Yohane 15:11 - Xitsonga (Bibele)

¹¹ Ndzi mi byerile timhaka leti leswaku ku tsaka ka mina ku tshama eka n'wina, ni leswaku ku tsaka ka n'wina ku hetiseka.

BIBELE Mahungu Lamanene

¹¹ “Ndzi mi byerile timhaka leti, leswaku ku tsaka ka mina ku va eka n'wina, ni leswaku ku tsaka ka n'wina ku va loku hetisekeke.

Testamente Leyimpsha Xichangana

¹¹ “Nimibzelile timhaka leti, lesvaku kutsaka ka mina kuva ka n'wina ni lesvaku kutsaka ka n'wina kuva loku kuhetisekeke.

Yohane 15:11 Referans Kwoze

Varhoma 15:13

Xikwembu xa ku tshembeka a xi mi tate hi ku tsaka hinkwako, ni ku rhula hinkwako eku pfumeleni, leswaku mi tala hi ku langutela, hi matimba ya Moya lowo Kwetsima.

Yohane 17:13

Kutani sweswi, ndzi ya eka wena, kambe ndzi vulavula timhaka leti, ndza ha ri emisaveni, leswaku ku tsaka ka mina loku hetisekeke ku va eka vona hi xiviri.

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku hetiseka.

1 Yohane 1:4

Kutani hi mi tsalela timhaka leti, leswaku ku tsaka ka n'wina ku hetiseka.

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

2 Yohane 1:12

Ndza ha ri ni timhaka leto tala, kambe a ndzi rhandzi ku mi tsalela tona hi papila ni inki, hikuva ndzi tshembile ku mi endzela, ni ku vulavula na n'wina hi nomu, leswaku ku tsaka ka hina ku hetiseka.

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

2 Vakorinto 1:24

Na sweswi, swi nga ri leswaku hi ni ku fuma ehenhla ka ku pfumela ka n'wina, kambe hi mi tirhela leswi mi tsakisaka, hikuva kunene mi yime swinene hi ku pfumela.

1 Vatesalonika 5:16

Tsakani hi masiku.

Luka 15:32

kambe a hi fanele ku tsaka ni ku tlangela, hikuva makwenu loyi a a file, kambe u hanyile; a a lahlekile, kambe u kumiwile.’ ”

Luka 15:9

Kuteloko a yi kumile, a vita varikwavo, ni lava akeke na yena, a ku eka vona: ‘A hi tsakeni swin'we, hikuva ndzi kumile cheleni ya mina, yi ngi yi lahlekile.’

Vafilipiya 1:25

Kambe ndza swi tivisisa swinene leswaku ndzi ta va kona, ndzi tshama masiku na n'wina hinkwenu mi va mi kula, mi ri ni ku tsaka eku pfumeleni,

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

Luka 15:5

Kuteloko a yi kumile, a yi teka, a yi rhwala emakatleni, a tsakile.

Luka 15:23

Tisani rhole leri noneke, mi ri tlhava, hi dya, hi tsaka;

Yeremiya 32:41

Ndzi ta titsakela ku va endla swinene, ndzi va simeka etikweni leri hi kunene, hi mbilu ya mina hinkwayo, ni moya wa mina hinkwawo.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Yeremiya 33:9

Muti lowu eka mina, wu ta va vito ro tsaka, ni tinsimu, ni ku kwetsima emahlweni ka matiko hinkwawo ya misava, lama nga ta twa vunene hinkwabyo lebyi ndzi nga ta va endlela byona; va ta chava, va rhurhumela hikwalaho ka vunene hinkwabyo ni ku tsaka hinkwako leswi ndzi nga ta va endlela swona.

Esaya 62:4

U nga ka u nga ha vuriwi la tshikiweke va nga ka va nga ha vuri tiko ra wena swirilo kambe u ta vuriwa: Ndzi titsakele ha yena, ni tiko ra wena Mutekiwa; hikuva Yehovha u ta titsakela ha wena, ni tiko ra wena ri ta va ni nuna.