Yohane 9:22 - Xitsonga (Bibele)

²² Vatswari va yena va vurisa sweswo hi ku chava Vayuda; hikuva Vayuda a va kanerile leswaku loko munhu a n'wi vula Kriste, u ta hlongoriwa esinagogeni.

BIBELE Mahungu Lamanene

²² Vatswari va yena a va vurisa sweswo hi ku chava Vayuda, hikuva Vayuda a va twananile leswaku, loko munhu un'wana a nga tshuka a vula leswaku Yesu i Mesiya, ú ta hlongoriwa esinagogeni.

Testamente Leyimpsha Xichangana

²² Vapsali va yena avavula svosvo hi kuchava Vayuda, hikuva Vayuda avatwananile lesvaku, loko munhu mun'we angatshuka aveka vumboni lesvaku Yesu i Kriste, atahlongoliwa sinagogeni.

Yohane 9:22 Referans Kwoze

Yohane 16:2

Va ta mi hlongola emasinagogeni; kambe nkarhi wa ta lowu un'wana ni un'wana la nga ta mi dlaya a nga ta ehleketa leswaku u tirhela Xikwembu.

Yohane 7:13

Hambiswiritano, a ku vanga na munhu la n'wi vulaka erivaleni hikwalaho ka ku chava Vayuda.

Luka 6:22

Mi ta va ni ku kateka siku vanhu va mi vengaka, va mi humesaka exikarhi ka vona, va mi rhuketelaka, ni loko va sandza vito ra n'wina tanihi loko ingi ri bihile, hikwalaho ka N'wana wa Munhu.

Yohane 9:34

Va n'wi hlamula, va ku: “Wena, u tswariwile eswivini wena hinkwako, kasi u hi dyondzisa-ke?” Kutani va n'wi hlongolela ehandle.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Timhaka 5:40

Kutani va n'wi yingisa. Kakuloko va vitanile vaapostola, va va ba hi mikhavi; kutani va va lerisa leswaku va nga tshuki va dyondzisa hi vito ra Yesu, kutani va va tshunxa.

Timhaka 5:13

Exikarhi ka van'wana, a ku nga ri na munhu la tiyisaka mbilu ku hlangana na vona; kambe tiko ri va dzunisa ngopfu.

Timhaka 4:18

Kuteloko va va vitanile va va lerisa ngopfu, leswaku va nga tshuki va vulavula, hambi ku ri ku dyondzisa hi vito ra Yesu.

Yohane 20:19

Nimadyambu ya siku rero leri sungulaka vhiki, tinyangwa ti pfariwile laha vadyondzisiwa va hlengeletaneke kona hikwalaho ka ku chava Vayuda, Yesu a ta, a yima exikarhi ka vona, a ku eka vona: “Ku rhula a ku ve na n'wina!”

Yohane 19:38

Endzhaku ka sweswo, Yosefa wa Arimatiya, loyi ngi a ri mudyondzisiwa wa Yesu, kambe a tifihlile hi ku chava Vayuda, a kombela eka Pilato leswaku a pfumeleriwa ku ya hawula ntsumbu wa Yesu; kutani Pilato a n'wi pfumelela. Kutani a ya susa ntsumbu wa Yesu.

Esaya 57:11

A wu tshukisiwa, a wu chavisiwa hi mani ku ndzi landzula, hi ku ka u nga ndzi tsundzukanga, u nga vulanga nchumu ha mina? Xana a ndzi miyelanga ni khale, kasi a ku ndzi chavanga.

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Swivuriso 29:25

Ku chava vanhu ka rhiya ntlhamu, Kambe la tshembaka Yehovha u le ku tlakukeni.

Yohane 1:19

Hi byo lebyi vumbhoni bya Yohane, siku Vayuda va rhumeke vaprista ni Valevhi, va huma eYerusalema, va ya n'wi vutisa, va ku: “Wena, u mani xana?”

Yohane 9:18

Kambe Vayuda a va pfumelanga leswaku a a file mahlo kutani a tlhela a vona, va kondza va vitana vatswari va yena,

Yohane 9:21

kambe loko wu ri mukhuva lowu a vonaka ha wona sweswi, a hi wu tivi, ni la n'wi hanyiseke mahlo, a hi n'wi tivi. U ni malembe, n'wi vutiseni, u ta tivula.”

Yohane 9:35

Yesu a swi twa leswaku va n'wi hlongolele ehandle; kuteloko a n'wi kumile, a ku eka yena: “Xana wa pfumela eka N'wana wa Xikwembu xana?”