Yohane 10:6 - Xitsonga (Bibele)

⁶ Yesu a va byela xifaniso lexi, kambe vona a va swi twanga leswi a va byeleke swona.

BIBELE Mahungu Lamanene

⁶ Yesu ú va byerile xifaniso lexi, kambe vona a va twisisanga leswi a a va byela swona.

Testamente Leyimpsha Xichangana

⁶ Yesu avabzelile xifaniso lexi, kambe vona avatwisisanga lesvi aavabzela svona.

Yohane 10:6 Referans Kwoze

Esaya 56:11

O! I timbyana ta makolo, leti nga xurhiki; i varisi lava nga tiviki ku twisisa nchumu; hinkwavo va famba hi mitila ya vona, un'wana ni un'wana u lava bindzu ra yena.

Swivuriso 28:5

Lavo biha a va twisisi swo lulama, Kambe lava lavaka Yehovha, va twisisa timhaka hinkwato.

Pisalema 82:5

A va na ku tiva ni ku twisisa, va famba emunyameni; Masungulo hinkwawo ya misava ma tsekatseka.

Yohane 16:25

“Ndzi mi byerile timhaka leti, hi swifaniso; kambe nkarhi wa ta, lowu ndzi nga taka ndzi nga mi byeri nchumu hi swifaniso; kambe ndzi ta mi tivisa swa Tatana hi ku hlamusela.

Matewu 13:51

Yesu a ku eka vona: “Xana ma ti twa timhaka leti hinkwato xana?” Va ku eka yena: “Ina, Hosi.”

Daniele 12:10

Lavo tala va ta hlantswiwa, va basisiwa, va ringetiwa, kutani lavo biha va ta tshama va endla swo biha; kutani a ku na mudyohi la nga ta twisisa, kambe lavo tlhariha va ta twisisa.

Pisalema 106:7

Vatata wa hina a va tsundzukanga mahlori ya wena eEgipta, A va anakanyanga ku tala ka mikateko ya wena, Kambe va tiarisa ekusuhi ni lwandle, eLwandle-ro-Tshwuka.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Vakorinto 2:14

Kambe munhu wa nyama a nga amukeri timhaka ta Moya wa Xikwembu; hikuva eka yena, i vuhunguki; kutani wa hluleka ni ku ti tiva, hikuva ti anakanyiwa hi Moya.

Yohane 8:43

A mi twi ha yini-ke, ku vulavula ka mina? Hikuva ma tsandzeka ku yingisa rito ra mina.

Yohane 8:27

A va swi twanga leswaku a a va byela swa Tata wa yena.

Yohane 7:36

Mhaka leyi a yi vulaka yi ri yini, loko a ku: ‘Mi ta ndzi lava, kambe mi nga ka mi nga ndzi voni, ni laha ndzi yaka kona, mi nga ka mi nga ti’?”

Yohane 6:60

Vadyondzisiwa va yena lavo tala, kuteloko va swi yingisile va ku: “Rito leri, ra nonon'hwa; la nga ri twisisaka i mani xana?”

Yohane 6:52

Vayuda va kanetana, va ku: “Xana yeloyi a nga hi nyikisa ku yini nyama ya yena, hi dya?”

Matewu 13:34

Timhaka teto hinkwato Yesu a byela ntshungu hi swifaniso, a nga vulavuri na vona hi swimbe,

Marka 4:34

A nga vulanga mhaka loko ku nga ri hi xifaniso; kutani loko va ri enhlambulo, a hlamusela vadyondzisiwa va yena timhaka hinkwato.

Yohane 16:29

Vadyondzisiwa va yena va ku eka yena: “Waswivo, sweswi, u hlamuserile, a wa ha vulavuri hi xifaniso.

2 Petro 2:22

Kambe va humeleriwe hi mhaka ya xivuriso lexinene lexi nge: Mbyana yi tlhelele emahlantini ya yona, ni nguluve, loko yi hlantswiwile yi tlhela yi puluvundza endzhopeni.