Yohane 20:31 - Xitsonga (Bibele)

³¹ Kambe timhaka leti, ti tsariwile leswaku mi pfumela leswaku Yesu i Kriste, N'wana wa Xikwembu, ni leswaku, hi ku pfumela, mi va ni vutomi evitweni ra yena.

BIBELE Mahungu Lamanene

³¹ Kambe timhaka leti ti tsaleriwile n'wina, mi ta ka mi pfumela leswaku Yesu i Mesiya, N'wana wa Xikwembu, ni leswaku, hi mhaka ya ku pfumela, mi va ni vutomi evitweni ra yena.

Testamente Leyimpsha Xichangana

³¹ Kambe timhaka leti titsaleliwile n'wina, lesvaku mitakota kupfumela lesvaku Yesu i Kriste, N'wana wa Xikwembu, ni lesvaku, hi mhaka ya kupfumela, miva ni vutomi vitweni ra yena.

Yohane 20:31 Referans Kwoze

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Yohane 4:15

Un'wana ni un'wana la vulaka leswaku Yesu i N'wana wa Xikwembu, Xikwembu xi tshama eka yena, na yena u tshama eka Xikwembu.

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Yohane 3:18

La pfumelaka eka yena, a nga avanyisiwi; kambe la nga pfumeriki, wa avanyisiwa, hikuva a nga pfumelangi vito ra N'wana wa Xikwembu la nga tswariwa a ri swakwe.

2 Yohane 1:9

Un'wana ni un'wana la hambukaka la nga tiyiseriki edyondzweni ya Kriste, a nga na Xikwembu; la tiyiselaka edyondzweni ya Kriste, yena u na Tatana ni N'wana.

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

Yohane 19:35

Kutani la nga swi vona, u vurile vumbhoni, kutani vumbhoni bya yena byi tiyile; u tiva leswaku u vula ntiyiso, leswaku mi pfumela.

Yohane 20:28

Tomasi a hlamula, a ku eka yena: “Hosi yanga ni Xikwembu xanga!”

Yohane 10:10

Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Luka 1:4

u ta tiva ku tiya ka timhaka leti u dyondzisiweke tona.

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Marka 16:16

La nga ta pfumela, kutani a khuvuriwa u ta hlayiseka; kambe la nga pfumeriki, u ta avanyisiwa.

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Timhaka 9:20

Kutani Sawulo a hatlisa ku dyondzisa ta Yesu emasinagogeni, a tiyisa leswaku hi yena N'wana wa Xikwembu.

Timhaka 8:36

Va ku va ha famba endleleni, va fika laha mati ingi ma ri kona, kutani ndhuna yi ku: “Vona, mati hi lawa; ku nga sivela yini leswaku ndzi khuvuriwa xana?”

Timhaka 3:16

Hikwalaho ka ku pfumela vito ra yena, hi rona vito ra yena leri tiyiseke munhu loyi mi n'wi vonaka, mi n'wi tivaka; kutani ku pfumela eka Yesu ku n'wi hanyisile swinene emahlweni ka n'wina hinkwenu.

Yohane 1:49

Nataniele a hlamula, a ku eka yena: “Rabi, u N'wana wa Xikwembu, u Hosi ya Israele.”

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

Pisalema 2:7

Ndzi ta twarisa makungu: Yehovha u te eka mina: “U n'wananga; Ndzi ku velekile namuntlha.

Nhlavutelo 2:18

“Tsalela ni ntsumi ya kereke ya Tiyatira, u ku: “ ‘Hi leti vuriwaka hi N'wana wa Xikwembu loyi mahlo ya yena ma fanaka ni langavi ra ndzilo, ni milenge ya yena yi kotisaka koporo leyi vangamaka.

1 Petro 1:9

mi ri karhi mi amukela hakelo ya ku pfumela ka n'wina, ku nga ku hlayiseka ka mimoya ya n'wina.

Matewu 4:3

Kutani muringi a n'wi tshinelela, a ku: “Loko u ri n'wana wa Xikwembu u nge maribye lawa, a ma hundzuke vuswa.”

Luka 1:35

“Moya lowo Kwetsima wu ta xikela eka wena, ni matimba ya La nge henhlahenhla ma ta ku funengeta; hikwalaho, n'wana lowo kwetsima la nga ta velekiwa hi wena, u ta vuriwa N'wana wa Xikwembu.

Timhaka 8:37

Filipi a ku: “Loko u pfumela hi mbilu ya wena hinkwayo, u nga pfumeleriwa.” A hlamula, a ku: “Ndza pfumela leswaku Yesu Kriste i n'wana wa Xikwembu.”