Yohane 7:15 - Xitsonga (Bibele)

¹⁵ Kutani Vayuda va hlamala, va ku: “Xana loyi u tiva ha yini Matsalwa, kasi a nga dyondzanga?”

BIBELE Mahungu Lamanene

¹⁵ Vayuda va hlamala, va ku: “Xana munhu loyi ú byi kuma kwihi vutivi, kasi a nga dyondzanga?”

Testamente Leyimpsha Xichangana

¹⁵ Vayuda vahlamala vaku: “Xana munhu lweyi amativisa kuyini maletera kasi angajondzanga?”

Yohane 7:15 Referans Kwoze

Luka 4:22

Kutani hinkwavo va n'wi yimela, va ri karhi va hlamala hi marito lamanene lama humaka enon'wini wa yena, va ku: “Xana loyi a hi n'wana Yosefa xana?”

Matewu 13:54

kuteloko a fikile emutini wa rikwavo, a dyondzisa vanhu esinagogeni ya vona va va va hlamala, va ku: “Xana loyi u byi kume kwihi vutlhari lebyonghasi, ni mahlori layonghasi?

Timhaka 26:24

A ku a ha tihlamulela hi timhaka teto, Festo a tlakusa rito, a ku: “Wa hlanya, Pawulo! Ku tiva lokukulu ka wena ka ku hlanyisa.”

Yohane 7:46

Malandza ma hlamula, ma ku: “A hi si vona munhu la vulavulaka kukotisa munhu loyi, ni siku ni rin'we.”

Luka 2:47

kutani hinkwavo lava n'wi yingiseke va hlamala hi ku tlhariha ka yena, ni ku hlamula ka yena.

Matewu 22:22

Kuteloko va twe mhaka yoleyo, va hlamala, kutani va n'wi tshika, va tifambela.

Yohane 1:19

Hi byo lebyi vumbhoni bya Yohane, siku Vayuda va rhumeke vaprista ni Valevhi, va huma eYerusalema, va ya n'wi vutisa, va ku: “Wena, u mani xana?”

Matewu 22:33

Kutani mitshungu loko yi yingisa sweswo, yi hlamala hi ku dyondzisa ka yena.

1 SAMIELE 10:11

Hinkwavo lava nga n'wi tiva khale, kuteloko va n'wi vona a ri karhi a bvumbha swin'we ni vaprofeta, vanhu lava va byelana va ku: “Ku humelele yini eka n'wana wa Kixi xana? Sawulo u le xikarhi ka vaprofeta xana?”

Yohane 7:11

Kutani Vayuda a va n'wi lava enkhubyeni, va ku: “Loyi, u kwihi?”

Yohane 7:13

Hambiswiritano, a ku vanga na munhu la n'wi vulaka erivaleni hikwalaho ka ku chava Vayuda.

Timhaka 4:13

Kuteloko va vona ku tiya ka Petro na Yohane, kasi a va tiva leswaku i vanhu lava nga dyondzangiki, va ri vanhu ntsena, va hlamala; kambe va va tiva leswaku a va tshamile na Yesu.

Esaya 29:12

Kumbe loko yi nyikiwa la nga tiviki ku hlaya, va ku: “Hlaya!” A nga hlamula a ku: “A ndzi tivi ku hlaya.”