Yohane 15:8 - Xitsonga (Bibele)

⁸ Laha Tatana a dzunisiwaka hakona, hi loko mi veka mihandzu ya ku tala, hilaha mi nga ta va vadyondzisiwa va mina.

BIBELE Mahungu Lamanene

⁸ Tata wa mina ú dzunisiwa hi loko mi veka mihandzu leyo tala, ku kombisa leswaku mi vadyondzisiwa va mina va xiviri.

Testamente Leyimpsha Xichangana

⁸ Tatana wa mina adzunisiwa hi loko miveka mihandzu leyotala, kukombisa lesvaku mivajondzisiwa va mina va ntiyiso.

Yohane 15:8 Referans Kwoze

Yohane 8:31

Kutani Yesu a ku eka Vayuda lava pfumeleke eka yena: “Kungakuloko mi tiyisela eritweni ra mina, mi ta va vadyondzisiwa va mina kunene;

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

Yohane 15:5

Hi mina nsinya wa vhinya; n'wina mi marhavi. La tshamaka eka mina, na mina loko ndzi tshama eka yena, u veka ngopfu; hikuva ehandle ka mina a mi swi koti ku tirha nchumu.

1 Petro 4:11

Loko un'wana a vulavula, a a landze marito ya Xikwembu; loko un'wana a tirha ekerekeni, a a tirhe hi matimba lawa Xikwembu xi n'wi nyikaka, leswaku Xikwembu xi dzunisiwa eka hinkwaswo ha Yesu Kriste, loyi a nga ni ku kwetsima ni matimba, hilaha ku nga heriki. Amen!

Yohane 13:35

Kungakuloko mi rhandzana, hilaha hinkwavo va nga ta tiva leswaku mi vadyondzisiwa va mina.”

Esaya 60:21

Ku ta kumiwa lavo lulama ntsena etikweni ra wena, va ta fuma tiko hi masiku; i hluke leri ndzi ri byaleke, i ntirho wa mavoko ya mina, leswaku wu ta ndzi twarisa.

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

1 Vakorinto 6:20

ni leswaku a mi tifumi? Hikuva mi kutsuriwile hi nxavo lowo nonon'hwa; dzunisani Xikwembu hakona emirini wa n'wina, ni le moyeni wa n'wina leswi nga swa Xikwembu.

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Hagayi 1:8

Tlhandlukelani entshaveni, mi neha timhandze, mi aka yindlu, kutani ndzi ta yi tsakela, ndzi va ndzi yi twarisa, ku vula Yehovha.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Tito 2:10

va nga yivi nchumu, kambe va endla hinkwaswo hi ku dzuneka lokunene va ta dzunisa etimhakeni hinkwato, dyondzo ya Xikwembu, Mukutsuri wa hina.

Tito 2:5

va ve ni ku titsongahata, ni ku tenga, ni ku titshamela emakaya ka vona; va ve lavanene, lava yingisaka vanuna va vona, leswaku rito ra Xikwembu ri nga tshuki ri sandziwa.

Matewu 5:44

Kambe mina ndzi ri eka n'wina: Rhandzani lava nga valala eka n'wina; mi katekisa lava mi rhukanaka; lava mi vengaka mi va endla swinene; mi khongelela lava mi xanisaka;

Matewu 9:8

Vunyingi loko byi vona sweswo, va hlamala, va chava, va dzunisa Xikwembu, hikuva xi nyike vanhu matimba layonghasi.