Yohane 12:38 - Xitsonga (Bibele)

³⁸ leswaku ku ta endlakala ku vulavula ka muprofeta Esaya loko a te: “Hosi, i mani la pfumeleke eku dyondziseni ka hina? Voko ra Hosi ri vonakele eka mani xana?”

BIBELE Mahungu Lamanene

³⁸ swi ri leswaku rito leri muprofeta Esaya a tshamaka a ri vula ri hetiseka, leri nge: “We Hosi, i mani la kholweke leswi hi byeriweke swona xana? Xana ú kona loyi a voneke matimba ya Hosi emhakeni leyi, xana?”

Testamente Leyimpsha Xichangana

³⁸ svili lesvaku rito leri muprofeta Ezaya atshamaka arivula rihetiseka, leringe: “We Hosi, i mani lweyi akholweke lesvi hibzeliweke svona xana? Xana akona lweyi avoneke matimba ya Hosi mhakeni leyi, ke?”

Yohane 12:38 Referans Kwoze

Esaya 53:1

Ku pfumerile mani lexi hi nga byerisa xona, kutani voko ra Yehovha ri kombisiwe eka mani?

Varhoma 10:16

Kambe a hi hinkwavo lava yingiseke Evhangeli, hikuva Esaya u te: “Hosi, i mani la pfumeleke ku dyondzisa ka hina?”

Varhoma 10:20

Kutani Esaya a tiyisa ngopfu, a ku: “Ndzi kumiwile hi lava va nga ndzi lavangiki; ndzi tikombisile eka lava ingi ndzi nga vutisiwi hi vona.”

1 Vakorinto 1:24

kambe eka lava vitaniweke, hambi va ri Vayuda, hambi va ri Vagriki, Kriste i matimba ya Xikwembu, ni vutlhari bya Xikwembu;

Vagalatiya 1:16

ku ndzi pfuletela N'wana wa xona leswaku ndzi ya n'wi vula exikarhi ka vamatiko; a ndzi vutisanga nyama ni loko yi ri ngati;

Matewu 16:17

Yesu a hlamula, a ku eka yena: “U katekile, Simoni n'wana Yona, hikuva a hi nyama ni ngati leswi ku pfuleteleke sweswo, kambe i Tatana wa le tilweni.

Pisalema 44:3

Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

2 TIKRONIKA 32:20

Kambe hosi Hezekiya a khongela emhakeni leyi a ri na Esaya, n'wana Amotsi, muprofeta, va huwelela eka tilo.

Yohane 19:24

Kutani va byelana, va ku: “Hi nga ka hi nga wu handzuri, kambe a hi wu hlahluveni hi nhlolo hi ta tiva leswaku wu ta va wa mani.” A swi ri leswaku ku hetiseka Tsalwa leri nga te: “Va avelane tinguvu ta mina, va ti hlahluve hi nhlolo.” Tinhenha ti endlisa sweswo.

Yohane 17:12

Loko ndza ha ri na vona emisaveni, a ndzi va hlayisa evitweni ra wena. Ndzi hlayisile lava u ndzi nyikeke vona, kutani a ku na un'we la loveke, loko a nga ri n'wana wa ku lova, leswaku Matsalwa ma endleka.

Yohane 15:25

Kambe swi ri leswaku rito leri nga tsariwa enawini wa vona ri endleka, leri nge: ‘Va ndzi vengile ntsena.’

Matewu 15:7

Vakanganyisi, Esaya u mi bvumbhele swinene loko a te:

Esaya 51:9

Pfuka, pfuka! Ambala matimba ya wena, voko ra Yehovha! Pfuka kukota khale, kukota malembe ya madzana ya khalekhale! Xana a hi wena la nga herisa Rahava (Egipta), la tlhaveke dragona?

Esaya 51:5

Ku lulama ka mina ku kusuhi, ku ponisa ka mina ku ta humelela, kutani voko ra mina ri ta avanyisa matiko; swihlale swi ta ndzi tshemba, swi ta tshemba voko ra mina.

Matewu 27:35

Kuteloko va n'wi vambile va pambulelana tinguvu ta yena, va ti hlahluva hi vuhlolotwana, leswaku ku endlakala lexi nga vuriwa hi muprofeta la nga te: “Va avelane mikhancu ya mina, ni nguvu ya mina, va yi hlahluva hi vuhlolotwana.”

Yohane 12:37

Kutani, hambi a endlile masingita layonghasi emahlweni ka vona, a va pfumelanga eka yena;

Yohane 12:39

Hikwalaho va tsandzeka ku pfumela, hikuva Esaya u engetile, a ku: