Yohane 12:35 - Xitsonga (Bibele)

³⁵ Kutani Yesu a ku eka vona: “Ma ha ri ni ku vonakala hi nkarhi wu nga ri wungani; Fambani loko ma ha ri ni ku vonakala, leswaku munyama wu nga ti mi kuma; hikuva la fambaka emunyameni, a nga tivi laha a yaka kona.

BIBELE Mahungu Lamanene

³⁵ Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Testamente Leyimpsha Xichangana

³⁵ Yesu aku ka vona: “Kuvonakala kahatava kona nkarhinyana na n'wina; fambani loko mahali ni kuvonakala, lesvaku munyama wutakala wungamikumi; kasi lweyi afambaka munyameni angativi laha ayaka kona.

Yohane 12:35 Referans Kwoze

Yohane 12:46

Mina, ndzi nga ku vonakala, ndzi tile emisaveni leswaku un'wana ni un'wana la pfumelaka eka mina, a nga tshuki a tshama emunyameni.

Yohane 16:16

“Ku nga ri kungani, a mi nga ha ndzi voni; kambe ku nga ri kungani, mi ta tlhela mi ndzi vona hikuva ndzi ya eka Tatana.”

Vaefesa 5:8

Hikuva khale a mi ri vamunyama kambe sweswi, mi va ku vonakala eHosini;

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Yohane 11:10

kambe loko munhu a famba nivusiku, a nga khunguvanyeka, hikuva a ku na ku vonakala eka yena.”

Yohane 12:36

Loko ma ha ri ni ku vonakala, pfumelani ku vonakala, mi ta hundzuka vana va ku vonakala.” Yesu a vula timhaka teto, kutani a suka eka vona a ya tumbela.

Yohane 7:33

Kutani Yesu a ku eka vona: “Ndza ha ri na n'wina nkarhinyana, kutani ndzi ya eka la ndzi rhumeke.

Esaya 2:5

Yindlu ya Yakobo, tanani hi famba eku vonakaleni ka Yehovha!

2 Vakorinto 3:14

Kambe ku anakanya ka vona ku nonon'hwisiwile; hikuva ku fika sweswi, loko va hlaya timhaka ta ntwanano wa khale, xisirhelelo lexo xa ha tshamile, a xi nga suki, hikuva xi ngo susiwa hi Kriste ntsena.

Swivuriso 4:19

Kambe ndlela ya vadyohi yi kotisa munyama, A va tivi laha va welaka kona.

Yeremiya 23:12

Hikwalaho ndlela ya vona, eka vona yi ta kotisa xivandla xo rhetemuka, swa munyama; va ta susumetiwa, va wela kona, hikuva ndzi ta va humesela makhombo siku ndzi va holovelaka; ku vula Yehovha.

Yohane 11:9

Yesu a hlamula, a ku: “Xana mikarhi ya siku rin'we a hi khume na mambirhi xana? Loko munhu a famba ninhlekanhi, a nga ka a nga khunguvanyeki, hikuva u vona ku vonakala ka misava leyi;

Vagalatiya 6:10

Hikwalaho, loko ha ha ri ni nkarhi, a hi endleleni hinkwavo leswinene, kambe ngopfungopfu va yindlu ya ku pfumela.

Luka 18:37

Va n'wi byela, va ku: “Yesu wa Nazareta la hundzaka.”