Yohane 19:11 - Xitsonga (Bibele)

¹¹ Yesu a hlamula, a ku: “A wu nga ti va na matimba ehenhla ka mina ni switsongo, loko u nga ma nyikiwanga hi tilo; hikwalaho, la ndzi nyiketeke wena u ni nandzu lowu tlurisaka.”

BIBELE Mahungu Lamanene

¹¹ Yesu a hlamula, a ku: “A wu nga ta va ni matimba ehenhla ka mina ni kutsongo, loko a wu nga nyikiwanga hi Tilo. Hikokwalaho, loyi a nga ndzi nyiketa eka wena, ú ni nandzu lowukulu ngopfu.”

Testamente Leyimpsha Xichangana

¹¹ Yesu ahlamula, aku: “Awungatava ni matimba henhla ka mina nikutsongo, loko awungamanyikiwanga hi le henhla. Hikolaho, lweyi anga ni nyiketa ka wena, aninandzu lowukulu ngopfu.”

Yohane 19:11 Referans Kwoze

Varhoma 13:1

Munhu un'wana ni un'wana a a yingise vuhosi; hikuva a ku na vuhosi lebyi nga humiki eka Xikwembu; kutani tihosi leti nga kona, ti vekiwile hi Xikwembu.

Yohane 3:27

Yohane a hlamula, a ku: “Munhu a nga ka a nga amukeri nchumu loko xi nga ri lexi a xi nyikiweke hi tilo.

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

Daniele 4:17

Ku avanyisa kuloko ku huma emakungwini ya valanguteri mhaka yoleyi yi lerisiwile hi vahlawuriwa, leswaku lava hanyaka va tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku u byi nyika loyi a rhandzaka ku n'wi nyika byona, ni leswaku a nga tlakusela eka byona la hundzisaka hi vutsongo.’

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Yohane 7:30

Kutani va lava ku n'wi khoma; kambe a ku vanga na munhu la tlakuseke voko ehenhla ka yena, hikuva nkarhi wa yena a wu nga si ta.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Matewu 6:13

U nga hi yisi emiringweni, kambe u hi lwela eka lowo biha.’

Yakobo 4:17

Loko swi ri tano, la tivaka ku endla leswo saseka, kambe a nga swi endli, u ni vudyoho. Ku tshinyiwa vafuwi lava nga lulamangiki.

Varhoma 11:36

Hikuva swilo hinkwaswo swi hume eka yena, swi kona eka yena, kambe swi endleriwa yena! Ku kwetsima a ku ve eka yena hilaha ku nga heriki! Amen!

Timhaka 4:28

ku endla hinkwaswo leswi voko ra wena ni makungu ya wena ma swi leriseke eku sunguleni leswaku swi ta humelela.

Matewu 27:2

Kuteloko va n'wi bohile va famba na yena, va ya n'wi nyiketa hosi Pontiyo Pilato.

Pisalema 62:11

Xikwembu xi vulavurile kan'we; Ndzi swi yingisile kambirhi hi leswaku: “Matimba i ya Xikwembu.”

Marka 14:44

Kutani la n'wi xengaka a a va nyikile xikombiso, a ku: “Loyi ndzi nga ta n'wi ntswontswa, hi yena, n'wi khomeni mi famba na yena, swinene.”

Daniele 5:21

A hlongoriwa exikarhi ka vana va vanhu, mbilu ya yena yi endliwa leyi fanaka ni ya swiharhi, a aka ni maduva, a dya byanyi kukotisa tihomu, ni miri wa yena wu tsakamisiwa hi mberha ya tilo ku fikela nkarhi lowu a tiveke ha wona leswaku Xikwembu lexi nge henhlahenhla, hi xona lexi nga ni ku fuma ehenhla ka vuhosi bya vanhu ni leswaku hi xona lexi vekaka loyi xi rhandzaka ku n'wi veka eka byona.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Yohane 18:3

Kutani Yudasi a teka ntlawa, ni malandza lama rhumiweke hi vaprista lavakulu ni Vafarisi, va ta ni mavoningo, ni swisa, ni matlhari.

Yohane 9:41

Yesu a ku eka vona: “Loko ingi mi file mahlo, a mi nga ti va na nandzu; kambe sweswi mi nge: ‘Ha vona,’ hikwalaho xidyoho xa n'wina xi tshama eka n'wina.

Luka 22:53

a ndzi tshama ndzi ri na n'wina etempeleni hi masiku; a mi vekanga mavoko ehenhla ka mina; kambe hi wona nkarhi wa n'wina, ni matimba ya munyama.”

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Swirilo 3:37

I mani la nga ta vula mhaka, kutani yi humelela, Loko yi nga lerisiwanga hi Hosi xana?

Matewu 26:65

Kutani muprista lonkulu a handzula tinguvu ta yena, a ku: “U sandzile Xikwembu; ha ha tilavela yini timbhoni? Vonani, mi yingisile sweswi, ku sandza ka yena. N'wina mi ri yini?”

Pisalema 39:9

Ndzi miyerile, ndzi nga ahlamisi nomu, Hikuva hi wena la tirhaka.

1 TIKRONIKA 29:11

Eka wena Yehovha ku ve vukulu, ni matimba ni ku twala, ni ku kwetsima, ni vuhosi, hikuva hinkwaswo leswi nga etilweni ni le misaveni, swi na wena; eka wena Yehovha, ku ve ku fuma, wena la titlakuseke ku va hosi ehenhla ka swilo hinkwaswo!

Yohane 18:13

Va n'wi yisa eka Anasi eku sunguleni hikuva a a ri mukon'wana wa Kayafasi, muprista lonkulu wa lembe rero.

Yohane 19:10

Pilato a ku eka yena: “Xana a ku vulavuri na mina ha yini-ke? Xana a ku tivi leswaku ndzi ni matimba ya ku ku vamba, ni matimba ya ku ku tshunxa?”