Yohane 12:32 - Xitsonga (Bibele)

³² Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

BIBELE Mahungu Lamanene

³² Kambe mina, loko ndzi ta va ndzi tlakuriwile ndzi suka emisaveni, ndzi ta kokela vanhu hinkwavo eka mina.”

Testamente Leyimpsha Xichangana

³² Kambe mina, loko nitava nitlakuliwile nisuka misaveni, nitakokela vanhu hinkwavu ka mina.”

Yohane 12:32 Referans Kwoze

Yohane 8:28

Yesu a ku eka vona: “Kutakuloko mi tlakusile N'wana wa Munhu, hi kona mi nga ta tiva leswaku ndzi mani, ni leswaku a ndzi endli nchumu ndzi ri swanga, kambe ndzi vulavula timhaka teto hilaha Tatana a ndzi dyondziseke hakona.

Yohane 3:14

Kukotisa Muxe loko a hayekile nyoka emananga, N'wana wa Munhu u fanekele ku hayekisiwa sweswo;

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Yohane 6:44

A ku na munhu la nga taka eka mina, loko a nga kokiwi hi Tatana la ndzi rhumeke, kutani mina ndzi ta n'wi pfuxa hi siku ra makumu.

1 Yohane 2:2

Kutani hi yena, hi xiviri xa yena, a nga mhamba ya swidyoho swa hina; swi nga ri swa hina ntsena, kambe ni swa vanhu hinkwavo.

1 Timotiya 2:6

la tinyiketeke ku kutsula hinkwavo; hi byona vumbhoni lebyi vekiweke hi nkarhi lowu fanekeleke,

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Yohane 1:7

A a tile ku va mbhoni, leswaku a vula timhaka ta ku vonakala leswaku hinkwavo va pfumela ha yena.

Hosiya 11:4

A ndzi va koka hi mapindza ya vanhu, hi swiboho swa rirhandzu. Ndzi ri tanihi loyi a tshunxaka joko etinhlayeni ta vona, a ndzi ri karhi ndzi va tshinelela hi musa ku va phamela.

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Yohane 19:17

Kutani Yesu a huma a rhwele xihambano xa yena, a ya exivandleni lexi va nge i Ripala; hi Xiheveru va te i Gologota.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Yohane 12:34

Vunyingi byi n'wi hlamula, byi ku: “Hi twile enawini leswaku Kriste u ta va kona hilaha ku nga heriki; kutani wena u vurisa ku yini, loko u ku: Ku fanele leswaku N'wana wa Munhu a tlakusiwa? N'wana wa Munhu loyi, i mani xana?”

Risimu ra Tinsimu 1:4

Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

2 SAMIELE 18:9

Abixalomu a hlangana ni malandza ya Davhida, kambe Abixalomu a a khandziyile mula, kutani mula yi nghena emarhavini lama hlanganeke ngopfu ya nkuhlu lowukulu, kutani nhloko ya Abixalomu yi phasiwa enkuhlwini, a sala a hayekiwa exikarhi ka tilo ni misava, yona mula leyi ngi yi ri hansi ka yena, yi hundzela emahlweni.

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Yohane 18:32

Swi ri leswaku rito leri nga vuriwa hi Yesu ri hetiseka, leri a nga ri vula loko a fanisa rifu leri a nga ta fanela ku fa ha rona.

Tinhlayo 21:9

Kutani Muxe a endla nyoka ya koporo a yi hayeka emhandzeni kutani kuteloko munhu a lumiwile hi nyoka, a a languta nyoka ya koporo, a hanya.