Yohane 21:15 - Xitsonga (Bibele)

¹⁵ Kuteloko va dyile, Yesu a ku eka Simoni Petro: “Simoni, n'wana Yona, xana wa ndzi rhandza ku tlula va lava xana?” A ku eka yena: “Ina, Hosi; wa tiva leswaku ndza ku rhandza.” Yesu a ku eka yena: “Risa swinyimpfana swa mina.”

BIBELE Mahungu Lamanene

¹⁵ Kuteloko va fihlurile, Yesu a ku ka Simoni Petro: “Simoni, n'wana Yohane, xana wa ndzi rhandza ku tlula leswi hinkwaswo ke?” A ku ka yena: “Ina, Hosi, wa swi tiva leswaku ndza ku rhandza.” Yesu a ku ka yena: “Risa swinyimpfana swa mina.”

Testamente Leyimpsha Xichangana

¹⁵ Kuteloko vafihlulile, Yesu aku ka Simoni Petrosi: “Simoni, n'wana Yohani, xana wanirhandza kutlula lava hinkwavu ke?” Aku ka yena: “Ina, Hosi, wa svitiva lesvaku nakurhandza.” Yesu aku ka yena: “Risa svinyempfana sva mina.”

Yohane 21:15 Referans Kwoze

Varhoma 15:1

Kutani hina va matimba, hi fanele ku rhwala ku hluleka ka lava tsaneke, kambe hi nga tshuki hi lava leswi tsakisaka hina ntsena.

1 Yohane 4:19

Loko hi ri hina ha xi rhandza, hikuva hi xona xi rhangeke xi hi rhandza.

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

Vaefesa 6:24

Tintswalo a ti ve ni hinkwavo lava rhandzaka Hosi ya hina, Yesu Kriste, hi rirhandzu leri nga onhakiki.

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

Yohane 16:27

hikuva na yena Tatana wa mi rhandza, hikuva mi ndzi rhandzile, ni ku pfumela leswaku ndzi huma eka Xikwembu.

Yeremiya 3:15

Ndzi ta mi nyika varisi lava tsakisaka mbilu ya mina, va ta mi risa hi ku tiva ni ku anakanya.

Ezekiele 34:23

Ndzi ta yimisa murisi un'we ehenhla ka tona, yena u ta ti risa u ta va nandza wa mina, Davhida; hi yena la nga ta ti risa, loyi a nga ta va murisi wa tona.

1 Petro 2:25

Hikuva a mi fana ni tinyimpfu leti lahlekeke, kambe sweswi, mi tlhele mi hundzukela eka murisi ni mulanguteri wa mimoya ya n'wina.

Vaheveru 4:13

Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

Luka 22:32

kambe mina ndzi ku khongelele, leswaku ku pfumela ka wena ku nga tshuki ku titivala. Kutani wena, loko u hundzukile, u ta tiyisa vamakwenu.”

Vaheveru 13:20

Xikwembu xa ku rhula lexi vuyiseke exikarhi ka vafi, Hosi ya hina Yesu, murisi lonkulu wa tinyimpfu, hi ngati ya ntwanano lowu nga heriki;

Varhoma 14:1

Loko a ri la tsaneke eku pfumeleni, mi n'wi amukela, mi nga tengisani na yena etimhakeni.

Matewu 16:17

Yesu a hlamula, a ku eka yena: “U katekile, Simoni n'wana Yona, hikuva a hi nyama ni ngati leswi ku pfuleteleke sweswo, kambe i Tatana wa le tilweni.

Yeremiya 23:4

Ndzi ta va nyika varisi lava va rixaka; a va nga ha chavi, a va nga ha rhurhumeli, a ku nga ha pfumaleki na un'we wa vona, ku vula Yehovha.

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Yohane 21:12

Yesu a ku eka vona: “Tanani mi dya.” Kambe a ku vanga na un'we wa vadyondzisiwa va yena, la nga tiyisa mbilu ku n'wi vutisa leswaku u mani? Hikuva a va swi tiva leswaku i Hosi.

Yohane 21:7

Kutani mudyondzisiwa la rhandziwaka hi Yesu, a ku eka Petro: “I Hosi.” Kuteloko Simoni a twa leswaku i Hosi, a ambala nguvu ya yena, hikuva a a hluvurile, a tihoxa lwandle.

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

1 Vakorinto 8:11

Kutani makwenu la tsaneke, loyi Kriste a n'wi feleke, u ta lova hi ku tiva ka wena.

Yohane 8:42

Yesu a ku eka vona: “Loko ngi Xikwembu a ri tata wa n'wina, a mi ta ndzi rhandza, hikuva ndzi huma eka Xikwembu, ndzi pfa ka xona; hikuva a ndzi tanga ha mina, kambe hi xona lexi ndzi rhumeke.

Marka 14:29

Kambe Petro a ku eka yena: “Hambi va nga khunguvanyeka hinkwavo, loko ndzi ri mina, e-e!”

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Genesa 33:13

Kambe Yakobo a ku: “Hosi yanga, wa swi tiva leswaku swihlangi swi tsanile, ni leswaku ndzi talelwe hi tinyimpfu ni tihomu leti an'wisaka; kutakuloko swi angwetlisiwa hi siku rin'we, swifuwana hinkwaswo swi nga fa.

Matewu 10:37

La rhandzaka tata wa yena, hambi a ri mana wa yena ku tlula mina, a nga ndzi faneli, ni la rhandzaka n'wana wa yena wa wanuna, hambi a ri wa wanhwana ku tlula mina, a nga ndzi faneli.

2 TIHOSI 20:3

“Oho! Yehovha, wa nga anakanya leswaku ndzi fambile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

2 SAMIELE 7:20

Kutani Davhida a ta engeta a ku byela yini xana? Wa tiva nandza wa wena, wee Hosi Yehovha!

Yohane 13:37

Petro a ku eka yena: “Hosi, ndzi nga tsandzeka ha yini ku ku landza sweswi, xana? A ndzi ta tshika vutomi bya mina hikwalaho ka wena.”

Yohane 1:42

Kutani a n'wi yisa eka Yesu. Yesu, kuteloko a n'wi langutile, a ku: “U Simoni n'wana Yona; u ta thyiwa Kefasi” (hileswaku Petro).

Matewu 26:35

Petro a ku eka yena: “Hambiloko ndzi fanele ku fa na wena, ndzi nga ka ndzi nga ku landzuri.” Vadyondzisiwa hinkwavo va vurisa sweswo, na vona.

Matewu 26:33

Kutani Petro a hlamula, a ku eka yena: “Hambi hinkwavo va nga khunguvanyeka eka wena, mina ndzi nga ka ndzi nga khunguvanyeki ni switsongo.”

Timhaka 20:29

Hikuva ndza swi tiva leswaku loko ndzi sukile, ku ta nghena exikarhi ka n'wina timhisi leto leva, leti nga tiki tsetselela ntlhambi;

Ezekiele 46:24

Kutani a ku eka mina: “Leyi, i yindlu ya makixi laha vatirhi va yindlu va nga ta sweka magandzelo ya tiko eka yona.”