Yohane 10:27 - Xitsonga (Bibele)

²⁷ Tinyimpfu ta mina ti yingisa rito ra mina, kutani mina ndza ti tiva, kutani ta ndzi landza,

BIBELE Mahungu Lamanene

²⁷ Tinyimpfu ta mina ti yingisa rito ra mina; ndza ti tiva, kutani ta ndzi landzelela.

Testamente Leyimpsha Xichangana

²⁷ Tinyimpfu ta mina tiyingisa rito ra mina; mina natitiva, kutani tanilandzela.

Yohane 10:27 Referans Kwoze

Yohane 10:16

Ndza ha ri ni tinyimpfu tin'wana leti nga riki ta tshanga leri; na tona ndzi fanele ku ti tisa, ti ta yingisa rito ra mina; kutani ntlhambi wu ta va wun'we, ni murisi a va un'we.

Yohane 10:14

Hi mina Murisi lonene, ndzi tiva tinyimpfu ta mina, kutani ta ndzi tiva na tona.

Nhlavutelo 3:20

Waswivo, ndzi yimile enyangweni, ndza gongondza; kungakuloko un'wana a yingisa rito ra mina, a pfula nyangwa, ndzi ta nghena eka yena, ndzi lalela na yena, na yena a dya na mina.

1 Vakorinto 8:3

Kambe loko munhu a rhandza Xikwembu, u tiviwa hi xona.

Vaheveru 3:7

Hikwalaho, hilaha Moya lowo Kwetsima wu vulaka hakona: “Namuntlha, loko mi twa rito ra yena,

Yohane 5:25

“Ndzi vurisile ndzi ri eka n'wina, Nkarhi wa ta, ni sweswi wu tile, lowu vafi va nga ta yingisa rito ra N'wana wa Xikwembu, kutani lava nga ta ri yingisa va ta hanya.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Vagalatiya 4:9

Kambe sweswi, leswi mi tivaka Xikwembu, ngopfu ndzi nga ku, leswi mi nga tiviwa hi Xikwembu, xana mi tlhelela yini etimhakeni ta khale leti nga riki na matimba, ta vusiwana, leti mi rhandzaka ku tlhela mi tiboha eka tona?

Yohane 10:8

Hinkwavo lava ndzi rhangeleke, a ma ri makhamba ni vawutli, kambe tinyimpfu a ti va yingisanga.

Yohane 12:26

Kungakuloko munhu a ndzi tirhela, a a ndzi landze; kutani laha ndzi nga kona la, ndzi tirhelaka, na yena u ta va kona; loko munhu a ndzi tirhela, Tatana u ta n'wi dzunisa.

Yohane 8:43

A mi twi ha yini-ke, ku vulavula ka mina? Hikuva ma tsandzeka ku yingisa rito ra mina.

1 TIHOSI 18:21

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

Luka 9:23

Kambe a va byela hinkwavo, a ku: “Kungakuloko un'wana a rhandza ku ndzi landza, a a titshike, a tirhwexa xihambano xa yena hi siku rin'wana ni rin'wana, kutani a ndzi landza.

Matewu 17:5

A ku a ha vulavula, papa lero vangama ri humelela ri va khubumeta; kutani ku twakala rito leri humaka epapeni ri ku: “Loyi, i n'wananga la rhandziwaka, loyi ndzi n'wi tsakelaka: n'wi yingiseni.”

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Yohane 21:22

Yesu a ku eka yena: “Kungakuloko ndzi rhandza leswaku a tshama ndzi kondza ndzi vuya, ku nga va yini eka wena-ke? Wena ndzi landze.”

Luka 13:27

Yena u ta ku: ‘Ndza mi byela, ndzi ri: A ndzi mi tivi lomu mi pfaka kona sukani eka mina n'wina lava endlaka swo biha.’

Marka 8:34

Kuteloko a vitanile vunyingi ni vadyondzisiwa va yena, a ku eka vona: “Munhu, hambi a ri mani na mani loyi a rhandzaka ku ndzi landza, a a titshike, a tirhwexe xihambano xa yena, kutani a ndzi landza.

Matewu 25:12

Kambe a va hlamula, a ku: ‘Ndza vurisa, ndzi ri eka n'wina, a ndzi mi tivi.’

Matewu 16:24

Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

Matewu 7:23

Enkarhini wolowo ndzi ta va byela erivaleni, ndzi ku: ‘A ndzi mi tivanga, ni siku ni rin'we; sukani eka mina, n'wina vadyohi.’

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

Timhaka 3:23

kutani ku ta endleka leswaku un'wana ni un'wana loyi a nga yingisiki muprofeta yeloyi, u ta susiwa exikarhi ka tiko.’

Marka 10:21

Kuteloko Yesu a n'wi langutile, a n'wi rhandza, kutani a ku eka yena: “U pfumala xilo xin'we: Famba, u ya xavisa hinkwaswo leswi u nga na swona, u nyika swisiwana, kutani u ta va ni xuma etilweni; kutani u ta, u ndzi landza.”

Esaya 66:22

“Hikuva hilaha matilo lamantshwa, ni misava leyintshwa, leyi ndzi nga ta yi tumbuluxa, swi ta tshama swi va kona, emahlweni ka mina,” ku vula Yehovha, “hi sweswo rixaka ra n'wina, ni vito ra n'wina swi ta tshama swi va kona.