Yohane 11:25 - Xitsonga (Bibele)

²⁵ Yesu a ku eka yena: “Hi mina ku pfuka ni vutomi; la pfumelaka eka mina, hambi a file, u ta hanya.

BIBELE Mahungu Lamanene

²⁵ Yesu a ku ka yena: “Hi mina ku pfuka ni vutomi; la pfumelaka ka mina, hambi a nga fa, ú ta hanya,

Testamente Leyimpsha Xichangana

²⁵ Yesu aku ka yena: “Hi mina kupfuka ni vutomi; lweyi apfumelaka ka mina, hambi angafa, atahanya,

Yohane 11:25 Referans Kwoze

1 Vatesalonika 4:14

Hikuva loko hi pfumela leswaku Yesu a file a tlhela a pfuka, na kona, hi fanele ku pfumela leswaku lava etleleke, Xikwembu xi ta va pfuxa ha Yesu, xi va vuyisa na yena.

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Yohane 1:4

Vutomi a byi ri eka rona, kutani vutomi a byi ri ku vonakala ka vanhu.

Yohane 5:21

Hikuva, kukotisa leswi Tatana a pfuxaka vafi a va hanyisa, na yena N'wana u hanyisa lava a va rhandzaka.

Yohane 6:44

A ku na munhu la nga taka eka mina, loko a nga kokiwi hi Tatana la ndzi rhumeke, kutani mina ndzi ta n'wi pfuxa hi siku ra makumu.

Esaya 26:19

Vafi va wena a va tlhele va hanya! Mitsumbu ya mina a yi pfuke! Pfukani n'wina, tsakisisani, n'wina lava etleleke entshurini! Hikuva mberha ya wena i mberha ya vurhonga, kutani misava yi ta tlhela yi veleka lava feke!

Varhoma 8:2

Hikuva nawu wa Moya wa vutomi lowu nga eka Yesu Kriste, wu ndzi ntshuxile enawini wa vudyoho ni wa rifu.

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

Vafilipiya 3:10

ndzi ta tiva Yesu Kriste, ni matimba ya ku pfuka ka yena, ni ku hlangana na yena emaxangwini ya yena, ndzi ta fana na yena eku feni ka yena,

Nhlavutelo 20:5

Loko va ri van'wana lava feke, a va pfukanga, malembe ya khume ra madzana ma nga si hela. Hi kona ku pfuka ka ku sungula!

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 5:26

Hikuva kukotisa leswi Tatana a nga ni vutomi eka yena swakwe, u nyikile na yena N'wana, leswaku a va ni vutomi eka yena.

Pisalema 36:9

Hikuva nseledyana ya vutomi yi na wena, Kutani eku vonakaleni ka wena hi vona ku vonakala.

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

Yohane 14:19

Ku nga ri kungani, kutani misava yi nga ha ndzi voni, kambe n'wina mi ta ndzi vona; hikuva ndza hanya, na n'wina mi ta hanya.

Esaya 38:16

Hosi, vutomi byi kumeka evuneneni bya wena, moya wanga wu kuma ku hanya eka byona; u ta ndzi tiyisa, u va u ndzi hanyisa kambe.

Vafilipiya 1:23

hikuva ndzi kokiwa hi matlhelo mambirhi, ndzi ni ku navela ku suka, leswaku ndzi va na Kriste, hikuva hi yona mhaka leyi sasekeke eka mina ku tlurisa;

Nhlavutelo 22:1

Kutani ntsumi yi ndzi kombisa nambu wa mati ya vutomi, lowu tengeke kukotisa kristala, wu huma exiluvelweni xa Xikwembu, ni xa Xinyimpfana.

2 Vakorinto 4:14

hi ri karhi hi swi tiva leswaku la pfuxeke Hosi Yesu, u ta hi pfuxa, na hina, ha Yesu kambe u ta hi humelerisa na n'wina.

Varhoma 4:17

kukota leswi ku tsariweke leswaku: “Ndzi ku vekile tata wa matiko layo tala”; u tano emahlweni ka Xikwembu lexi a pfumeleke eka xona, lexi hanyisaka lava feke, kutani xi vitana swilo leswi nga riki kona kukota loko ngi swi ri kona.

Luka 23:43

Yesu a ku eka xona: “Kunene, ndzi ri eka wena: Namuntlha u ta va na mina eParadeyisini.”

1 Vakorinto 15:29

Loko swi ri tano, lava nga khuvuleriwa vafi va ta endla yini loko kunene vafi va nga pfuki? Xana va ha khuvuleriwa yini vafi xana?

1 Vakorinto 15:18

Loko swi ri tano, lava tietleleleke eka Kriste va lovile.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga tswariwa a ri swakwe, leswaku un'wana ni un'wana la pfumelaka eka yena, a nga tshuki a lova, kambe a va ni vutomi lebyi nga heriki.

Nhlavutelo 1:18

ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.