Yohane 7:28 - Xitsonga (Bibele)

²⁸ Kutani Yesu a tlakusa rito etempeleni, a dyondzisa, a ku: “Ma ndzi tiva, mi tiva ni laha ndzi humaka kona; a ndzi tanga ha mina, kambe la ndzi rhumeke wa tshembeka, kutani a mi n'wi tivi.

BIBELE Mahungu Lamanene

²⁸ Loko Yesu a ri karhi a dyondzisa eTempeleni, a tlakusa rito, a ku: “Ma ndzi tiva, mi tiva ni lomu ndzi humaka kona; a ndzi lo titisa, kambe Loyi a ndzi rhumeke, yena i ntiyiso hi xiviri xa wona, kutani a mi n'wi tivi.

Testamente Leyimpsha Xichangana

²⁸ Loko Yesu ali karhi ajondzisa Tempeleni, atlakusa rito, aku: “Manitiva, mitiva ni lomu nihumaka kona; anititisanga, kambe lweyi anirhumeke, yena i ntiyiso hi xiviri xa yena, kutani n'wina amimutivi.

Yohane 7:28 Referans Kwoze

Yohane 8:42

Yesu a ku eka vona: “Loko ngi Xikwembu a ri tata wa n'wina, a mi ta ndzi rhandza, hikuva ndzi huma eka Xikwembu, ndzi pfa ka xona; hikuva a ndzi tanga ha mina, kambe hi xona lexi ndzi rhumeke.

Yohane 8:19

Kwalaho va ku eka yena: “Tata wa wena u kwihi?” Yesu a hlamula, a ku: “A mi ndzi tivi, a mi tivi na Tatana, loko ngi ma ndzi tiva, a mi ta tiva na Tatana.”

Yohane 8:26

Ndzi ni timhaka leto tala ku ti vula hi n'wina ni ku avanyisa; kambe la ndzi rhumeke wa tshembeka; kutani timhaka leti ndzi ti tweke eka yena, ndzi ti byela vanhu.”

Yohane 8:14

Yesu a hlamula a ku eka vona: “Hambi ndzi tivulela vumbhoni, vumbhoni bya mina byi tiyile, hikuva ndzi tiva laha ndzi humaka kona, ni laha ndzi yaka kona; kambe n'wina a mi tivi laha ndzi humaka kona, ni laha ndzi yaka kona.

Yeremiya 9:6

U akile exikarhi ka lavo homboloka; hi mano ya vona va ala ku ndzi tiva,” ku vula Yehovha.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 12:49

Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 5:43

Ndzi tile hi vito ra Tatana, kutani a mi ndzi amukeri; kungakuloko un'wana a ta hi vito ra yena, mi ta n'wi amukela.

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

1 Yohane 5:10

La pfumelaka eka N'wana wa Xikwembu, u ni vumbhoni eka yena; la nga pfumeriki Xikwembu, u xi endla wa mavunwa; hikuva a nga pfumeri vumbhoni lebyi Xikwembu xi yimeleke N'wana wa xona ha byona.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

2 Vakorinto 1:18

Kambe Xikwembu xi tiva leswaku marito ya hina eka n'wina a ma hundzukanga, leswaku ma ve ina ni e-e;

Varhoma 3:4

Niswitsanana! Ntiyiso wu ta kumiwa wu ri wa Xikwembu, vunwa byi ri bya vanhu! Hilaha ku tsariweke hakona leswaku: “U ta kumiwa u lulamile eku vulavuleni ka wena, kutani u va la hlulaka eku avanyisiweni ka wena.”

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Timhaka 17:23

Hikuva loko ndzi famba ndzi languta magandzelo ya n'wina, ndzi kumile alitari laha ku tsariweke va ku: ‘Eka Xikwembu lexi nga tiviwiki!’ Sweswi, Xikwembu lexi mi xi gandzelaka mi nga xi tivi, hi lexi ndzi mi byelaka xona.

Yohane 17:25

Tatana la lulameke, misava a yi ku tivanga, kambe mina ndzi ku tivile; na vona lava, va swi tivile leswaku u ndzi rhumile.

Yohane 16:3

Va ta mi endla hinkwaswo leswi, hikuva a va tivi Tatana na mina.

Yohane 14:31

Kambe misava yi fanele ku swi tiva leswaku ndzi rhandza Tatana, ni leswaku ndzi endla hilaha Tatana a ndzi leriseke hakona. Pfukani, a hi sukeni la!

