Yohane 17:8 - Xitsonga (Bibele)

⁸ Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

BIBELE Mahungu Lamanene

⁸ hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Testamente Leyimpsha Xichangana

⁸ hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Yohane 17:8 Referans Kwoze

Yohane 17:14

Ndzi va nyikile rito ra wena, kutani misava yi va vengile; hikuva a hi va misava, kukotisa mina ndzi nga riki wa misava.

Yohane 15:15

A ndza ha mi vuli malandza, hikuva nandza a nga tivi leswi hosi ya yena yi swi endlaka; ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tatana.

Yohane 16:30

Sweswi, ha swi tiva leswaku u tiva hinkwaswo, a ku faneri ku vutisiwa nchumu hi munhu; hikwalaho ha pfumela leswaku u huma eka Xikwembu.”

Yohane 16:27

hikuva na yena Tatana wa mi rhandza, hikuva mi ndzi rhandzile, ni ku pfumela leswaku ndzi huma eka Xikwembu.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

Yohane 17:21

swi ri leswaku hinkwavo va va un'we kukotisa leswi wena, Tatana, u nga eka mina, na mina ndzi nga ka wena; na vona va endla un'we na hina, leswaku misava yi ta pfumela leswaku u ndzi rhumile.

Yohane 8:42

Yesu a ku eka vona: “Loko ngi Xikwembu a ri tata wa n'wina, a mi ta ndzi rhandza, hikuva ndzi huma eka Xikwembu, ndzi pfa ka xona; hikuva a ndzi tanga ha mina, kambe hi xona lexi ndzi rhumeke.

Yohane 14:10

Xana a ku pfumeri leswaku ndzi le ka Tatana ni leswaku Tatana u le ka mina? Marito lawa ndzi ma vulaka eka n'wina, a ndzi ma vuri ha swanga; Tatana la tshamaka ka mina, hi yena la tirhaka mitirho leyi ndzi yi tirhaka.

Yohane 12:49

Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Swivuriso 1:3

Ku amukela dyondzo ya ku anakanya swo lulama, Ya ku tivisisa ku lulama ni mfanelo;

1 Vatesalonika 4:1

Loko swi ri tano vamakwerhu, ha mi khongelela ni ku mi khongotela hi Hosi Yesu leswaku, kukota leswi mi dyondzeke eka hina hilaha mi faneleke ku famba hakona, ni ku tsakisa Xikwembu, swi endleni hi ku tlurisisa.

1 Vakorinto 15:1

Kambe vamakwerhu, ndza mi tsundzuxa Evhangeli leyi ndzi tshamaka ndzi mi byela yona, leyi mi yi amukeleke, leyi mi tiyiseleke eka yona,

Yohane 17:23

mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Yohane 17:18

Kukotisa loko u ndzi rhumile emisaveni, na mina ndzi va rhumile emisaveni.

Matewu 13:11

A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

Swivuriso 8:10

Amukelani dyondzo ya mina leyi tlulaka silivhere, Ni vutivi lebyi tlulaka nsuku lowo saseka.

1 Vakorinto 11:23

Hikuva, na mina, ndzi amukerile eka Hosi, leswi ndzi mi byeleke swona; leswaku Hosi Yesu, hi vusiku lebyi a nyiketiweke ha byona, u teke xinkwa;

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Yohane 3:17

Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Swivuriso 4:10

Yingisa, n'wananga, u amukela marito ya mina, Malembe ya ku hanya ka wena ma ta andzisiwa.

Swivuriso 2:1

N'wananga loko u amukela marito ya mina, U va u tihlayisela milawu ya mina,

Duteronoma 18:18

Ndzi ta va pfuxela muprofeta kukotisa wena exikarhi ka vamakwavo, ndzi ta nghenisa marito ya mina enon'wini wa yena, kutani u ta va byela hinkwaswo leswi ndzi nga ta n'wi lerisa swona.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Nhlavutelo 1:1

Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,