Yohane 6:9 - Xitsonga (Bibele)

⁹ “Mufana u kona kwala, la nga ni swinkwa swa ntlhanu swa barley ni tinhlampfi timbirhi, kambe swi nga va yini eka vanhu lavo tala swonghasi xana?”

BIBELE Mahungu Lamanene

⁹ “Ku ni mufana kwala, la nga ni swinkwa swa ntlhanu swa maxalana, ni tinhlampfinyana timbirhi; kambe swi nga ringana mani eka vanhu vo tarisa leswi xana?”

Testamente Leyimpsha Xichangana

⁹ “Ku ni mufana kola, lweyi anga ni svinkwa sva ntlhanu sva maxalana ni svihlampfana svimbirhi; kambe svingaringana mani ka vanhu votalisa xilesvi xana?”

Yohane 6:9 Referans Kwoze

Luka 9:13

Kambe a ku eka vona: “Va phameleni mi ri n'wina.” Vona va ku: “A hi na nchumu loko ku nga ri ntlhanu wa swinkwa ni tinhlampfi timbirhi, loko swi nga ri leswaku hi ya xavela vanhu lava hinkwavo swakudya!”

Marka 6:38

Yena a ku eka vona: “Mi ni swinkwa swingani? Yanani mi ya languta.” Kuteloko va swi vonile, va ku: “I ntlhanu, ni tinhlampfi timbirhi.”

Matewu 14:17

Va ku eka yena: “A hi na nchumu la, loko swi nga ri swinkwa swa ntlhanu ntsena, ni tinhlampfi timbirhi.”

Pisalema 78:19

Va hleva Xikwembu, va ku: “Xana Xikwembu xi nga hi phamela kwala mananga-ke?

Matewu 16:9

Xana a mi si va ni ku twisisa a mi tsundzuki ha yini swinkwa swa ntlhanu, swa vanhu va madzana ya ntlhanu wa makume, ni vungani bya swirhundzu leswi mi nga swi teka xana?

Marka 8:19

Xana siku ndzi phameleke lava ntlhanu wa makume ya madzana swinkwa swa ntlhanu, a mi tekile swirhundzu swingani leswi teleke mahlanhla-ke?” Va ku eka yena: “Khume na swimbirhi.”

2 Vakorinto 8:9

Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

Pisalema 147:14

U veka ku rhula emindzilekaneni ya wena, U ku xurhisa hi mongo wa koroni.

Pisalema 81:16

A ndzi ta va phamela hi mavele lamanene, Ndzi va xurhisa hi vulombe bya le ribyeni.”

Duteronoma 8:8

etikweni ra koro, ni ra barley, ni ra vhinya, ni ra makuwa, ni ra magirenada; etikweni ra mitlhwari ni ra mafurha ni vulombe;

Nhlavutelo 6:6

Kutani ndzi twa exikarhi ka swivumbiwa leswi hanyaka leswa mune swange i rito leri nge: “Mpimo wun'we wa koro, denari yin'we, ni mipimo minharhu ya barley, denari yin'we; kambe u nga tshuki u onha mafurha ni vhinyo.”

Yohane 11:32

Kuteloko Mariya a fikile laha Yesu ingi a ri kona, a n'wi vona, kutani a tiwisela emilengeni ya yena, a ku eka yena: “Hosi, loko ngi a wu ri kona, ingi makwerhu a nga fanga.”

Yohane 11:21

Kutani Marta a ku eka Yesu: “Hosi, loko ngi a wu ri kona, ingi makwerhu a nga fanga.

Yohane 6:7

Filipi a n'wi hlamula, a ku: “Swinkwa swa tidenari ta madzana mambirhi, swi nga ka swi nga va ringani, leswaku un'wana ni un'wana a amukela lexitsongo.”

Ezekiele 27:17

Yuda, ni va tiko ra Israele, na vona, a va bindzula na wena; va veka emixabyeni ya wena koro ya le Miniti, ni swimbhundzwana, ni vulombe, ni mafurha, ni balsama.

Pisalema 78:41

A va tshikanga ku ringa Xikwembu, Ni ku pfuxa Mukwetsimi wa Israele.

2 TIHOSI 7:1

Kutani Elixa a ku: “Yingisani rito ra Yehovha!” Yehovha u vurisa sweswo, a ku: “Mundzuku hi nkarhi wolowo, mpimo wun'we wa mapa yo saseka wu ta xaviwa hi xikele, ni mipimo mimbirhi ya barley hi xikele, enyangweni ya Samariya.”

1 TIHOSI 4:28

A ti tisa barley ni byanyi lebyi omeke, yin'wana ni yin'wana hi nawu wa yona, swi ri swa tihanci leti paniwaka, ni tihanci leti khandziyiwaka, lomu ingi hosi a yi ri kona.

Duteronoma 32:14

Hi mafurha ya tihomu, ni ntswamba wa timbuti, Hi mafurha ya swinyimpfana, Ni ya makhuna la tswariweke Baxani, ni ya swiphongo, Hi mapa ya ku saseka ya koro. U nwile vhinyo yo nandziha, yi ri ngati ya xidzumba.

Yohane 6:11

Kutani Yesu a teka swinkwa, kuteloko a khensile, a avela vadyondzisiwa, kutani vona va avela lava tshamiseke; a endlisa sweswo ni tinhlampfi, va ko va xurha.

Yohane 21:9

Kuteloko va fikile eribuwini, va vona makala lama vombeke, ni tinhlampfi ti vekiwile ehenhla ka wona, ni vuswa.

Yohane 21:10

Yesu a ku eka vona: “Nehani tinhlampfi eka leti ma ha ku ti phasaka sweswi.”

Yohane 21:13

Kutani Yesu a ta, a teka vuswa, a va nyika; a endlisa sweswo ni hi tinhlampfi.