Yohane 17:23 - Xitsonga (Bibele)

²³ mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

BIBELE Mahungu Lamanene

²³ Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Testamente Leyimpsha Xichangana

²³ Mina ka vona, na wena ka mina, lesvaku vayendliwa lavahetisekeke, vakondza vava mun'we, kutani vanhu va misava vatativa lesvaku unirhumile, ni lesvaku uvarhandzile kufana ni lesvi unirhandziseke xisvona.

Yohane 17:23 Referans Kwoze

Yohane 17:21

swi ri leswaku hinkwavo va va un'we kukotisa leswi wena, Tatana, u nga eka mina, na mina ndzi nga ka wena; na vona va endla un'we na hina, leswaku misava yi ta pfumela leswaku u ndzi rhumile.

Yohane 16:27

hikuva na yena Tatana wa mi rhandza, hikuva mi ndzi rhandzile, ni ku pfumela leswaku ndzi huma eka Xikwembu.

1 Yohane 3:1

Vonani rirhandzu leronghasi leri Tatana a hi rhandzeke ha rona, loko hi vuriwa vana va Xikwembu! Loko misava yi nga hi tivi, hi leswi yi nga n'wi tivangiki.

Yohane 13:35

Kungakuloko mi rhandzana, hilaha hinkwavo va nga ta tiva leswaku mi vadyondzisiwa va mina.”

1 Yohane 1:3

lexi hi xi voneke, lexi hi xi tweke, hi lexi hi mi byelaka xona, leswaku, na n'wina, mi va ni ku hlangana na hina; kambe ku hlangana ka hina na Tatana ku kona, ni le ka N'wana wa yena, Yesu Kriste.

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

Vakolosa 3:14

Kutani ehenhla ka sweswo hinkwaswo, mi funengela rirhandzu, ku nga ku boha ka ku hetiseka.

Yohane 17:26

Ndzi va tivisile vito ra wena, kutani ndza ha ta va tivisa rona, leswaku rirhandzu leri u ndzi rhandzeke ha rona, ri va eka vona, na mina ndzi va eka vona.”

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Yohane 14:23

Yesu a hlamula a ku eka yena: “Kungakuloko munhu a ndzi rhandza, u ta hlayisa marito ya mina, kutani Tatana u ta n'wi rhandza, kutani hi ta ta eka yena, hi aka eka yena.

Yohane 14:10

Xana a ku pfumeri leswaku ndzi le ka Tatana ni leswaku Tatana u le ka mina? Marito lawa ndzi ma vulaka eka n'wina, a ndzi ma vuri ha swanga; Tatana la tshamaka ka mina, hi yena la tirhaka mitirho leyi ndzi yi tirhaka.

Vakolosa 2:2

timbilu ta vona ti ta chaveleriwa loko va ri karhi va hlanganisiwa swin'we hi rirhandzu, va nyikiwa ku twisisa loku hetisekeke va ta tiva xihundla xa Xikwembu Tatana ni xa Kriste,

Vafilipiya 3:15

Hikwalaho, hina lava hetisekeke, a hi anakanyeni sweswo; kutani loko mi ri ni ku anakanya kun'wana emhakeni yin'wana, Xikwembu xi ta mi pfuletela na yona.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Yohane 6:56

La dyaka nyama yanga, ni la nwaka ngati ya mina, u tshama eka mina, na mina eka yena.

Yohane 3:17

Hikuva Xikwembu a xi rhumanga N'wana wa xona emisaveni ku ta avanyisa misava, kambe hileswaku misava yi ponisiwa ha yena.

1 Yohane 4:19

Loko hi ri hina ha xi rhandza, hikuva hi xona xi rhangeke xi hi rhandza.

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Yohane 10:38

Kambe loko ndzi yi tirha, hambi mi nga pfumeri eka mina, pfumelani mitirho leyi, leswaku mi tiva, mi va mi pfumela leswaku Tatana u le ka mina, na mina ndzi le ka yena.”

Yohane 15:9

“Kukotisa leswi Tatana a ndzi rhandzeke, na mina ndzi mi rhandzile; tshamani erirhandzwini ra mina.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 17:8

Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

Yohane 17:11

A ndza ha ri la emisaveni, kambe vona va ha ri emisaveni; kutani mina ndzi ya eka wena. Tatana la kwetsimeke, hlayisa lava u ndzi nyikeke vona evitweni ra wena, va ta endla un'we kukotisa hina.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.