Yohane 5:1 - Xitsonga (Bibele)

¹ Endzhaku ka sweswo, nkhuvo wun'wana wa Vayuda wu va kona, kutani Yesu a tlhandlukela eYerusalema.

BIBELE Mahungu Lamanene

¹ Endzhaku ka sweswo, nkhuvo wa Vayuda wu va kona, kutani Yesu a tlhandlukela eYerusalema.

Testamente Leyimpsha Xichangana

¹ Ndzhaku ka svosvo, nkhuvu wa Vayuda wuvakona, kutani Yesu atlhantukela Yerusalema.

Yohane 5:1 Referans Kwoze

Duteronoma 16:16

“Kanharhu hi lembe, wanuna un'wana ni un'wana u ta humelela emahlweni ka Yehovha, Xikwembu xa wena, exivandleni lexi a nga ta xi hlawula; hileswaku enkhubyeni wa xinkwa lexo kala comela, ni le nkhubyeni wa mavhiki, ni le nkhubyeni wa mitsonga kambe va nga ka va nga humeleli emahlweni ka Yehovha va nga tamelanga nchumu:

Eksoda 34:23

“Vavanuna hinkwavo exikarhi ka n'wina, va ta humelela kanharhu hi lembe emahlweni ka Hosi Yehovha, Xikwembu xa Israele;

Yohane 2:13

Paseka ya Vayuda a yi ri ekusuhi, kutani Yesu a tlhandlukela eYerusalema.

Vagalatiya 4:4

Kambe loko mikarhi yi herile, Xikwembu xi rhumile N'wana wa xona, la tswariweke hi wansati, a velekiwa a ri hansi ka nawu,

Matewu 3:15

Yesu a n'wi hlamula, a ku: “Ndzi pfumelele sweswi, hikuva hi fanele ku heta leswo lulama hinkwaswo.” Kutani Yohane a n'wi pfumelela.

Duteronoma 16:1

“U ta hlayisa n'hweti ya Abibi, u endlela Yehovha, Xikwembu xa wena, Paseka, hikuva Yehovha, Xikwembu xa wena, u ku humesile eEgipta nivusiku hi n'hweti ya Abibi.