Yohane 7:31 - Xitsonga (Bibele)

³¹ Kambe lavo tala exikarhi ka vunyingi va pfumela eka yena, va ku: “Kutakuloko Kriste a ta, xana u ta endla masingita lama tlulaka lama endliwaka hi loyi xana?”

BIBELE Mahungu Lamanene

³¹ Lavo tala exikarhi ka ntshungu va pfumela ka yena, va ku: “Loko Mesiya a ta, xana ú ta endla mahlori lama tlulaka lawa ya endliweke hi munhu loyi xana?”

Testamente Leyimpsha Xichangana

³¹ Lavotala xikarhi ka xitshungu vapfumela ka yena, vaku: “Loko Kriste ata, xana atayendla mahlori lawa matlulaka lawa mayendliwaka hi munhu lweyi xana?”

Yohane 7:31 Referans Kwoze

Yohane 12:42

Hambiswiritano, lavo tala, ni le xikarhi ka vakulukumba, va pfumela eka yena; kambe a va nga tivuli hikwalaho ka Vafarisi, leswaku va nga hlongoriwi emasinagogeni.

Matewu 12:23

Kutani ntshungu hinkwawo wu hloleriwa, va ku: “Xana loyi a hi n'wana Davhida-ke?”

Timhaka 8:13

Na yena Simoni a pfumela, kutani a khuvuriwa, a namarhela Filipi; kambe a hlamala ngopfu hi ku vona swikombiso ni masingita lamakulu lama endliwaka.

Yohane 11:45

Lavo tala eka Vayuda lava teke eka Mariya, loko va vona leswi Yesu a swi endleke, va pfumela eka yena.

Yohane 9:16

Hikwalaho Vafarisi van'wana va ku: “Munhu loyi a hi wa Xikwembu, hikuva a nga hlayisi Savata.” Van'wana va ku: “Mudyohi a nga endlisa ku yini masingita layo tano xana?” Kutani ku hambana ku va kona exikarhi ka vona.

Yakobo 2:26

Hikuva kukota loko miri lowu nga riki na moya wu file, hi mukhuva wolowo, na kona ku pfumela loku nga riki na mitirho, ku file.

Yohane 12:11

Hikuva Vayuda lavo tala a va va tshikile hikwalaho ka yena, va pfumela eka Yesu.

Yohane 6:2

Kutani mitshungu leyikulu yi n'wi landza, hikuva a va vonile mahlori lawa a ma endleke eka lava vabyaka.

Yohane 4:39

Vasamariya lavo tala va muti wolowo va pfumela eka yena hi marito lama nga vuriwa hi wansati loko a te: “U ndzi byerile timhaka hinkwato leti ndzi ti endleke.”

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 2:11

Mahlori lawa hi wona lawa Yesu a nga sungula ha wona eKana wa Galeliya, a kombisa ku twala ka yena; kutani vadyondzisiwa va yena va pfumela eka yena.

Luka 8:13

Lava nga haxiwa emaribyeni, hi lava ingi loko va yingisile va amukela rito hi ku tsaka, kambe va pfumala timitsu, va pfumela hi nkarhi wun'wana ntsena; siku ra ndzingo, loko ri fika va tshika.

Yohane 4:29

“Tanani mi ta vona munhu la ndzi byeleke hinkwaswo leswi ndzi nga swi endla, xana a nga ka a nga vi yena Kriste xana?”

Yohane 7:26

Kasi vonani, a vulavula erivaleni, a va n'wi hlamuri; xana kumbe tihosi ti n'wi tivile kunene leswaku i Kriste hi xiviri xana?