Yohane 6:38 - Xitsonga (Bibele)

³⁸ Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

BIBELE Mahungu Lamanene

³⁸ Hikuva ndzi xikile hi le tilweni, ku nga ri ku ta endla ku rhandza ka mina, kambe ku endla ku rhandza ka Loyi a ndzi rhumeke.

Testamente Leyimpsha Xichangana

³⁸ Hikuva nixikile hi le tilweni, kungali kutayendla kurhandza ka mina, kambe kuyendla kurhandza ka lweyi anirhumeke.

Yohane 6:38 Referans Kwoze

Yohane 5:30

“Ndzi nga ka ndzi nga endli nchumu ndzi ri swanga; ndza avanyisa hilaha ndzi yingisaka hakona, kutani ku avanyisa ka mina ku lulamile, hikuva a ndzi lavi lexi rhandziwaka hi mina, kambe ndzi lava lexi rhandziwaka hi Tatana la ndzi rhumeke.

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Yohane 3:31

La humaka etilweni u le henhla ka hinkwavo; la humaka emisaveni, i wa misava, kutani u vulavula hi swa misava; la humaka etilweni u le henhla ka hinkwavo.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Yohane 6:33

Hikuva vuswa bya Xikwembu hi lebyi xikaka hi le tilweni, lebyi nyikaka misava vutomi.”

Yohane 3:13

A ku na munhu la tshamaka a tlhandlukela etilweni, loko a nga ri la xikeke etilweni, a nga N'wana wa Munhu la nga etilweni.

Vaheveru 5:8

kutani, hambi a ha ri N'wana, u dyondzile ku yingisela hi leswi a vavisiweke ha swona;

Varhoma 15:3

Hikuva Kriste, na yena, a nga lavangi leswi n'wi tsakisaka, kambe u endle hilaha ku tsariweke hakona leswaku: “Ku rhuketela ka lava ku rhukanaka ku ndzi wele ehenhla.”

Vaefesa 4:9

Kambe leswi va nge “u tlhandlukile”, hi leswo yini, loko swi nga ri leswaku a rhangile a xikela etindhawini leti nga ehansi ka misava?

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Yohane 3:17

Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

Yohane 5:19

Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

Yohane 6:29

Yesu a va hlamula, a ku: “Hi wona ntirho wa Xikwembu, hileswaku mi pfumela eka loyi xi n'wi rhumeke.”

Yohane 6:42

Kutani va ku: “Xana loyi a hi Yesu, n'wana wa Yosefa, loyi hi tivaka tata wa yena ni mana wa yena xana? Kutani u vurisa ku yini, leswaku: ‘Ndzi xikile hi le tilweni’?”

Yohane 6:57

Hilaha Tatana la hanyaka a ndzi rhumeke, kutani ndzi hanya ha Tatana, na yena la ndzi dyaka u ta hanya ha mina.