Yohane 14:28 - Xitsonga (Bibele)

²⁸ “Mi swi twile loko ndzi te eka n'wina: ‘Ndza famba, kambe ndzi ta vuya eka n'wina.’ Loko ngi ma ndzi rhandza, ingi mi tsakile loko ndzi ya eka Tatana, hikuva Tatana i nkulukumba eka mina.

BIBELE Mahungu Lamanene

²⁸ Mi ndzi twile loko ndzi te eka n'wina: ‘Ndza famba, kutani ndzi ta tlhela ndzi vuya ndzi va na n'wina.’ Loko onge mi ndzi rhandzile, ingi mi tsakile hi leswi ndzi yaka eka Tatana, hikuva Tatana i nkulukumba ku tlula mina.

Testamente Leyimpsha Xichangana

²⁸ Minitwile loko nite ka n'wina: ‘Nafamba, kutani nitatlhela nivuya niva na n'wina.’ Loko onge minirhandzile, ingi mitsakile hi lesvi niyaka ka Tatana, hikuva Tatana i nkulu kutlula mina.

Yohane 14:28 Referans Kwoze

Yohane 14:18

Ndzi nga ka ndzi nga mi siyi mi ri swisiwana, ndzi ta ta eka n'wina.

Yohane 20:21

Yesu a engeta a ku eka vona: “Ku rhula a ku ve na n'wina! Kukotisa leswi Tatana a ndzi rhumeke, na mina ndzi mi rhumisa sweswo.”

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Yohane 13:16

“Ndzi vurisile ndzi ri eka n'wina: Nandza a hi nkulu eka hosi ya yena ni murhumiwa a hi nkulu eka la n'wi rhumeke.

1 Petro 1:8

loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

1 Vakorinto 11:3

Kambe ndzi rhandza loko mi swi tiva leswaku nhloko ya wanuna un'wana ni un'wana i Kriste; kutani nhloko ya wansati i nuna, kutani nhloko ya Kriste, i Xikwembu.

Yohane 16:7

Hambiswiritano, ndza mi byela leswi tiyeke, ndzi ri: Swi sasekile eka n'wina loko ndzi famba; hikuva loko ndzi nga fambi, Muchaveleri a nga ka a nga ti eka n'wina; kambe loko ndzi famba, ndzi ta n'wi rhuma eka n'wina.

Yohane 14:12

“Ndzi vurisile ndzi ri eka n'wina: La pfumelaka ka mina, mitirho leyi ndzi yi endlaka u ta yi endla na yena, u ta endla ni leyi tlulaka leyi, hikuva ndzi ya ka Tatana.

Yohane 10:38

Kambe loko ndzi yi tirha, hambi mi nga pfumeri eka mina, pfumelani mitirho leyi, leswaku mi tiva, mi va mi pfumela leswaku Tatana u le ka mina, na mina ndzi le ka yena.”

Yohane 5:18

Hikwalaho Vayuda va rhandza ku tlurisa ku n'wi dlaya, hikuva a a nga tluri nawu wa Savata ntsena, kambe hi leswi a nga te: Xikwembu i tata wa yena hi xiviri, a tiringanisa ni Xikwembu.

Matewu 12:18

“Vonani nandza wa mina loyi ndzi tihlawuleleke yena, murhandziwa wa mina, yeloyi moya wa mina wu n'wi tsakelaka. Ndzi ta veka moya wa mina ehenhla ka yena, kutani u ta byela matiko leswaku ku avanyisa ku kona;

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Pisalema 68:18

U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

Pisalema 68:9

Oho Xikwembu! U nisile mpfula ya ku kateka ehenhla ka ndzhaka ya wena, Ni loko yi karhele, u yi hile matimba.

Yohane 7:33

Kutani Yesu a ku eka vona: “Ndza ha ri na n'wina nkarhinyana, kutani ndzi ya eka la ndzi rhumeke.