Yohane 8:32 - Xitsonga (Bibele)

³² kutani mi ta tiva ntiyiso, kutani ntiyiso wu ta mi tshunxa.”

BIBELE Mahungu Lamanene

³² naswona mi ta tiva ntiyiso, kutani ntiyiso wu ta mi ntshunxa.”

Testamente Leyimpsha Xichangana

³² nasvona mitativa ntiyiso, kutani ntiyiso wutamintshunsa.”

Yohane 8:32 Referans Kwoze

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Yohane 8:36

Hikwalaho loko N'wana a mi kutsula, mi ta va mi kutsuriwile hakunene.

Yohane 17:17

Va kwetsimise entiyisweni wa wena; rito ra wena hi wona ntiyiso.

1 Petro 2:16

mi nga lava tshunxiweke, kambe ku tshunxeka ka n'wina ku nga tshuki ku va xisirhelelo xa ku endla swo biha, kambe mi va makhumbi ya Xikwembu.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Varhoma 6:22

Kambe sweswi, leswi mi tshunxiweke evudyohweni, kutani mi hundzukeke malandza ya Xikwembu, mi titshovelela ku kwetsima, ni ndzhaku ka swona vutomi lebyi nga heriki.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Pisalema 25:5

Ndzi fambise entiyisweni wa wena u ri karhi u ndzi dyondzisa; Hikuva hi wena Xikwembu xa ku hlayiseka ka mina; Hi masiku, ndzi ku tshembile.

Yakobo 1:25

Kambe la xiyisaka nawu wa ku hetiseka, wu nga wa ku tshunxeka, a tiyisela kona, a nga ri mutwi la rivalaka, kambe a ri muendli la tirhaka, yeloyi u ta va munhu wo kateka eku endleni ka yena.

Vagalatiya 5:1

Yimani hakona, mi tiya eku tshunxekeni loku Kriste a nga hi tshunxa hakona, kutani mi nga tlheli mi tiveka ehansi ka mpingu wa vukhumbi.

Yakobo 2:12

Vulavulani, mi endla hi mukhuva lowu fanelaka lava nga ta avanyisiwa hi nawu wa ku tshunxeka.

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

Yeremiya 6:16

Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Yohane 16:13

Kambe kutakuloko yeloyi a ta, wu nga Moya wa ntiyiso, wu ta mi fambisa entiyisweni hinkwawo; hikuva wu nga ka wu nga vulavuri wu tisungulela swa wona; kambe hinkwaswo leswi wu swi tweke, wu ta swi vula; na swona wu ta mi tivisa leswi nga ta ta.

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

2 Timotiya 3:7

va dyondza hi masiku hinkwawo, kambe va nga swi koti ku fika eku tiveni ka ntiyiso.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Pisalema 119:45

Ndzi ta famba endleleni leyi anameke, Hikuva ndzi lava swiletelo swa wena.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Swivuriso 1:29

Hikuva va vengile vutivi, A va tihlawulelanga ku chava Yehovha,

Yohane 6:45

Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Matewu 11:29

Rhwalani joko ra mina, mi dyondza eka mina, hikuva ndzi ni vunene ni mbilu ya tintswalo, kutani mi ta kumela mimoya ya n'wina ku wisa;

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

1 Vakorinto 7:22

Hikuva la vitiweke hi Hosi a ri khumbi, i muntshunxiwa wa Hosi; na yena la vitiweke a nga ri khumbi, u fuyiwile hi Kriste.

2 Yohane 1:1

Nkulukumba eka Kiria, la hlawuriweke, ni ka vana va yena, lava ndzi va rhandzaka entiyisweni, ndzi nga ri mina ntsena kambe ni hinkwavo lava tivaka ntiyiso,

Levhitika 25:41

Kutani u ta huma ka wena, yena ni vana va yena, a tshunxiwile; u ta tlhelela eka varikwavo, ni endzhakeni ya vatata wa yena.