Yohane 10:4 - Xitsonga (Bibele)

⁴ Kuteloko a humesile tinyimpfu ta yena, a ti rhangela emahlweni, kutani tinyimpfu ti n'wi landza, hikuva ti tiva rito ra yena.

BIBELE Mahungu Lamanene

⁴ Loko a humesile leti nga ta yena hinkwato, a ti rhangela emahlweni, kutani tinyimpfu ta n'wi landzelela, hikuva ti tiva rito ra yena.

Testamente Leyimpsha Xichangana

⁴ Loko ahumesile letinga ta yena hinkwatu, atirhangela mahlweni, kutani tinyempfu tamulandzela, hikuva titiva rito ra yena;

Yohane 10:4 Referans Kwoze

Duteronoma 1:30

Yehovha, Xikwembu xa n'wina, lexi fambaka emahlweni ka n'wina, xi ta mi lwela xi ri xona, hilaha xi nga mi endlela swilo hinkwaswo emahlweni ka n'wina eEgipta,

Yohane 10:16

Ndza ha ri ni tinyimpfu tin'wana leti nga riki ta tshanga leri; na tona ndzi fanele ku ti tisa, ti ta yingisa rito ra mina; kutani ntlhambi wu ta va wun'we, ni murisi a va un'we.

Yohane 12:26

Kungakuloko munhu a ndzi tirhela, a a ndzi landze; kutani laha ndzi nga kona la, ndzi tirhelaka, na yena u ta va kona; loko munhu a ndzi tirhela, Tatana u ta n'wi dzunisa.

Yohane 18:37

Kambe Pilato a ku eka yena: “Xana kunene u hosi-ke?” Yesu a n'wi hlamula, a ku: “Wa vurisa, ndzi Hosi; ndzi tswaleriwe byona vuhosi, kutani ndzi tele byona emisaveni, ndzi ta va mbhoni ya ntiyiso. Un'wana ni un'wana la nga wa ntiyiso, u yingisa rito ra mina.”

1 Petro 2:21

Kambe hi leswi mi vitaneriweke swona, hikuva Kriste, na yena, u twisiwe ku vaviseka hikwalaho ka n'wina, a ri karhi a mi siyela xikombiso leswaku mi ta landza mitila ya yena;

1 Petro 5:3

mi nga ri lava fumaka ndzhaka ya Hosi, kambe mi va swikombiso swa ntlhambi.

1 Vakorinto 11:1

Mi va vaetisi va mina, kukota leswi na mina ndzi nga wa Kriste.

Yohane 10:8

Hinkwavo lava ndzi rhangeleke, a ma ri makhamba ni vawutli, kambe tinyimpfu a ti va yingisanga.

Matewu 16:24

Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Vaheveru 6:20

laha Yesu a ngheneke hikwalaho ka hina, a ri murhangeri wa hina, a va a vekiwa muprista lonkulu hilaha ku nga heriki, hi mukhuva wa Melkisedeke.

Vaefesa 5:1

Hikwalaho-ke, mi va vaetisi va Xikwembu, kukotisa vana lava rhandziwaka,

Yohane 3:29

Loyi a fuwaka mutekiwa, i muteki; kambe xangwana ya muteki leyi yimaka yi n'wi yingisa, yi tsaka hi ku tsaka lokukulu, loko yi twa rito ra muteki; hi kona ku tsaka ka mina loku hetisekeke.

Risimu ra Tinsimu 2:8

I rito ra murhandziwa wanga! Vona, wa ta, U tsemakanya ehenhla ka tintshava, A tlula ehenhla ka switsunga.

Yohane 13:15

Hikuva ndzi mi vekele ntila, leswaku mi endla kukotisa leswi ndzi mi endleke swona.

1 Petro 4:1

Leswi Kriste a tweke ku vaviseka enyameni, na n'wina, mi tlhoma ku anakanya kuloko, leswaku loyi a tweke ku vaviseka enyameni, u tshikile ku dyoha,

Risimu ra Tinsimu 5:2

A ndzi etlela, kambe mbilu ya mina a yi sisimuka, I rito ra murhandziwa wa mina la gongondzaka, A ku: “Ndzi pfulele, makwerhu, murhandziwa wanga, Tuva ra mina, mukwetsimi wanga! Hikuva nhloko ya mina yi tele hi mberha, Misisi ya mina yi tsakamile hi mathonsi ya vusiku.”

Yohane 10:3

Mulanguteri wa nyangwa u n'wi pfulela, kutani tinyimpfu ti yingisa rito ra yena; a vitana tinyimpfu ta yena hi mavito ya tona, a ti byisa ehandle.

Yohane 10:5

Ti nga ka ti nga landzi un'wana, ti ta n'wi balekela, hikuva a ti tivi rito ra vambe.”

Yohane 10:27

Tinyimpfu ta mina ti yingisa rito ra mina, kutani mina ndza ti tiva, kutani ta ndzi landza,