Yohane 6:27 - Xitsonga (Bibele)

²⁷ Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

BIBELE Mahungu Lamanene

²⁷ Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Testamente Leyimpsha Xichangana

²⁷ Mingatirheli svakuja lesvibolaka, kambe tirhelani svakuja lesvingaboliki, svinga lesvinyikaka vutomi lebzingaheliki. Svakuja lesvi, mitanyikiwa hi N'wana-wa-Munhu, hikuva hi yena lweyi Xikwembu Tatana ximufungeke hi mfungu wa xona.”

Yohane 6:27 Referans Kwoze

Vakolosa 3:2

Anakanyani swilo leswi nga ehenhla, swi nga ri swa misava,

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Yohane 6:54

La dyaka nyama yanga, ni la nwaka ngati yanga, u ni vutomi lebyi nga heriki; kutani ndzi ta n'wi pfuxa hi siku ra makumu.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

Varhoma 6:23

Hikuva hakelo ya vudyoho i rifu, kambe ku nyika ka tintswalo ta Xikwembu, i vutomi lebyi nga heriki, ha Yesu Kriste, Hosi ya hina.

Yohane 10:28

mina ndzi ti nyika vutomi lebyi nga heriki; ti nga ka ti nga lovi, ni siku ni rin'we, kambe a ku na munhu la nga ti vutlaka evokweni ra mina.

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Yohane 17:2

hilaha u n'wi nyikeke vuhosi ehenhla ka nyama hinkwayo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Matewu 6:19

“Mi nga tshuki mi tihlengeletela xuma emisaveni, laha tinsumba ni ku kurha swi dyaka kona, ni laha makhamba ma boxaka kona ma yiva.

Yohane 6:58

Vuswa lebyi xikeke hi le tilweni, hi byo lebyi; ku nga ri kukota vatata wa n'wina lava nga dya manna, kutani va file; la dyaka vuswa lebyo, u ta hanya hi masiku hinkwawo.”

2 Petro 1:17

Hikuva u nyikiwile hi Xikwembu Tatana, ku dzunisiwa ni ku kwetsima, siku rito leri ri teke eka yena, ri huma eku kwetsimeni loku tlurisaka, ri ku: “Loyi i n'wananga la rhandziwaka, yeloyi ndzi n'wi tsakelaka!”

Vafilipiya 2:13

hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

Yeremiya 15:16

Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Eklesiasta 6:7

Ntirho hinkwawo wa munhu wu yisiwa enon'wini wa yena, hambiswiritano, ku navela ka yena a ku xurhi.

1 Petro 1:24

Hikuva “nyama hinkwayo yi kotisa byanyi, kutani ku kwetsima hinkwako ka yona kukotisa xiluva xa byanyi; byanyi byi omile, kutani xiluva xa byona xi wile;

Luka 3:22

kutani Moya lowo Kwetsima wu xikela ehenhla ka yena wu fana ni tuva hi xivumbeko lexi vonakalaka: kutani rito ri huma etilweni, ri ku: “U N'wana wa mina la rhandziwaka, loyi ndzi tsakisiwaka ha yena.”

1 Vatesalonika 1:3

a hi tshiki ku ehleketa ntirho wa ku pfumela ka n'wina, ni nyuku wa rirhandzu ra n'wina, ni ku chivirika ka ku tshemba ka n'wina eka Hosi Yesu Kriste, emahlweni ka Xikwembu, Tata wa hina;

Vakolosa 1:29

Hi leswi ndzi swi tirhelaka, loko ndzi lwa hi matimba ya yena lama tirhaka ngopfu eka mina.

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Timhaka 2:22

“Vavanuna va Israele, yingisani timhaka leti: Yesu wa Nazareta wanuna loyi a kombisiweke eka n'wina hi Xikwembu hi mahlori, ni masingita, ni swikombiso leswi Xikwembu xi swi endleke ha yena exikarhi ka n'wina, hilaha mi swi tivaka hakona na n'wina,

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Luka 9:35

Kutani rito ri huma epapeni, ri ku: “Hi loyi N'wananga, loyi ndzi n'wi rhandzhaka; n'wi yingiseni.”

Pisalema 40:7

Kutani ndzi te: “Vona, ndzi tile Hi laha ku tsariweke hakona hikwalaho ka mina ebukwini.

Pisalema 2:7

Ndzi ta twarisa makungu: Yehovha u te eka mina: “U n'wananga; Ndzi ku velekile namuntlha.