Yohane 14:10

Xana a ku pfumeri leswaku ndzi le ka Tatana ni leswaku Tatana u le ka mina? Marito lawa ndzi ma vulaka eka n'wina, a ndzi ma vuri ha swanga; Tatana la tshamaka ka mina, hi yena la tirhaka mitirho leyi ndzi yi tirhaka.

Yohane 10:36

xana n'wina mi ndzi byela ha yini, mi ku: ‘Wa sandza,’ loko ndzi te: ‘Ndzi N'wana wa Xikwembu’? Kasi hi mina loyi Tatana a nga n'wi hlawula ni ku n'wi rhuma emisaveni.

Yohane 8:16

Loko ndzi avanyisa, ku avanyisa ka mina hi lokunene; hikuva a ndzi tshami ndzi ri swanga, kambe ndzi na Tatana la ndzi rhumeke.

Yohane 5:32

Un'wana u kona la ndzi vulaka, kutani ndzi tiva leswaku vumbhoni lebyi a ndzi vulaka ha byona byi tiyile.

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 1:46

Nataniele a ku eka yena: “Xana xilo lexinene xi nga huma eNazareta xana?” Filipi a ku eka yena: “Tana u ta swi vona.”

Luka 10:22

Kutani a hundzukela eka vadyondzisiwa va yena, a ku: Swilo hinkwaswo ndzi swi nyikiwile hi Tatana; kutani a ku na la tivaka leswaku Tatana i mani, loko a nga ri N'wana, ni loyi N'wana a nga swi rhandzaka ku n'wi pfuletela yena.”

Luka 2:51

Kutani a ngirimela na vona, a ya eNazareta, a tshama a va yingisa. Kutani mana wa yena a hlayisa timhaka leti hinkwato embilwini ya yena.

Luka 2:39

Kuteloko va hetile hinkwaswo leswi lerisiweke hi nawu wa Hosi, va tlhelela eGaleliya, va ya eNazareta, emutini wa vona.

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste Hosi.

Luka 2:4

Yosefa na yena a suka eGaleliya emutini wa Nazareta, ku ya eYudiya emutini wa Davhida, lowu vuriwaka Betlehema, hikuva a a ri munhu wa yindlu ya Davhida ni wa rixaka ra yena;

Matewu 2:23

Kuteloko a fike kona, a aka emutini lowu vuriwaka Nazareta; leswaku ku endleka leswi nga vula hi vaprofeta, va ku: “U ta vuriwa Munazarene.”

Hosiya 5:4

Swiendlo swa vona a swi va pfumeleli ku tlhelela eka Xikwembu xa vona, hikuva moya wa vuoswi wu le xikarhi ka vona, kutani Yehovha, a va n'wi tivi.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Yeremiya 31:34

A va nga ha dyondzisi un'wana ni un'wana nakulobye; a ku na munhu la nga ta dyondzisa warikwavo, a ku: ‘Tiva Yehovha!’ Hikuva va ta ndzi tiva hinkwavo, ku sungula hi lontsongo eka vona, ku yisa eka lonkulu, ku vula Yehovha; hikuva ndzi ta va tshikela ku homboloka ka vona, a ndzi nga ha anakanyi xidyoho xa vona.”

Pisalema 9:10

Lava tivaka vito ra wena va titshembisa ha wena; Hikuva wena Yehovha, a ku tshiki lava ku lavaka.

1 SAMIELE 2:12

Vana va Heli a va ri vana va Beliyali (lavo biha); a va nga tivi Yehovha.

Yohane 7:14

Loko ku ri exikarhi ka nkhuvo, Yesu a tlhandlukela etempeleni, a ya dyondzisa kona.

Matewu 26:55

Enkarhini wolowo. Yesu a ku eka vunyingi: “Mi humile ku ta ndzi khoma, mi ri ni timpanga ni tinhonga, kukotisa loko ndzi ri khamba, a ndzi ri karhi ndzi tshama na n'wina hi masiku, ndzi dyondzisa etempeleni, a mi ndzi khomanga.

Yohane 6:42

Kutani va ku: “Xana loyi a hi Yesu, n'wana wa Yosefa, loyi hi tivaka tata wa yena ni mana wa yena xana? Kutani u vurisa ku yini, leswaku: ‘Ndzi xikile hi le tilweni’?”

Yohane 9:29

Ha swi tiva leswaku Xikwembu xi vulavurile na Muxe; kambe yeloyi a hi n'wi tivi laha a humaka kona.”