Yohane 18:28 - Xitsonga (Bibele)

²⁸ Kutani va suka eka Kayafasi wa ha ri mixo, va yisa Yesu ehubyeni; kambe vona a va nghenanga ehubyeni, swi ri leswaku va nga tinyamisi, va nga tivi ni ku dya Paseka.

BIBELE Mahungu Lamanene

²⁸ Kutani va suka na Yesu eka Kayafasi, va n'wi yisa endlwini ya vuhosi. A wa ha ri mpundzu swinene; vona hi voxe a va nghenanga ndlwini ya vuhosi, ku endlela leswaku va nga tinyamisi, va ta kota ku dya nkhuvo wa Paseka.

Testamente Leyimpsha Xichangana

²⁸ Kutani vasuka na Yesu ka Kayafasi, vamuyisa ndlwini ya vuhosi. Akahali mpundzu svinene; vona hi voxe avanghenanga ndlwini ya vuhosi, kuyendlela lesvaku vangatinyamisi, vatakota kuja nkhuvu wa Paska.

Yohane 18:28 Referans Kwoze

Yohane 19:9

Kutani a tlhela a nghena ehubyeni, a ku eka Yesu: “U wa kwihi xana?” Kambe Yesu a nga n'wi hlamulanga.

Yohane 18:33

Pilato a tlhela a nghena ehubyeni a vitana Yesu, a ku eka yena: “U hosi ya Vayuda xana?”

Yohane 19:14

A ri ri siku ra ku lunghisa Paseka; nkarhi, wona, a wu lava ku va wa ntlhanu na wun'we. Kutani Pilato a ku eka Vayuda: “Vonani, hosi ya n'wina.”

Matewu 27:27

Kutani masocha ya hosi ma yisa Yesu endlwini ya vuhosi, ma n'wi hlengeletela ntlawa hinkwawo wa wona;

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Yohane 11:55

Paseka ya Vayuda a yi ri ekusuhi, kutani lavo tala va suka etikweni va tlhandlukela eYerusalema, ku ya tibasisa kona, Paseka yi nga si fika.

Timhaka 11:3

“U nghene eka vavanuna lava nga yimbangiki, u va u dya na vona.”

Timhaka 10:28

Kutani a ku eka vona: “Ma swi tiva leswaku Muyuda a nga pfumeleriwi ku hlangana ni wamatiko, hambi ku ri ku nghena ekaya ka yena; kambe Xikwembu xi ndzi kombisile leswaku ndzi nga tshuki ndzi vula munhu, hambi a ri mani na mani, leswaku u ni thyaka, kumbe u nyamile.

Yohane 18:39

Kambe mi ni xitoloveto xa leswaku ndzi mi tshunxela xidyohi hi siku ra Paseka; xana mi ri ndzi mi tshunxela Hosi ya Vayuda xana?”

Mikiya 2:1

Va ni khombo lava anakanyaka ku homboloka, lava tsundzukaka swo biha emasangwini ya vona! Va swi endla eku humeni ka dyambu, hikuva swi le mavokweni ya vona.

Duteronoma 16:2

U ta tlhavela Yehovha, Xikwembu xa wena, Paseka, swi ri swifuwo leswikulu ni leswitsongo, exivandleni lexi Yehovha a nga ta xi hlawula ku akisa vito ra yena kona.

Luka 22:66

Kuteloko byi xile, vakulu va tiko ni vaprista lavakulu ni vatsari, va hlengeletana, va n'wi yisa ehubyeni ya vona,

Marka 15:16

Kutani masocha ma n'wi yisa exivaveni, hileswaku ehubyeni leyikulu, kutani va hlengeleta ntlawa hinkwawo.

Ezekiele 45:21

“Hi n'hweti yo rhanga, hi siku ra khume na mune ra n'hweti, mi ta va ni Paseka, nkhuvo wa masiku ya ntlhanu na mambirhi. Ku ta dyiwa swinkwa swo kala comela.

Swivuriso 4:16

Hikuva a va yi eku etleleni va nga si endla swo biha; Va nga ka va nga kumi vurhongo loko va nga si wisa munhu.

Swivuriso 1:16

Hikuva milenge ya vona yi tsutsumela eku biheni, Va hatlisa ku halata ngati.

Pisalema 35:16

Kun'we ni vasandzi lava hlekisaka emikhubyeni, Va ndzi getselela meno.

Yohane 18:13

Va n'wi yisa eka Anasi eku sunguleni hikuva a a ri mukon'wana wa Kayafasi, muprista lonkulu wa lembe rero.

Yohane 18:15

Kambe Simoni Petro a a landzelela Yesu, a ri ni mudyondzisiwa un'wana; mudyondzisiwa yeloyi a a tiviwa hi muprista lonkulu, kutani a nghena na Yesu exivaveni xa muprista lonkulu;

Yohane 19:11

Yesu a hlamula, a ku: “A wu nga ti va na matimba ehenhla ka mina ni switsongo, loko u nga ma nyikiwanga hi tilo; hikwalaho, la ndzi nyiketeke wena u ni nandzu lowu tlurisaka.”

Timhaka 4:27

Hikuva kunene Heroda na Pontiyo Pilato, ni vamatiko, ni tinxaka ta Israele va hlangene kun'we emutini lowo, ku lwa na Yesu, nandza wa wena la hlawuriweke, loyi u nga n'wi tota,

Timhaka 10:32

Sweswi, rhuma vanhu eYopa va ya vita Simoni la thyiweke Petro; u hambukele endlwini ya Simoni mutlhuvutsi, leyi nga ekusuhi ni lwandle; kutakuloko a tile, hi yena la nga ta vulavula na wena.’