Yohane 5:24 - Xitsonga (Bibele)

²⁴ Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

BIBELE Mahungu Lamanene

²⁴ “Ndzi tiyisisile ndzi ri ka n'wina, la yingisaka rito ra mina, a va a pfumela eka Loyi a ndzi rhumeke, ú ni vutomi lebyi nga heriki; kutani a nga ka a nga avanyisiwi, kambe ú humile eku feni a ya nghena evutomini.

Testamente Leyimpsha Xichangana

²⁴ “Nitiyisile nili ka n'wina lweyi ayingisaka rito ra mina, ava apfumela ka Lweyi anirhumeke, a ni vutomi lebzingaheliki; kutani angakala angayavanyisiwi, kambe ahumile kufeni ayanghena vuton'wini.

Yohane 5:24 Referans Kwoze

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Yohane 3:18

La pfumelaka eka yena, a nga avanyisiwi; kambe la nga pfumeriki, wa avanyisiwa, hikuva a nga pfumelangi vito ra N'wana wa Xikwembu la nga tswariwa a ri swakwe.

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

Varhoma 8:1

Kutani sweswi, a ka ha ri na ku avanyisiwa eka lava nga ka Yesu Kriste.

Yohane 6:47

“Ndzi vurisile ndzi ri eka n'wina: La pfumelaka eka mina, u ni vutomi lebyi nga heriki.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Yohane 11:26

Un'wana ni un'wana la hanyaka, a va a pfumela eka mina, a nga ka a nga fi, ni siku ni rin'we. Xana wa pfumela sweswo xana?”

Yohane 20:31

Kambe timhaka leti, ti tsariwile leswaku mi pfumela leswaku Yesu i Kriste, N'wana wa Xikwembu, ni leswaku, hi ku pfumela, mi va ni vutomi evitweni ra yena.

Yohane 8:51

Ndzi vurisile ndzi ri eka n'wina: Kungakuloko munhu a hlayisa rito ra mina, a nga ka a nga voni rifu, ni siku ni rin'we.”

1 Vatesalonika 5:9

Hikuva Xikwembu a xi hi vekelanga ku kariha, kambe ku ri ku hi fuwisa ku hlayiseka hi Hosi ya hina, Yesu Kriste,

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

Marka 16:16

La nga ta pfumela, kutani a khuvuriwa u ta hlayiseka; kambe la nga pfumeriki, u ta avanyisiwa.

1 Yohane 3:14

Loko hi ri hina, ha tiva leswaku hi rhurhile eku feni ku ya nghena evutomini, hikuva hi rhandza vamakwerhu. La nga rhandziki makwavo, u tshame eku feni.

Yohane 12:44

Kutani Yesu a huwelela, a ku: “La pfumelaka eka mina, a nga pfumeri eka mina, kambe u pfumela eka la ndzi rhumeke;

1 Petro 1:21

lava pfumeleke ha yena eka Xikwembu, lexi n'wi pfuxeke eku feni, xi va xi n'wi nyika ku kwetsima, leswaku ku pfumela ka n'wina ni ku tshemba ka n'wina ku va ka Xikwembu.

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Yohane 4:36

Kambe la tshovelaka u teka hakelo, a hlengeletela vutomi lebyi nga heriki mavele, leswaku la byalaka a tsakisana ni la tshovelaka.

Yohane 6:50

Hi byo lebyi, vuswa lebyi xikeke hi le tilweni, leswaku munhu la dyaka byona, a nga tshuki a fa.

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 6:58

Vuswa lebyi xikeke hi le tilweni, hi byo lebyi; ku nga ri kukota vatata wa n'wina lava nga dya manna, kutani va file; la dyaka vuswa lebyo, u ta hanya hi masiku hinkwawo.”