Yohane 19:30 - Xitsonga (Bibele)

³⁰ Kuteloko Yesu a tekile ntsuvi, a ku: “Swi hetisekile.” Kutani a jovota nhloko, a nyiketa moya.

BIBELE Mahungu Lamanene

³⁰ Loko Yesu a kumile ntsuvi lowu, a ku: “Swi hetisekile.” Kutani a korhamisa nhloko, a fa.

Testamente Leyimpsha Xichangana

³⁰ Loko Yesu anwile, akuma lesvaku i ntsuvi, aku: “Svihetisekile.” Kutani akorhamisa nhloko, afa.

Yohane 19:30 Referans Kwoze

Yohane 17:4

“Ndzi ku dzunisile la emisaveni, ndzi hetile ntirho lowu u ndzi nyikeke wona leswaku ndzi wu tirha.

Vafilipiya 2:8

kutani loko a kumiwe a fana ni munhu, a titsongahata, a va a tiendla la yingisaka ku yisa eku feni, ni le ku feni ka xihambano.

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Yohane 10:11

“Hi mina murisi lonene. Murisi lonene u nyiketa tinyimpfu ta yena vutomi bya yena.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Luka 23:46

Kutani Yesu a huwelela hi rito lerikulu, a ku: “Tatana, ndzi nyiketa moya wa mina emavokweni ya wena.” Loko a ri karhi a vula sweswo, a fa.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Varhoma 10:4

Hikuva ku hela ka nawu i Kriste la nyikaka ku lulama eka mani na mani la pfumelaka eka yena.

Yohane 19:28

Endzhaku ka sweswo, Yesu, hi ku tiva leswaku timhaka hinkwato ti hetisekile, a ku: “Ndzi ni torha”; swi ri leswaku Tsalwa ri hetiseka.

Marka 15:37

Kambe Yesu a huwelela hi rito lerikulu, a nyiketa moya.

Yohane 10:18

A ku na munhu la ndzi tekelaka byona, hi mina ndzi byi nyikaka hi ku rhandza ka mina; ndzi ni matimba ya ku byi nyika ni matimba ya ku tlhela ndzi byi teka; ndzi lerisiwile sweswo hi Tatana.”

Yohane 4:34

Yesu a ku eka vona: “Swakudya swa mina i ku endla ku rhandza ka la ndzi rhumeke, ni ku heta ntirho wa yena.

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Matewu 27:50

Kambe Yesu a tlhela a huwelela hi rito lerikulu, a nyiketa moya.

Esaya 53:12

Hikwalaho ndzi ta n'wi nyika ku avela ka yena swin'we ni vakulukumba; u ta avelana rifuwo ni vanhu lava fumaka, hikuva a tinyiketele rifu, kutani u hlayiwa exikarhi ka swidyohi; kambe yena, hi xiviri xa yena, u rhwele nandzu wa vanhu vo tala, u ta khongelela swidyohi.

Pisalema 22:15

Matimba ya mina ma omile tani hi mbita ya vumba, Ririmi ra mina ri namarherile emalakeni ya mina; Kutani u ndzi latile entshurini wa rifu.

Vaheveru 9:22

Kutani hi nawu, swilo leswi hlantswiwaka hi ngati, swi lave ku va swilo hinkwaswo; kambe loko ngati yi nga halatiwanga, a ku na ku rivaleriwa ka swidyoho.

Varhoma 3:25

Xikwembu xi n'wi vekile leswaku yi ta va mhamba ya lava pfumelaka eka ngati ya Yena; xi ta kombisa ku lulama ka xona hilaha xi tshikeke swidyoho swo sungula, emikarhini ya ku honisa ka xona;

Matewu 3:15

Yesu a n'wi hlamula, a ku: “Ndzi pfumelele sweswi, hikuva hi fanele ku heta leswo lulama hinkwaswo.” Kutani Yohane a n'wi pfumelela.

1 Vakorinto 5:7

Susani-ke, comela xa khale eka n'wina, mi ta va mbila leyintshwa, leswi mi nga riki na comela; hikuva Paseka ya hina, a nga Kriste, u tlhaveriwe hina.

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Luka 22:37

Hikuva ndza mi byela leswaku, mhaka leyi tsariweke yi fanele ku hetiseka eka mina, leyi nge: ‘U hlayiwile ni swidyohi.’ Hikuva leswi ndzi bvumbhiweke ha swona, kunene swi ta hetiseka.”