Yohane 6:63 - Xitsonga (Bibele)

⁶³ Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

BIBELE Mahungu Lamanene

⁶³ Moya hi wona wu hanyisaka, nyama a yi pfuni nchumu. Marito lawa ndzi mi byelaka wona, i moya ni vutomi.

Testamente Leyimpsha Xichangana

⁶³ Amoya hi wona lowuhanyisaka, nyama ayipfuni nchumu. Marito lawa nimibzelaka wona, i moya ni vutoni.

Yohane 6:63 Referans Kwoze

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Vagalatiya 5:25

Loko kunene hi hanya hi Moya, a hi fambeni hi Moya!

Pisalema 119:93

Ndzi nga ka ndzi nga rivali swileriso swa wena ni siku ni rin'we, Hikuva u ndzi hanyisile ha swona.

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Pisalema 119:50

Ku chaveleriwa ka mina emakhombyeni ya mina, Hi leswaku leswi vuriweke hi wena swi ndzi hanyisile.

1 Petro 1:23

mi va lava tswariweke ra vumbirhi, ku nga ri hi mbewu leyi bolaka, kambe ku ri hi leyi nga boriki, hi rito leri hanyaka ra Xikwembu, leri tshamaka hi masiku.

Pisalema 119:130

Hlavutelo ya marito ya wena ya voninga, Yi nyika lavo rivala ku twisisa.

Duteronoma 32:47

Hikuva a hi rito ro hava eka n'wina kambe i vutomi bya n'wina; kutani mi ta lehisa ha rona masiku ya n'wina emisaveni leyi mi nga ta yi teka loko mi perile Yordani.

1 Vakorinto 15:45

Miri wa nyama wu kona, ni miri wa moya wu kona, kukota leswi ku tsariweke va ku: “Munhu wo rhanga, Adamu, u endliwe moya lowu hanyaka,” Adamu wa le ndzhaku, u endliwile moya lowu hanyisaka.

Varhoma 10:17

Kunene ku pfumela, ku ta hi ku yingisa, kutani ku yingisa ku ta hi rito ra Xikwembu.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Genesa 2:7

Kutani Yehovha Xikwembu a vumba munhu hi ntshuri wa misava, a huhutela etinhompfini ta yena ku hefemula ka vutomi, ka va loko munhu a endliwe xivumbiwa lexi hanyaka.

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

Vagalatiya 6:15

Hikuva ku yimba, hambi byi ri vukhuna, a swi pfuni nchumu, kambe mhaka leyi nga yona, i ku vumbiwa lokuntshwa.

Varhoma 2:25

Kunene ku yimba ka pfuna loko u hlayisa nawu, kambe loko u ri mutluri wa nawu, ku yimba ka wena ku ta va ku hundzukile vukhuna.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Swivuriso 4:13

Khoma dyondzo, u nga yi tshiki, U yi hlayisa; hikuva i vutomi bya wena.

Yohane 5:21

Hikuva, kukotisa leswi Tatana a pfuxaka vafi a va hanyisa, na yena N'wana u hanyisa lava a va rhandzaka.

Timhaka 5:20

“Fambani, mi ya humelela etempeleni, mi byela vanhu timhaka hinkwato ta vutomi lebyi.”