Yohane 6:45 - Xitsonga (Bibele)

⁴⁵ Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

BIBELE Mahungu Lamanene

⁴⁵ Ku tsariwile etibukwini ta vaprofeta, va ku: ‘Hinkwavo va ta dyondzisiwa hi Xikwembu.’ Un'wana ni un'wana la tweke Tatana ni ku dyondza eka yena, wa ta eka mina.

Testamente Leyimpsha Xichangana

⁴⁵ Kutsaliwile tibukwini ta vaprofeta, vaku: “‘Hinkwavu vatajondzisiwa hi Xikwembu.’” Mani na mani lweyi atweke Tatana ni kujondza ka yena, wata ka mina.

Yohane 6:45 Referans Kwoze

Esaya 54:13

Vana va wena va xinuna hinkwavo va ta va vadyondzisiwa va Yehovha, ku rhula ka vona ku ta va lokukulu.

Vaheveru 10:16

hikuva kuteloko wu rhangile hi ku vula leswaku: “Hi wona ntwanano lowu ndzi nga ta wu endla na vona loko ku hundzile masiku walawo, ku vula Hosi, ndzi ta nghenisa milawu ya mina etimbilwini ta vona, ndzi yi tsala eswifuveni swa vona”;

1 Vatesalonika 4:9

Loko ku ri ku rhandzana ka vamakwavo, a hi mhaka leyi ndzi fanelaka ku mi tsalela ha yona, hikuva mi dyondzisiwe hi Xikwembu ku rhandzana,

Mikiya 4:2

Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

Esaya 2:3

Matiko layo tala ma ta ta kona, ma ku: “Tanani, hi ta tlhandlukela entshaveni ya Yehovha, endlwini ya Xikwembu xa Yakobo; xi ta hi dyondzisa tindlela ta xona kutani hi ta famba emitileni ya xona.” Hikuva nawu wu ta huma eSiyoni, ni rito ra Yehovha ri ta huma eYerusalema.

Yohane 6:65

Kutani a ku: “Hikwalaho ndzi nga mi byela, ndzi ku: A ku na munhu la nga taka eka mina, loko a nga nyikiwi hi Tatana.”

Yohane 6:37

Hinkwaswo leswi ndzi swi nyikiwaka hi Tatana, swi ta ta eka mina; la taka eka mina, ndzi nga ka ndzi nga n'wi cukumeteli ehandle.

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Vaefesa 1:17

leswaku Xikwembu xa Hosi ya hina, Yesu Kriste, Tata wa ku vonakala, xi mi nyika Moya wa vutlhari ni wa ku hlavutela, eku tiviweni ka xona;

Yohane 10:27

Tinyimpfu ta mina ti yingisa rito ra mina, kutani mina ndza ti tiva, kutani ta ndzi landza,

Luka 18:31

Kutani a famba hitlhelo ni lava khume na vambirhi a va byela a ku: “Vonani, hi tlhandlukela eYerusalema, kutani hinkwaswo leswi tsariweke hi vaprofeta ehenhla ka N'wana wa Munhu swi ta hetiseka.

Luka 1:70

hilaha a nga vula hakona hi mikarhi hinkwavo hi milomu ya vaprofeta lavo kwetsima va yena, a ku:

Marka 1:2

Hilaha ku tsariweke hi muprofeta Esaya leswaku: “Vonani, ndzi rhuma emahlweni ka wena ntsumi ya mina, leyi nga ta lunghisa ndlela ya wena.”

Matewu 11:27

Swilo hinkwaswo swi vekiwe eka mina hi Tatana; a ku na la tivaka N'wana, loko a nga ri Tatana; naswona a ku na la tivaka Tatana loko a nga ri N'wana, ni loyi N'wana a rhandzaka ku n'wi hlavutela yena.

Timhaka 7:42

Hikwalaho Xikwembu xi va fularhela, xi va nyiketa eku gandzeleni ka mavandla ya tilo, hilaha ku tsariweke hakona ebukwini ya vaprofeta leswaku: ‘N'wina, yindlu ya Israele, xana mi ndzi humesele switlhavelo ni timhamba emananga hi malembe ya mune wa makume xana?

Timhaka 13:40

Tivoneleni hikwalaho, leswaku kumbe lexi vuriweke hi vaprofeta xi nga mi humelela, leswaku:

Vafilipiya 3:15

Hikwalaho, hina lava hetisekeke, a hi anakanyeni sweswo; kutani loko mi ri ni ku anakanya kun'wana emhakeni yin'wana, Xikwembu xi ta mi pfuletela na yona.

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.