Vaheveru 12:16

Ku nga tshuki ku va na un'wana wa muoswi, hambi a ri musandzi, kukota Esawu, la nga xava swakudyanyana hi vuhosi bya yena.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Vaheveru 4:11

Hikwalaho, a hi chivirikeni ku ya nghena eku wiseni kuloko, leswaku ku nga ti va na un'we la khunguvanyekaka hi ku tiarisa loko tano.

Vakolosa 2:22

swi nga leswi yisaka eku boleni, loko swi hundzuluxiwa hi ku ya hi nawu ni ku dyondzisa ka vanhu;

1 Vakorinto 9:2

Kambe, hambi ndzi nga ri muapostola eka van'wana eka n'wina, ndzi yena, hikuva hi n'wina mi nga mfungho wa vuapostola bya mina eHosini.

1 Vakorinto 6:13

“Swakudya, i swa khwiri, kutani khwiri i ra swakudya”; kambe Xikwembu xi ta herisa swona na rona.

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Yohane 15:24

Loko ngi ndzi nga tirhanga exikarhi ka vona mitirho leyi nga tirhiwangiki hi munhu un'wana, ingi va nga ri na nandzu; sweswi, va yi vonile, kutani va ndzi vengile, mina na Tatsana.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 11:42

Ndza swi tiva leswaku wa ndzi yingisa hi masiku kambe ndzi vurisa sweswo hikwalaho ka ntshungu lowu ndzi rhendzeleke, leswaku va pfumela leswaku hi wena la ndzi rhumeke.”

Yohane 8:18

Ndzi tivulela vumbhoni, kutani Tatana la ndzi rhumeke u ndzi vulela vumbhoni, na yena.”

Marka 9:7

Kambe papa ri ta, ri va funengeta; kutani ku huma rito epapeni, ri ku: “Loyi i N'wananga loyi a rhandzekaka, n'wi yingiseni.”

Marka 1:11

kutani rito leri humaka ematilweni ri twakala, ri ku: “U N'wananga la rhandziwaka, loyi ndzi titsakelaka ha yena.”

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

Matewu 3:17

Kutani ku twakala rito leri humaka ematilweni, ri ku: “Loyi, i n'wana wa mina, loyi ndzi n'wi rhandzaka, loyi ndzi n'wi tsakelaka.”

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Yakobo 1:11

Hikuva dyambu ri tsuvukile, ri ni mumu ri omisa byanyi, kutani xiluva xa byona xi wile, ku saseka ka nghohe ya xona ku lovile. Hi mukhuva wolowo, la fuweke, na yena, u ta vuna eku fambeni ka yena.

2 Vakorinto 4:18

hikuva hi langutela swi nga ri leswi voniwaka, kambe swi ri leswi nga voniwiki, hikuva leswi vonakalaka, i swa mikarhi leyi ntsena, kasi leswi nga vonakiki, swi nga ka swi nga vi na makumu.

Matewu 8:20

Kutani Yesu a ku eka yena: “Timhungubye ti ni micele, ni tinyanyana ta le tilweni ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Habakuku 2:13

Vonani, xana a hi mhaka leyi pfaka eka Yehovha wa tinyimpi loko matiko ma tikarhatela lexi nga ta hisiwa hi ndzilo, kutani tinxaka ti humesela matimba ya tona swahava?

Swivuriso 9:5

“Tanani, mi dya swakudya swa mina, Mi nwa vhinyo leyi pfanganyisiweke.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Yohane 3:15

leswaku un'wana ni un'wana la pfumelaka eka yena a nga tshuki a lova, kambe a va ni vutomi lebyi nga heriki.”

Yohane 6:47

“Ndzi vurisile ndzi ri eka n'wina: La pfumelaka eka mina, u ni vutomi lebyi nga heriki.

Yohane 6:53

Yesu a ku eka vona: “Ndzi vurisile ndzi ri eka n'wina: Loko mi nga dyi nyama ya N'wana wa Munhu, ni loko mi nga nwi ngati ya yena, a ku na vutomi eka n'wina.

Yohane 6:62

Swi to yini loko mi ta vona N'wana wa Munhu a tlhandlukela laha ingi a ri kona khale?

Duteronoma 30:13

A wu nga ri hase ka lwandle, leswaku va nga ku: ‘I mani la nga ta hi pelela ehase ka lwandle, a ya hi tekela wona, a ta hi dyondzisa wona leswaku hi endla ha wona?’