Yohane 21:23 - Xitsonga (Bibele)

²³ Hikwalaho, mhaka leyi, yi hangalaka exikarhi ka vamakwavo leswaku mudyondzisiwa yeloyi, a nga ka a nga fi. Kambe Yesu a nga vulanga leswaku a nga ka a nga fi; kambe a a te: “Kungakuloko ndzi rhandza leswaku a tshama ndzi ko ndzi vuya, ku ta va yini eka wena-ke?”

BIBELE Mahungu Lamanene

²³ Hikokwalaho rito rero a nga ri vula ri hangalaka exikarhi ka vamakwavo leswaku mudyondzisiwa loyi a nga ka a nga fi. Kasi Yesu a a nga n'wi byelanga leswaku a nga ka a nga fi; kambe a a te: “Loko ndzi lava leswaku a tshama ndzi kondza ndzi vuya, swi nga va yini eka wena ke?”

Testamente Leyimpsha Xichangana

²³ Hikolaho rito leri angalivula rihangalaka xikarhi ka vamakwavu lesvaku mujondzisiwa lwiya, angakala angafi. Kasi Yesu angamubzelanga lesvaku angakala angafi; kambe ate: “Loko nilava lesvaku atshama nikondza nivuya, svingava yini ka wena ke?”

Yohane 21:23 Referans Kwoze

Ntirho 33:13

U xi tengisela yini? Hikuva a xi hlamuli etimhakeni ta xona hinkwato.

Duteronoma 29:29

“Timhaka leti fihliweke i ta Yehovha, Xikwembu xa hina, kambe timhaka leti hlavuteriweke i ta hina ni vana va hina, hilaha ku nga heriki, leswaku hi ta endla hi marito hinkwawo ya nawu lowu.

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Timhaka 6:3

Loko swi ri tano, vamakwerhu, hlawulani vavanuna va ntlhanu na vambirhi exikarhi ka n'wina, lava dzuniwaka, lava teleke Moya lowo Kwetsima ni vutlhari, leswaku hi va veka entirhweni lowo.

Timhaka 28:14

Kona hi kuma vamakwerhu lava nga hi khongela leswaku hi xwa ntlhanu wa masiku ni masiku mambirhi na vona; kavaloko hi ya eRhoma.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

1 Vakorinto 11:26

Hi masiku hinkwawo loko mi dya xinkwa lexi, ni loko mi nwela exinwelweni lexi, mi ta va mi vula rifu ra Hosi, a kondza a fika.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Nhlavutelo 2:25

Ntsena mi tiyisa leswi mi nga na swona ndzi ko ndzi fika.