Yohane 15:4 - Xitsonga (Bibele)

⁴ Tshamani eka mina, na mina eka n'wina. Kukotisa leswi rhavi ri nga velekiki ri ri roxe loko ri nga namarheli ensinyeni, swi tano na n'wina loko mi nga ndzi namarheli.

BIBELE Mahungu Lamanene

⁴ Tshamani eka mina, kukotisa leswi na mina ndzi tshamaka eka n'wina. Tanihi leswi rhavi ri nga kotiki ku veka ha roxe loko ri nga namarheli nsinya, na n'wina mi nge swi koti loko mi nga ndzi namarheli.

Testamente Leyimpsha Xichangana

⁴ Tshamani ka mina, kukotisa lesvi na mina nitshamaka ka n'wina. Tani hi lesvi rhavi ringakotiki kuveka ha roxe loko ringanamarhelanga ka nsinya, na n'wina mingesvikoti loko minganinamarhelanga.

Yohane 15:4 Referans Kwoze

1 Yohane 2:6

La vulaka leswaku u tshame eka yena, u fanele ku famba hi mukhuva lowu na yena a fambeke ha wona.

Vagalatiya 2:20

Ndzi vambiwile na Kriste, kutani ndzi hanya, ndzi nga ri mina, kambe i Kriste la hanyaka eka mina, kutani sweswi, loko ndza ha hanya enyameni, ndzi hanya eku pfumeleni ka N'wana wa Xikwembu, la ndzi rhandzeke, a vuya a tinyiketela mina.

Yohane 8:31

Kutani Yesu a ku eka Vayuda lava pfumeleke eka yena: “Kungakuloko mi tiyisela eritweni ra mina, mi ta va vadyondzisiwa va mina kunene;

2 Yohane 1:9

Un'wana ni un'wana la hambukaka la nga tiyiseriki edyondzweni ya Kriste, a nga na Xikwembu; la tiyiselaka edyondzweni ya Kriste, yena u na Tatana ni N'wana.

Yohane 6:56

La dyaka nyama yanga, ni la nwaka ngati ya mina, u tshama eka mina, na mina eka yena.

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

Yohane 14:20

Hi siku lero, mi ta tiva leswaku ndzi le ka Tatana, na n'wina mi le ka mina, na mina ndzi le ka n'wina.

Luka 8:15

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

2 Vakorinto 13:5

Tianakanyeni mi ri n'wina, mi ta vona loko mi ri eku pfumeleni; tikambeleni mi ri n'wina, a mi swi anakanyi leswaku Yesu Kriste u le ka n'wina xana? Loko swi nga ri leswaku kumbexana mi ri lava nga tiki amukeriwaka.

Vakolosa 2:6

Kutani sweswi, kukota leswi mi amukeleke Hosi Yesu Kriste, fambisani xisweswo eka yena;

Vakolosa 1:27

valavo Xikwembu xi rhandzeke ku va tivisa rifuwo ra ku kwetsima ka xihundla xolexo exikarhi ka vamatiko; xi nga leswaku Kriste u le ka n'wina, yena ku nga ku tshemba ka ku kwetsima.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Yohane 17:23

mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Hosiya 14:8

Wena, Efrayimi, ndzi ni mhaka yihi ni swifaniso? Hi mina ndzi n'wi hlamulaka, ndzi n'wi langutelaka; mina ndzi kotisaka murhi wa kipresi lowu tsakamaka; mihandzu leyi kumiwaka eka wena yi huma eka mina.

Vaefesa 3:17

ni leswaku Kriste a aka etimbilwini ta n'wina hi ku pfumela,

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

1 Vatesalonika 3:5

Ndzi ri, hikwalaho ka ku hluriwa hi ku navela, ndzi rhumile Timotiya, a ta tiva timhaka ta ku pfumela ka n'wina; hi ku chava leswaku kumbe muringi u mi ringile, kutani mitirho ya hina yi hundzuke swahava.

Risimu ra Tinsimu 8:5

I mani loyi a tlhandlukaka, a pfa emananga, A tiseketele eka murhandziwa wa yena? Ndzi ku pfuxile u ri ehansi ka mirhi ya maapula, Laha u velekiweke kona hi mana wa wena, U twile ku vaviseka kona loyi a ku velekeke.

Vaheveru 10:39

Loko hi ri hina, a hi vanhu va ku tlhelela ku ya eku lahlekeni, kambe hi va ku pfumela, leswaku mimoya ya hina yi hanyisiwa.

Matewu 12:33

Kumbe vulani leswaku murhi wunene, na vona vana va wona vanene; kumbe vulani leswaku murhi wu bihile, ni mihandzu ya wona yi bihile, hikuva murhi wu tiviwa hi vana va wona.