlamulanga.

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

Ntirho 35:12

Va huwelela, kambe a xi hlamuli, Hikwalaho ka ku tikukumuxa ka lavo biha.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Yeremiya 11:11

“Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

Esaya 58:9

U ta vitana, kutani Yehovha u ta hlamula; u ta huwelela, kutani u ta ku: ‘Hi mina loyi!’ Loko u susa mpingu hi le xikarhi ka wena, loko u tshika ku sandza ni ku lumbeta,

Pisalema 143:10

Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Genesa 19:29

Kambe kakuloko Xikwembu xi herisa miti ya rivala, xi tsundzuka Abrahama, xi ponisa Lota ekhombyeni lero siku xi lovisaka miti leyi Lota a nga aka eka yona.

Pisalema 106:23

Xi vurile leswaku xi ta va herisa, Kambe Muxe, muhlawuriwa wa yena, a va lamulela, Leswaku vukari bya xona byi miyela, va nga ti herisiwa.

Pisalema 99:6

Muxe na Aroni exikarhi ka vaprista va yena; Na Samiele, un'wana wa lava khongelaka vito ra yena, Va khongele Yehovha, kutani a va yingisa.

Pisalema 40:8

Xikwembu xanga, ndzi tsakela ku endla ku rhandza ka wena! Kutani nawu wa wena wu le mbilwini ya mina.”

Vaheveru 10:7

Hilaha ndzi nge: ‘Vona, Xikwembu, ndza ta ku ta endla ku rhandza ka wena,’ hilaha ku tsariweke ehenhla ka mina ebukwini.”

Duteronoma 1:45

Kuteloko mi vuyile, mi ya rila emahlweni ka Yehovha, kambe Yehovha a nga yingisanga rito ra n'wina, a nga rhiyangi ndleve ya yena ku mi yingisa.

Ntirho 35:13

Xikwembu xi nga ka xi nga twi mikhongelo ya swahava, Lowa matimba hinkwawo a nga ka a nga swi languti.

Yohane 9:30

Munhu loyi a va hlamula, a ku: “I mhaka leyi hlamarisaka kunene loko mi nga n'wi tivi laha a humaka kona, kasi u ndzi hanyanyisile mahlo!

Yohane 9:32

A hi si swi twa ni siku ni rin'we leswaku munhu u hanyisile mahlo ya un'wana la nga tswariwa a file mahlo.

Yohane 11:22

Kambe ndza swi tiva ni sweswi, leswaku hinkwaswo leswi u nga ta swi kombela eka Xikwembu, Xikwembu xi ta ku nyika swona.”