Yohane 12:36 - Xitsonga (Bibele)

³⁶ Loko ma ha ri ni ku vonakala, pfumelani ku vonakala, mi ta hundzuka vana va ku vonakala.” Yesu a vula timhaka teto, kutani a suka eka vona a ya tumbela.

BIBELE Mahungu Lamanene

³⁶ Loko ma ha ri ni ku vonakala, pfumelani eka ku vonakala, leswaku mi hundzuka vanhu va ku vonakala.” Loko Yesu a vurile sweswo, a suka a ya tifihla kule na vona.

Testamente Leyimpsha Xichangana

³⁶ Loko mahali ni kuvonakala, pfumelani ka kuvonakala, lesvaku muhundzuka vana vakuvonakala.” Loko Yesu avulile svosvo, asuka ayatumbela kule na vona.

Yohane 12:36 Referans Kwoze

Vaefesa 5:8

Hikuva khale a mi ri vamunyama kambe sweswi, mi va ku vonakala eHosini;

1 Vatesalonika 5:5

Hinkwenu mi vana va ku vonakala, mi vana va nhlekanhi; a mi va vusiku, hambi va munyama.

Yohane 8:59

Kutani va rhola maribye ku n'wi hoxetela, kambe Yesu a tumbela, kutani a huma etempeleni.

Luka 16:8

Kutani n'wini wa yena a dzunisa mulanguteri lowo biha, hikuva a a endlile hi vutlhari. Hikuva vana va misava leyi, va tlurisa vana va ku vonakala hi vutlhari erixakeni ra vona.

Yohane 11:54

Hikwalaho, Yesu a nga ha tshamanga a famba erivaleni, exikarhi ka Vayuda; kambe a suka kwalaho, a ya etikweni leri nga ekusuhi ni mananga emutini lowu vuriwaka Efrayimi, a ya tshama kona ni vadyondzisiwa va yena.

Yohane 1:7

A a tile ku va mbhoni, leswaku a vula timhaka ta ku vonakala leswaku hinkwavo va pfumela ha yena.

Esaya 60:1

“Suka u yima, u va u kwetsima, hikuva ku vonakala ka wena ku xile, kutani ku twala ka Yehovha ku humelele eka wena!

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

Yohane 3:21

Kambe la endlaka swinene, wa ta eku vonakaleni, mitirho ya yena yi ta vonaka leswaku yi endleriwa Xikwembu.

Matewu 21:17

Kutani a va sukela, a huma emutini ku ya Betaniya, a ya etlela kona.

Matewu 5:14

“Mi ku vonakala ka misava; muti lowu nga ehenhla ka ntshava a wu tumberi.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Yohane 12:37

Kutani, hambi a endlile masingita layonghasi emahlweni ka vona, a va pfumelanga eka yena;

Yohane 12:46

Mina, ndzi nga ku vonakala, ndzi tile emisaveni leswaku un'wana ni un'wana la pfumelaka eka mina, a nga tshuki a tshama emunyameni.