Yohane 17:1 - Xitsonga (Bibele)

¹ Kuteloko Yesu u vurile timhaka leti, a tlakusela mahlo ya yena ehenhla, a ku: “Tatana, nkarhi wu tile, dzunisa N'wana wa wena, leswaku N'wana wa wena a ku dzunisa na yena;

BIBELE Mahungu Lamanene

¹ Yesu ú vurile timhaka leti. Kutani a tlakusa mahlo, a languta etilweni, a ku: “Tatana, nkarhi wu fikile; dzunisa N'wana wa wena, leswaku N'wana a ku dzunisa.

Testamente Leyimpsha Xichangana

¹ Yesu avulile timhaka leti. Kutani atlakusa mahlo, alanguta tilweni, aku: “Tatana, nkarhi wufikile; dzunisa N'wana wa wena, lesvaku N'wana akudzunisa.

Yohane 17:1 Referans Kwoze

Yohane 12:23

Yesu a va hlamula, a ku: “Nkarhi wu tile lowu N'wana wa Munhu a nga ta dzunisiwa ha wona.

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Yohane 7:39

Hi rito lero, a a ringanisa Moya lowu lava pfumelaka eka yena va nga ta wu nyikiwa; hikuva Moya a wu nga si va kona, hikuva Yesu a a nga si dzunisiwa.

1 Petro 1:21

lava pfumeleke ha yena eka Xikwembu, lexi n'wi pfuxeke eku feni, xi va xi n'wi nyika ku kwetsima, leswaku ku pfumela ka n'wina ni ku tshemba ka n'wina ku va ka Xikwembu.

Yohane 11:4

Kuteloko Yesu a swi twile, a ku: “Ku vabya loku, a ku yisi eku feni, kambe ku yisa eku dzuniseni ka Xikwembu, leswaku N'wana wa Xikwembu a dzunisiwa hakona.”

Marka 14:41

Kutani a ta ra vunharhu, a ku eka vona: “Etlelani sweswi, mi wisa! Swi ringene! Nkarhi wu fikile. Vonani, N'wana wa Munhu u ta nyiketiwa emavokweni ya swidyohi.

Pisalema 123:1

Ndzi tlakusile mahlo ya mina ka wena La fumaka ematilweni!

Yohane 11:41

Kavaloko va susa ribye, laha mufi ingi a vekiwile kona; kutani Yesu a tlakusela mahlo ehenhla, a ku: “Tatana, ndza ku khensa hikuva u ndzi yingisile.

Yohane 8:20

Yesu a vula marito lawa, evuhlayiselweni bya mali, a ri karhi a dyondzisa etempeleni; kambe a ku vanga na munhu la n'wi khomaka, hikuva nkarhi wa yena a wu nga si fika.

Yohane 7:30

Kutani va lava ku n'wi khoma; kambe a ku vanga na munhu la tlakuseke voko ehenhla ka yena, hikuva nkarhi wa yena a wu nga si ta.

Yohane 16:32

Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Luka 22:53

a ndzi tshama ndzi ri na n'wina etempeleni hi masiku; a mi vekanga mavoko ehenhla ka mina; kambe hi wona nkarhi wa n'wina, ni matimba ya munyama.”

Luka 18:13

Kambe muluvisi a a yime ekule, a chava ni ku tlakusela mahlo ya yena etilweni; kambe a tiba xifuva, a ku: ‘Xikwembu, ndzi twele vusiwana, mina ndzi nga mudyohi.’

Esaya 38:14

A ndzi rila kukotisa mbewulana loko yi haha; a ndzi rila kukotisa tuva; mahlo ya mina a ma karhala hi ku languta ehenhla: Oho Yehovha! Ndzi le ku vavisekeni, wa nga ndzi sirheleta!”